هنا محاورات الشاعر العلم الكبير المدرسه الشعريه مطلق الثبيتي رحمه الله

[سعود النفيعي]

السلام عليكم ورحمة الله وبركاته

هذا موضوع جمعت فيه محاورات مطلق الثبيتي ونقلتها من عدة منتديات وهذه ليس جميع المحاورات بل بعض منها وأبرزها وأشهرها بتاريخ المحاوره

إلى المحاورات:::

مطلق الثبيتي ××أحمد الناصر




مطلق الثبيتي


قبل شهر رمضان الليل هذا مثل ليـل العيـد=عسى ربي يطول عمر من نمشي على نـوره


تهرج يا احمد الناصر وصك الحيد جنب الحيد=ولا تزعل على مستور والاحـوال مستـوره


احمد الناصر


اظن العيـد عيـد للجميـع مبـارك وسعيـد=وهذي عادة ما تختلـف لعيـال اخـو نـوره


عسى من قاد راسك يالثبيتي مـا يفيـد الفيـد=ترا مستور اخوي ورفقته في القلب مبـذوره


مطلق الثبيتي


ترا عقل البني آدم يا حمد الناصر سواة القيـد=يخلي السر دايم صرة في الجيب مصـروره


نسيت الفقه والتوحيـد والتفسيـر والتجويـد=بعد عودت معهم كـل يـوم تلعـب الكـوره


احمد الناصر


تهرج يالثبيتي انت ابـو مـا تشتهـي وتريـد=وليا ضيعت دربك نزهدك في راس باكـوره


تكايدني واناخا بـرك رجـال تحـب الكيـد=جوازك للسفر ما فيـه توقيـع ولا صـوره


مطلق الثبيتي


عطوك البندقية مار ياجعلـك تصيـد الصيـد=لها روحين صار البندقة ما هيـب ممهـوره


يجيبون الـدوا للعـود يبونـه يصيـر وليـد=وليا شافوه يعرج بين اهل رابـغ ومستـوره


احمد الناصر


تشوف اللي قريبه يالثبيتي مـا تشـوف بعيـد=سواة التاجر اللي في البحر غرقـان بابـوره


اظن الفقع في جنب الرقـه والعلـم بالتأكيـد=ولو ما تحسن اللحية لقيت البيـض منثـوره


مطلق الثبيتي


انا ما ابغاك تمشي فالدروب العوج يا بوزيـد=ولا يطرحك درهام الجمل فالارض عنكـوره


انا با خذك بالمعروف وانت العم وانت السيـد=رجاجيل الجميلة بين كـل النـاس مشهـورة


احمد الناصر


تهددني ولايزمـل عميلـك راعـي التهديـد=واخبر الناس يا رجـال منهيـة ومـا مـوره


نبي نرضيك يا رجال والميت عسـاه شهيـد=وعقب اقرا عليك العاديات من أول السـورة
************************************************** *************

مطلق الثبيتي ××شليويح بن شلاح

مطلق الثبيتي:


سلام الله على من جابنا ذكره ومرسولـه==عدد نو المزون اللي لهـا نـوٍ ورعـادي
شليويح المطيري يوم شفته عزّني زولـه==واثره الشجره اللي عرقها سابح مع الوادي


شليويح بن شلاح:



هلا يامرحبا ترحيب نبدي فيه ونقولـه==نيابة عن مطير الحاظره و آلاد عبادي
شليويح المطيري ماشيٍ فالدرب بنعوله==ولا احط القدم حافي لعل الدرب ينقادي


مطلق الثبيتي:


الا يازينها لـو تصبـح البيبـان مقفولـه==وتمسي يالمطيري من ورا البصره وبغدادي
ياراعي الشله اللي عن عيال الخير معزوله==بعد سويتها فينا يبي لك حـرب وجهـادي



شلويح بن شلاح:



عرفت الغازكم والغازكم من عصر محلوله==كلامك فالمسجل لاتشغل موجـة الـرادي
انا لي شلةٍ في دربها ماهـي بمشلولـه==بعدها يالثبيتـي لاتحـرك كـورة النـادي



مطلق:



ابربي حرامـيٍ يشيـل التمـر بحثولـه==نما من عادته مايسرق الا تمر الاجوادي
ابوكم ماتسنع وامكم قشرى ومهبولـه==ليا ميزتها من قشرها ماعـاد تـزدادي





شليويح:



علام الحضرمي قدام جيرانه كفا فولـه==يعقّب دلته ويجيـب للضيفـان بـرادي
انا امي صاحيه وامك من الايام مشغوله==ولاتسمع كلام امك نهار تصيح وتنادي





مطلق:



زعل راعي الونيت وضاع له عشرين صاموله==ويوم انه زعل واليا الفرامل سلكهـا غـادي
حبال الخير بين الناس ممـدوده وموصولـه==ولاتقدر تغيرهـا ليـا شفـت القمـر بـادي




شليويح:



اقص الجره اللي من زمان العـام مدهولـه==واثر طبع الحرامي يختلف عن طبع الاجوادي
انا خابرك تثني كان نار الحـرب مشعولـه==لكن اليوم عان القوم لك في كل مرصـادي



مطلق:



رموشك يالمطيري من دموع العام مبلوله==نبا نشبعك في شعبان ونجمدك في جمادي
ليا شفنا الغناوي كل يوم يقـل محصولـه==قطعنا عنه نسناس الهوى والشرب والزادي



شليويح:



ليا حمرت عينك عندنا بالكحل مكحولـه==وانا بشب ناري كان شفت القدر ماجادي
انا ماني بشعره من عجينة خبل منسوله==انا دكتورها حتى نداوي كـل الاكبـادي



مطلق:



الا ياموترٍ حطوا لـه الشاصيـن مدبولـه==لكنه لامشى في الدرب من ممشاه متحادي
انا اعرف القلوب اللي من الاوهام مدخوله==اجيب إلها الدواء مير الدواء والطب مافادي





شليويح:


انا بنشدك عن هاك الونيت إصحيح منهوله==بعد ماحوّل السواق ركبه غض الانهـادي
وانا ماني بماشي غير مع سكه ومدهوله==لكنك قص دربك يالعتيبي وانصح الغـادي



مطلق:



شليويح المطيري مدوخ العربان بطبوله==وياليته مع الغزي وجنب عزيز البـادي
والا يازين زول الشيخ والذرعان مفتوله==لكنه يطوف ويستعي فالشعب وجيـادي


شليويح:



تغيّر صاحبي يوم السواري وقعت حوله==سلامه يالثبيتي وابشر انك واصل المادي
ليا زعل الثبيتي من زمان العام قولوا له==نبا نكسيه من سوق الرجال ثيابٍ جدادي
************************************************** *************

مطلق الثبيتي ××عبدالله المسعودي

مطلـق الثبيتـي



سلامي على اهل الحله اليلها شانٍ(ن)رفيـع***وحنا نجيهـا فـي ليـال الفـرح ونرودهـا


لياجيت في سوق التجاره لابد اشرى وبيـع***ولا اكفاء حياض العد من يو شفت اورودها



عبد الله المسعودي



هلا مرحبا ترحيب يضفي على روس الجميع***سوات الدوى لا قلوب بعض العرب وكبودها


كبار السوالف وايقت كل ضلع وكـل ريـع***وعيال الحلال اليا محـل الحيـاه اتقودهـا


مطلـق الثبيتـي



بغيتك تسافـر يـم لنـدن شتـا ولا ربيـع***وشوفك ما تسلى من جبال(ن)تصيح اقرودها

ترا للي سواتك يطعـم العلـم لابـده يطيـع***ليا جات درجتها تسـاوت علـى عبرودهـا



عبد الله المسعودي



له ايام والكبسول تقرع علـى جنبـه قريـع***يبا يستحـل ابـلاد صنعـا بكثـر ازيودهـا


انا عارف(ن) السمن طيب ولا كنـه يميـع***يدين تغمـس فيـه بيسـل فـوق ازنودهـا






مطلـق الثبيتـي



يضيع العماء والي عيونه سليمه مـا يضيـع***ولا ينقل الي في نحرهـا نشـب عبرودهـا



ونا ما جبرت الي تدرق ورا سـد الوشيـع***الف الجنـازه فـي كفنهـا وارز الحودهـا



عبد الله المسعودي



من الي يدور للبن بعد شهر مـن الضريـع***وش الي يصيده بعد يـوزي فمـه بديودهـا



ترا المقبره حمرا وغبرا وحلـم الله وسيـع***عسى تشرب الشجره وتحيا ويخضر عودها




مطلـق الثبيتـي


لوانك تغمض نص ساعـه يسبعـك السبيـع***وتخدمك ظبـاط السريـه وكـل اجنودهـا


لكنـك تعلمـت الكاعـه وسمـوك الكـيـع***تبا الشيخ يقبل دعوت(ن) مالقيت اشهودهـا




عبد الله المسعودي



بعض قوم لا تصنع ولا تعترف بمر الصنيع***عرب غافله تقرع على القافله بـا شنودهـا


ولا يا معلـم خيرمانتـه متيـن ولا رفيـع***تبا تبلـغ الخنقـه وتوبـه معـاد اتعـودهـا
************************************************** *************
مطلق الثبيتي××صياف الحربي

صياف الحربي
ياسـلام الله ودار العـز مرفـوع علمـهـا***عقب شعشع نورها والظلم حال العدل دونـه
الثبيتي لو اقـول اقسـم عيونـك ماقسمهـا***والتفت فيه بنظـرة حسـد ويطيـر عيونـه





مطلق الثبيتـي
يحفظ الله الجزيرة والشجاع اللـي حكمهـا***مثل قصر ثابت السيسان واخوانه حصونـه
صاحبـي صيـاف ينهبهـا وياكلهـا بدمهـا***ليتها ماتاصل الحنجور تنشـب فـي سنونـه





صياف الحربي
المطية ماتقاود غيـر مـع رجـل خطمهـا***لو يضيع خطامها من طردها كثرت غبونـه
انت اشوفك تفرس الصيدة وتاكل من لحمهـا***والخوي لاضيع القانـون قامـوا يشمتونـه





مطلق الثبيتـي
المطية خلها فـي الـدرب لاتكتـم نسمهـا***واحترص من غضبة الجمال لايضربك شونه
كل حية سمهـا فـي بطنهـا سديـت فمهـا***وان لقيت الوعل ابو قرنين اطقه في قرونـه





صياف الحربي
اكثـر العربـان يلزمهـا وكنـه مالزمـهـا***ثم راح من الزعل يمشي ويقطع من ردونـه
انت مثل العقرب اللي تخلع الناس بوحمهـا***مار جاها قاريُ شاطر دهنهـا مـن دهونـه





مطلق الثبيتـي
ماعليه من عجوزك كان ماضـوت غنمهـا***وان زعل صياف جعل اللي وراه يحول دونه
امس يبني عشته في الضلع واليـوم يهدمهـا***والهبايـب ماتهبـه والطراقـي مايجـونـه





صياف الحربي
الله انه ينصر السنـة ويظلـم مـن ظلمهـا***والعرب مايطحنون الحـب ليـن يفتشونـه
لو تشوف العشة اللي صاحب الخبرة حزمها***فوق ضلع كل ماطاح المطر تثمر غصونـه





مطلق الثبيتـي
الآشارة فآخر الشـارع بصدامـه صدمهـا***الونيت اللـي قديـم وكـل يـوم يوظبونـه
المنايا ياوسيـع العـرف مايخطـي سهمهـا***مارخلـك صالـح النيـة وعمـك لاتخونـه




صياف الحربي
القلوب العمي خل الذيب ياكل مـن شحمهـا***والونيت اللي يسوقـه صاحبـه لاتقربونـه
ليت بقعاء تلمس الرمضاء وتاكل من قدمهـا***وانت يابو راس راسك ماتغير عـن متونـه


مطلق الثبيتـي
العيون اللي تهـل دموعهـا منهـو لطمهـا***لو عرفته كان خليـت الجماعـة يحبسونـه
المطية يوم ريض مشيها محـد( ن ) نهمهـا***لو نهمها كان تاصل مطرح (ن)ماتاصلونـه
************************************************** *************
يتبع>>>>>>>>>