من الشعراء الأعلام في بلادنا الشاعر عبدالهادي بن راجس السبيعي الذي انتقل إلى رحمة الله منذ أشهر وله صولات وجولات في كل ميادين الشعر..
ومن روائعه الخالدة هذه القصيدة التي ينصح بها أبناء الوطن ويوضح معنى المواطنة الصادقة:
ابن البلد
يا بن البلد كانك صحيح ولدها =احفظ حقوق الوالدين الحشامي
يا بن البلد حاول تجنب نكدها =ارفع مقامك يا رفيع المقامي
يا بن البلد حاول توفر سعدها =عليك بالعليا وراس السنامي
يا بن البلد مالك مصير بعدها =هي ربتك حتى لبست الحزامي
هي فادتك من خيرها وانت فدها =حاول ترد الها الجزاء بحترامي
لا خير في يمنى تخون بجسدها =ولا خير بسمٍ ما يعز الاسامي
يا بن الحمولة لا تخون بعددها =لا عدو أسماهم قفوك بملامي
لا تعاهد أمك ثم تخون بعهدها =يومي بك الشيطان شرق وشامي
تصبح بدارٍ شيل منها عمدها =دار هدام ومبتليها هدامي
تزرع لنفسك مشكلة وتحصدها =والعاقبة ما هيب برد وسلامي
مثل الذي داوى العيون برمدها =وأسهر عيونه عقب حلو المنامي
أو مثل من لذة حياته فقدها =لا شفت جسمه جلد فوق العظامي
مقرود والنفس البريه قردها =خلا الحلال وراح يم الحرامي
عزي لبوه ولمه اللي جهدها =راحت هقاويهم سوات الحلامي
يا بن الحموله خلك انته سندها =ملجاً لمنهو عض راس البهامي
حتى تقاودلك ويسهل قودها =مثل العسيف اللي عصاها الخطامي
ذي نعمة يا جب عليك تحمدها =أد الزكاة وصل واقض الصيامي
وعوايد الجدان لا تنتقدها =اعمل بها ولا تعكس النظامي
وعن ما يريبك عز نفسك وزدها =وابعد وخل النور يجلى الظلامي
وانسى الطروق الضيقة وابتعدها =وامش الطروق اللي بها ما تلامي
وعسى السلامة ترتكيلك بيدها =وتحط لك ذوب العسل باليدامي
عبدالهادي بن راجس
« آخـــر الـــمـــشـــاركــــات »
29-May-2008, 04:38 PM
قصائد تتحدى النسيان ( عبدالهادي بن راجس السبيعي) رحمه الله
العرض العادي
