سلاااطين الشعر

[عيد العازمي]

انا ودنّي اعرف ويش سر الشعر في سلطان = ثلاثه من سلاطين الشعر في منتدى الهيلا
ولكنّي نويت احد منهم شاعر الجذعان = تحت نور القمر والاّ بدونه نسري الليلا

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[السميــــــري]

ولكنّي نويت احد منهـم شاعـر الجذعـان
ولكنّي نويت احد منهـم شاعـر الجذعـان

العازمي ..

حدهم .. قدام قدام ..
والليل الليل ..
صح لسانك ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[محمد العضياني]

المشاركة الأصلية كتبت بواسطة العازمي

انا ودنّي اعرف ويش سر الشعر في سلطان = ثلاثه من سلاطين الشعر في منتدى الهيلا
ولكنّي نويت احد منهم شاعر الجذعان = تحت نور القمر والاّ بدونه نسري الليلا

الله الله يالعازمي

بداية مشوقة وطالب احد رموز الابداع ( ابو عبد الله)

نحن على موعد بلا شك مع ليلة رياضية مثيرة

صحت السنتكم

ومتابع معكم من خلال الشاشة الفضية

[عيد العازمي]

السميري هلابك وازهلهم


البواردي ياخوي انت استاذنا كلنا ولاهان ابو عبدالله

[_أبو هلا_]

الله الله

صح لسانك يالعازمي

والصف صفّك

ننتظر سلطان

[عيد العازمي]

ابو هلا صح بدنك واتشرف لاهنت

[سلطان الجـذع]

ترى كل من اسمه له نصيبه ياابرق الجنحان =عسى ربي يبارك في رجال توفي الكيلا
ياعزف العود والله ماضحكت الا على الفنان =لاتطمع ياابن عاصي وانت لاحيله لاحيلا

[عيد العازمي]

عسى حظّي ماوافق حظكم ياطير ابن برمان = و علم الطيب ياسلطان قبل الحط والشيلا
نويت ابعّد الخطوه واسجّك داخل الميدان = ومن كحل الثمد يكحل عيونك مايس الميلا

[_أبو هلا_]

المشاركة الأصلية كتبت بواسطة العازمي

عسى حظّي ماوافق حظكم ياطير ابن برمان = و علم الطيب ياسلطان قبل الحط والشيلا
نويت ابعّد الخطوه واسجّك داخل الميدان = ومن كحل الثمد يكحل عيونك مايس الميلا

ياسلام سلّم

متابع وماسك الصف

[سلطان الجـذع]

يمرن السوالف يالمخالف والعقل ميزان =اظنك قد سمعت اخبارنا موجز وتفصيلا
بعد فرمتك قبل امس بن ثعلي شاعر العضيان =مثل ماجاك منه يجيك مني يالمهيبيلا