مطلق الثبيتي ورشيد الزلامي
مطلق الثبيتي
يالزلامي فوق رآسك شجرةٍ مزروعه=غصنها مايل على رآسك ولاله فيّـه
إرم عن جنبك هذيك الجبّه المرقوعه=ولك عندي جبةٍ تسوى ميـة ربيّـه
رشيد الزلامي
لاتقربّها لرآسـي خلّهـا مرفوعـه=نيّتك ماهي سليمـه ياخبيـث النيّـه
حسنةٍ من عندكم ياأهل التهم ممنوعه=والزلامي تعرفـه مايلبـس العاريّـه
مطلق الثبيتي
دخنوا فالجحر لين إنّه نقز جربوعـه=الرجال اللي تعرف الحسنه من السيّه
مانبا نعطيه شي لين يلحس كوعـه=واحدٍ يزحف ونابه مثل نـاب الحيّـه
رشيد الزلامي
انت مثل بعير ....ماتزين طبوعـه=لونزيّـن رآس ابوعـرّام بالطاقيّـه
السلوك اللي تجي من يمّكم مقطوعه=من زمان العام ماهوب السنّه هاذيّه
مطلق الثبيتي
الزلامي لوبكالي مامسحـت إدموعـه=لوفرشلي يوم أجي عنده ميّّـه زوليّـه
إن نصحته عن سواليفه يصّك إسموعه=ماأنتبه لي لين ذاق الرمـح والجنبيّـه
رشيد الزلامي
لاتحاول في صناعه قبلكم مصنوعـه=وأنت ماتضمن نجاحك ميـةٍ بالميّـه
وآحسوفي ياليتيم اللي هشمت ضلوعه=كل ماصيّحت فإذنه طـاح فالصينيّـه
مطلق الثبيتي
لاترجّى خير مـن سيّـارةٍ قربوعـه=وإن مشت في دربها شاصينها ملويّه
لوعطاك الشيخ درع من خيار دروعه=قلت ياعاقل مع العقّال منـت بعيّـه
--------------------------------------------------------------------------------
مطلق الثبيتي ××حبيب العازمي
حبيب العازمي
زاد الكلام وزادت الصفين
..............من شاف راع السيل من شافه
بيني وبينه سلت السكين
.............مـــــــــــافيه لارحمه والا رافه
مطلق الثبيتي
لو تلتبس لك بينهم بشتين
...........البــــحـــــــــر ماينقصه غرافه
بالهون ياركان ابو حثلين
..........اللي عشـــق درب العناء عافه
حبيب العازمي
الشرع يحكم والشهود اثنين
..........وغير الثنين اثنين حـــــــلافه
وراك يامطلق تلد العين
.........وش شفت قدم الذيب وخــلافه
مطلق الثبيتي
مالك ورانا ياحبيب دين
..........والشرع ثابت فوق ميقـافه
ماشفت قدم الذيب غير الزين
..........واللي يطرف فالخلا حـافه
حبيب العازمي
خليت الاردن يالشريف حسين
..........والخوف في جوفه وفطرافه
سلم العرب وقت القسى والين
..........كل ن علاه ايضفي الحــافه
مطلق الثبيتي
الله ياحسبي على الاثنين
...........كل ن يصج السمع غطرافه
الموتر اللي صانعه فالصين
..........اعمى عيون الناس كـشافه
حبيب العازمي
الله دعى فالوعل ابو قرنين
............عود يدف الضلع بكتافه
لكن جاي من اين رايح وين
..........ياسرع ميقافه ومحـرافه
مطلق الثبيتي
اجناه ابو نخله وابوسيفين
............معاد اله فالسوق صرافه
ترى الثبيتي ياغراب البين
...........معروف مرباعه ومصيافه
حبيب العازمي
الظاهر ان صرافته مقفين
...........هفت بهم مع راس مهيافه
اصبر شويه والعلوم اتزين
.........يالافه انته قدمك الافـــــه
مطلق الثبيتي
بعض العرب فيهم طباعن شين
............اعصيهم للقطــــــن نتافه
الشيخ من لايتبع المقفين
...........كلن يرجع فوقه اسلافه
حبيب العازمي
مهوب منا من هل الضلعين
...........اللي تعرف القطن واصنافه
بالله لاتاكل على الحيين
..........خل الهــلال يوقف اسعافه
************************************************** *************
مطلق الثبيتي ومستور العصيمي وخلف بن هذال وصياف الحربي (رباعيه)
مطلق الثبيتي
صياف ويا خلف هذال نبغاهم جمال جميع
حتى نحمل عليها الصبح حملتها وتشتالها
مستور العصيمي
اللي يضيع خويه ما نقول انه بدرب سنيع
واللي لقاله طماعه فالضحى ما قال هيالها
خلف بن هذال
الله يسلمك يا رجال حرك سوق تشري تبيع
بعض البضايع خساره عاطله بيدين دلالها
صياف الحربي
اللي تخلف عن الغزوات ماهو فالمكان الرفيع
وان شاف له نار في شط البحر مر وتعدى لها
مطلق الثبيتي
يا شين خوتك يا رجال في وقت الشتاء والربيع
عقلتها يا خلـف لكـن وليـا تطلـق عقالهـا
مستور العصيمي
ما ني بخابرك يا صياف راعي طيب والا صنيع
لكن خل القضيه يالحريبي ليـن نفضـى لهـا
خلف بن هذال
لو انك اليوم زبده يا ثبيتي فالقدح ما تميـع
ليل الشتاء يحفض الزبده ويتركها على حالها
صياف الحربي
مستور مثل الاذاعه والثبيتي فالأذاعه يذيع
يا لين قالت له العمه تصلي لي وصلالهـا
مطلق الثبيتي
اثرك كما الشنه اللي فوق جنب شعيل تقرع قريع
وان مروا الزير والا البير حطوها علـى جالهـا
مستور العصيمي
لو ما ركبها الفحل يا صاحبي ما بان فيها ظريع
صياف توميله ام الغيث بالمنديل واومـى لهـا
خلف بن هذال
مطلق تراها الوداعه والوداعه صرت انا الها وديع
ادرا عليهـا واعلقهـا علـى المعـلاق بلحالهـا
صياف الحربي
من يوم نمتوا على ديس اللبن مثل الوليد الرضيع
يحرم عليكم قـدوع التمـر والدلـه وفنجالهـا
مطلق الثبيتي
الناقصه خلها فالخرج لا تبدي بهـا كـل ريـع
والشوكه اللي تحت رجلك تبا تدخل وتصحى لها
مستور العصيمي
يا طول خطوتك يا صياف وان شفت الغنيمه سريع
واليا عقدنا العقد يـا صاحبـي منتـه بحلالهـا
خلف بن هذال
الناقصه ناقصه والوارده لو ضيعت ما تضيع
ارقد عليها قبل تقعدك بنت ابليـس لعيالهـا
صياف الحربي
الذيب يسرح وجحر النوم ترقد به كبار الضبيع
والناس لا شافت وجيه الذيابه ترخص اموالها
************************************************** *************
مطلق الثبيتي وجارالله السواط وهي آخر محاورات مطلق الله يرحمه ويطول بعمر السواط
مطلق
الليلة المعنى على راسك يا بوذيل=يالحصني ياللي ما تعلمت السياسة
ان طعت شوري بعدها لا تسري الليل =الذيب الأشهب يحتريك يهز راسه
جارالله:
انا عميلك يا الثبيتي وأوفي الكيل =لا تلمس الكهرب ويحرقك التماسه
هذا الزمان اعور ورانا التهاويل = لا تحسب المعنى حليب جوف طاسه
مطلق
اللي رقد في بطن وادي شاله السيل=مير احترص والطرف لا يبدا نعاسه
يا اللي عيونك كنهن عيون دربيل =ما انته بلا ريس ولا راعي رياسه
جارالله:
جنبي قوي وادحمك لي حيلة ولي حيل =واليا بنيت البيت وثقته بساسه
انته رجل لكن قدامك رياجيل = كل يفصل بدلته على مقاسه
مطلق
فيما مضى ظليت تعزف بالزنابيل =واليوم ما أنته لا حق لو نص كاسه
يا ويلكم يا اهل الشفا يا ويلكم ويل =من يوم عدتوا للصرام وللدياسة
جارالله:
فيما مضى مرويك من بن ومن هيل =يا ولد عمي يستر المعنى لباسه
ماني بنقال من أهل القال والقيل = وإن طعت شوري حط لك مكتب وماسه
مطلق
يا اللي شواك الحب ودموعك هما ليل =الحب ما تعرف ذهبه ولا نحاسه
يا قلة الصاحين يا كثر المهابيل =والكل منهم لا اعترض للعلم حاسه
***********************************
يتبع>>>>>>