 |
|
|
 |
 |
 |
01-Aug-2007, 12:19 AM
|
رقم المشاركة : 1 | |||||
|
سافرت&حبيبتي
صدق من قال معرفة الدروب مهــــــــــــــــــــــاره
وأنا الي ســـــــلكت كم درب ومشيـــــــــــــــــت صدق من قال معرفة الرجال تجــــــــــــــــــــــاره مادام فيه رجــــــــــال تقدر جيتي لا نخيـــــــت وكذب من قال معرفة الحريم خســـــــــــــــــــــاره وهي راس مالي وربحي وفيها بعت وشريـت جادلن طولها كنه طول ذيك المنــــــــــــــــــــــاره جيتها والعـــــــــالم ورا ظهري كله رميــــــت علامها قلبها غيرت دربه ومســــــــــــــــــــــاره وبعيونها لاناظرتني الموت شفته وقريـــــــت وأنا الي لاذكرتها قمت أولعلي سيجــــــــــــــاره وأعرف إني بحق الله وبحقي أخطيـــــــــــــت وأدري أن شربي لدخان ماهو شطـــــــــــــاره أجبرتني الظروف وعلى شربه أحتديــــــــــت وتذكر ذكرياتنا أيام ذيك الحــــــــــــــــــــــــــاره وقتها لاذبحني الشــــوق على بيتهم طليــــــت وهي لاشافت أهلها عطتني أشــــــــــــــــــــــاره أتعذر وأقول كورتي طاحت عندكم بالبيــــــــت الله يذكر أيامها بالخير حبيبتي ســـــــــــــــــاره وغيرها من النــــــــاس والله إني مارجيــــــت سلمت عليها صباح الخير ياجــــــــــــــــــــــــاره وبشوفتك والله إني من أمراضي تشافيـــــــت قلت لها وينك لاسلام ولا كلام ولا زيــــــــــــاره قالت مشغولة وأستعد لســــــــفرتنا للكويــــت ضاقتبي الدنيا جاني اللــــــــــيل بسمـــــــــــــاره تمنيت إني من الدنـــــــــــيا أنتهيــــــــــــــــــت ليه ماكلمتني قبل أتخاذ الراي وأختيــــــــــــاره نزلت راسي ودمعتي طاحت رحت وسريـــــت أحترق قلبـــــي وقام يرسل شـــــــــــــــــــــراره وغير الشــــــــقاء بدنياي والله ماخذيــــــــــــت ومرت الأيام وســـــــــافرو للكويت بطيــــــــــاره سمعت أنهم هنــــــــاك شرو لهم بيـــــــــــــــــت وأنا الي كل مامريت بيت الزين وديــــــــــــــاره أقول ياقلب ماطفشت من صبرك ومليــــــــــت ولك فتره ياقلب ماسمعت أخبـــــــــــــــــــــــــاره وأنت ياقلب نسيت وعدك ولا مانسيــــــــــــت هي نست هديتي لها ذيك الســـــــــــــــــــــــواره ويازمن أكتب بصفحاتك إني لها وفيـــــــــت كبر راسها من بعد بيت الطين وأحجـــــــــــــاره وصارت تعرف الكنب والمجالس والموكيت ومن بعد الشتاء والبرد والصيف والحـــــــراره صارت تعرف البنطلون والبرمودا والجاكيت وعن وجهها صارت ترمي الغطاء والســــــتاره شفتها وشبت الغيرة بقلبي وأحتميـــــــــــت بالله عليكم هذا الي تسمونه حضـــــــــــــــــــاره وليتني قبل ماشفتها عن الشوف أنعميــــت وصارت تعرف تسوق وتركب سيــــــــــــــــــاره الله يستر عليها من مخالفات مرور الكويت وعزي لحالي مابقالي إلا ددسني الغمــــــــــاره ومحدن سمع شكــواي مهما شكيت وبكيـــت شكواي للي تسجدله أشجاره واحجــــــــــــــاره ولغير ربــــــي والله إني ما أنحنيــــــــــــــت وأنا الي ذقت من الزمان قهره وأمـــــــــــراره تراك يازمن بالحيل على قلبي قسيــــــــــــــت وهذي من بعض معاناة قلبي وأســـــــــــــراره ويازمن تراي على نــــــار ظلمك استويـــــــت مشيت لها بظلمة الليـــــــــــل وأخطــــــــــــاره سريت وأخطيت وندمــــــــت ونويــــــــــــــــت ومشيت لها بعز الصيف بدون مكيف ونظاره وقفت عند بــــــابها يشهد على ربي دقيـــــــت مات قلبي وماتت وروده وأزهـــــــــــــــــــــاره وضاعت ايامي معها ســــــالي مادريـــــــــــــت الله يسقي ديرة الزين القـــــــــــــــــــــــــــراره عد حزني وهمي وعد ماجعت وظميــــــــــــــت أرجو أن تحوز على رضاكم أخوكم الشاعر//فيصل العطاوي |
|||||
|
 |
 |
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
| انواع عرض الموضوع | |
|
|
 |
 |
العرض الشجري