يالنّابغه سلّم على كعب وزهير!!

[مخلف الهقاوي]

السلام عليكم ورحمة الله وبركاته

مساكم/صبحكم الله بالخير

اضع بين ايديكم هذه المتواضعه عسى ان تلقى الاستحسان

=وانعى يابو الطيّب تراب البحتري
ياعمرو ابن كلثوم يومنّك تغير=سود الليالي يوم تسريها سري
سلّم على الاعشى فـ حي ابن النضير=سلّم على حسّان وانصى الاشعري
لو تعلمون اللي بحاضرنا يصير=صار القصيد بعصرنا غضٍ طري
صار الشعر في وقتنا حفنة شعير=مابين مستشعر وبين المفتري
ياسارقين الشعر ماتلقون خير=شعرٍ تقولونه من اصحابه بري
شعر الجزاله عندنا سيفٍ شطير=شعر البداوه مايغنّيه حضري
احدٍ من اصحابه يخمّ ويستعير=و احدٍ بزود المال يقدر يشتري
وانا نظمت الشعر من راسٍ خبير=مارحت ادوّر في مكاتب سمسري
شعرٍ نظمته يوم انا عمري صغير=ماهمني قول السفيه المجتري
ان صار للأقلام في الدفتر صرير=هلّت مزون الشعر واعشب دفتري
يابنت ياللي ملبسك ماس وحرير=شوفي قصيدي وارقصي واتمخطري
قولي لهم شاعر ويتحدّى جرير=ويموت اذا عانق جديلي منحري
قولي وانا بكتب لهم انّي جدير=شاعر وافكّر واتخيّر مصدري
ان صار للشّعار فـ الساحه هدير=صبّي عليهم يالقصايد وامطري
يالنّابغه اكتب وردد ياجرير=(تبّت يدا شعر السروق المفتري)

[مخلف الهقاوي]

يالنّابغـه اكـتـب وردد ياجـريـر=(تبّت يدا شعر السـروق المفتـري)

ياليت لو احد المشرفين يعدل هالبيت بهذا الشكل وله الشكر مقدماً

يالنّابغـه اكـتـب وردد يازهير=(تبّت يدا شعر السـروق المفتـري)

[مخلف الهقاوي]

يالنّابغـه اكـتـب وردد ياجـريـر=(تبّت يدا شعر السـروق المفتـري)

ياليت لو احد المشرفين يعدل هالبيت بهذا الشكل وله الشكر مقدماً

يالنابغه اكتب وردد يازهير
تبت يدا شعر السروق المفتري

[ابوبجاد الرويس]

الله الله

صح لسانكـ ,,,,,, وقصيدة جزله

اخوي مخلف الهقاوي عدلـهــا انت من عندكـ ,,,,,,,,,, ومشكور

[مخلف الهقاوي]

صح بدنك اخوي ابو بجاد

لاهنت على المرور

وانا اخوك اتصالي لك عليه واخوك عليمي شوي

لو يفزع احد المشرفين ويعدل من عنده ويحذف احد الطلبين

نكوون له من الشاكرين