يا خـــــــــــــــــــال ....

[الــوآفــي]

اخواني اعضاء المنتدى الغالي


في بعض الأحيان يترنم الخاطر ببعض الأبيات الشعريه لأسباب ذاتيه وداخليه

وهذه القصيده أرسلتها الى خالي طلق بن دغيليب الذيابي ( الحسام )

وجاراني فيها اكثر من اسم شعري جميل


اضع المشاركه بين ايديكم لعلها تنال رضاكم


أقـــــــــول

يا خال ابا اشكي لوعتي والتياعي=وابا انظم الابيات واحبك بناها
جتني بيوت الشعر من غير داعي=والظاهر الخفاق عندي دعاها
انخاك وانخى طيبين المساعي=ياللي بفعل الطيب قمت إتباها
اباك تنصت معي بالاستماعي=ثم ترسل اشوارن حكيمه تراها
اشكي عذاب بين الاظلاع قاعي=شي دخل بين الظلوع وطواها
واعي مع العالم ولانيب واعي=والنفس تقوى القلب والا قواها
والعين تسهر فوق حد استطاعي=‏(ولي عيونن نومها ما هناها)
اربع سنين وحالتي في تداعي=ولحدن نشد عن حالتي وش بلاها
كله من اللي كن رمشه صناعي=وعيونه الثنتين زايد حلاها
يومه نظرني بالعيون الوساعي=اطلق سهوم العين لو ما رماها
واصابني بالرمش والقلب طاعي=طاع العيون وقام يجري وراها
اليوم انا بعلن له الانصياعي=والا يجي منكم لحالي دواها
لو كان نجدة خافقي من ذراعي=كان انتهينا ما فزعنا علاها
هات النصيحه ثم فل الشراعي=وانا النصيحه جالس في حراها

وهذا رد خالي الشاعر / طلق بن دغيليب الذيابي الملقب بـ ( الحسام )

وش صار مع ذيبان ليث السباعي = نفسه زمت وشلون يلحق هواها
هذي فعول الجيب راعيه راعي = وبالذات شنطة عزبته لاملاها
اليا عطى الخط القديم الزراعي = غنا لحونن باعها واشتراها
قام يتخيل والتخيل ضياعي = واهل الخيال احيان تنثر عشاها
يقول صابه رمش حلو الطباعي = عكشن علاج الجرح حالي نباها
وانا مع الشهم الجزيل الشجاعي = ومعشوقته ناطا الخطر في حماها
دام الهجوم افضل وسيلة دفاعي = ما نقبل الحل الوسط في رجاها
يبشر بمال وجاه وامره مطاعي = دايم هل الوقفات تقضب لحاها
يلزم طلوع العرق دفعن رباعي = والحر يلحق جزلته في سماها
الا انها صارت لغيرك متاعي = حبه ودارت عند غيرك رحاها
بس انتبهلي لا يطول النزاعي = واصمل لو الرحله طوالن خطاها
اخاف فالمشوار لاقمت ساعي = تثور بندق صاحبي في خباها
ويرجع مع اول خط نقلن جماعي = وكم واحدن رام العلا ما رقاها
وبكره ليامن الخبر عنك شاعي = امسيت فرصة من تردد حكاها
والا هبيلن لا سمع علم اذاعي = خبلن لو يشوف الحرار اشتواها
ولحّق غداه الدسم علبة مراعي = وامسى يسحب فالنميمه عصاها

وهذه مجاراه من خالي براك بن دغيليب الذيابي

علما ان الاقتباس في احد الاشطر كان توارد خواطر ولم يعلم احدهم برد الآخر

ياصاحبي هات الورق واليراعي = وافزع لعينآ طار عنها كراها
سهران لين الفجر جاله شعاعي =احسب نجوم الليل واسهر معاها
من واهجن بالكبد مثل الولاعي =حره بمكنون الضماير شواها
احترت في برهان طلق الذراعي =وشلون يصدف صيدتن مارماها
والناس لويسعون مثل السباعي = كم واحدآ له حاجتن ماقضاها
وان كان بالدعوى جدال ونزاعي = خذني من أولها ليا منتهاها
خذني معك بالمال للي يباعي = لحاجتك لوهوغالين مشتراها
الا المقفي ماوراه اندفاعي = مايتبع المقفين غير السفاها
رايي وكلآ له هدف وانطبا عي = ولا كل من رام الطويله رقاها

وهذه مجاراه اخرى من الشاعر فلحان بن فلاح الذيابي

عداد مابالبيت طايف وساعي=وعداد ماتبد النجوم بسماها
يامرحبا بك يالكريم الشجاعي=ذخر الرجال اللي يذري ذراها
ان كان للنوماس والطيب راعي=ذيبان راعيها وحامي حماها
ورسالتك من عقبها القلب زاعي=شاش الخفوق وهاضني محتواها
وسوت مشاكل فالجهاز المناعي=وردت علومن قد قلعنا مداها
وحنا نرد الصاع عشرين صاعي=لكن حدد يابو وافي نحاها
اهي من الشبرم وحي الضلاعي=وألا عفيف اللي قضت به صباها
والا تدير ريحه والقماعي=دارن يرد الروح نفحة هواها
ولو دونها بندق وسيفن يراعي=والله لتحصل دامك انته تباها
ويصير من عقب الفراق اجتماعي=وعقب الزعل نفسك تحصل رضاها
ولايمك يحسب من حساب الوجاعي=ونار المحبه تحرق اللي وطاها
وقدمك حلاحيلن طويلين باعي=عليهم الايام دارت رحاها
مثل الدجيما في ضواح الفراعي=له سيرتن فالحب كلن قراها
ومحمد الاحمد بعال الرفاعي=غنى البيوت اللي يشوق غناها
والحب لايشرا ولا هو يباعي=فطره من امنزل تبارك وطه~

وسلامتكم عني وعن الجميع

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه