انا الي مايخونك لو يخون الآدمي عمره

[ابراهيم الزراقي]

الا ياوجد روحي كل ماهبت هبوب النود=وجود الي تعنى في حياته وانتهى صبره
يسج الرجل مع دربه ويسري فاليال السود=على حلم السنين الي عطته من العنا عبره
على ذاك الحبيب الي هجرني والغلا موجود=هجرني وابتعد عني وانا مااقوى على هجره
هجرني وابتعد والحب ضاع بدربه المسدود=هجرني وانتهى حلمي وخانت عيني العبره
بعد ماكان في قلبي هو الغايه هو المقصود=تركني للعذاب وذقت مر الوقت من غدره
تركني للعنا والهم والمسرى بدون حدود=تركني ماحفظ قدري بعد ماصنت انا قدره
تركني للسهر بالليل يومن العباد رقود=اعاين فالنجوم المرقبه والصدر به جمره
اعاين في نجوم الليل وهمومي علي اتزود=ليا مني ذكرت انه نساني واقتنع مره
واتوه بغبة احزاني واصير بعالمن مفقود=ليا مني ذكرت الحب والميثاق والعشره
وذكرت اني على شانه بذلت جهود بعد جهود=على شان يتهنى فالحياه ويفرح بصغره
صغير يقولي تكفى محبتنا عليها عهود=وانا اقول الخفوق الي يحب بصدق مايكره
ليا منا توصلنا وسرنا بالكرم والوجود=ترى ماهمنا الحاسد لو انه مات في حره
انا فدوة عيونك ياعيوني والليال شهود=انا الي مايخونك لو يخون الادمي عمره
نسيت انه هو الجاحد وانا الي فالهواء مجحود=نسيت ان الهواء الكاذب يموت ولا انجنى ثمره

آخر تعديل ابراهيم الزراقي يوم 10-Dec-2007 في 08:31 AM.