=وانعى يابو الطيّب تراب البحتري
ياعمرو ابن كلثوم يومنّك تغير=سود الليالي يوم تسريها سري
سلّم على الاعشى فـ حي ابن النضير=سلّم على حسّان وانصى الاشعري
لو تعلمون اللي بحاضرنا يصير=صار القصيد بعصرنا غضٍ طري
صار الشعر في وقتنا حفنة شعير=مابين مستشعر وبين المفتري
ياسارقين الشعر ماتلقون خير=شعرٍ تقولونه من اصحابه بري
شعر الجزاله عندنا سيفٍ شطير=شعر البداوه مايغنّيه حضري
احدٍ من اصحابه يخمّ ويستعير=و احدٍ بزود المال يقدر يشتري
وانا نظمت الشعر من راسٍ خبير=مارحت ادوّر في مكاتب سمسري
شعرٍ نظمته يوم انا عمري صغير=ماهمني قول السفيه المجتري
ان صار للأقلام في الدفتر صرير=هلّت مزون الشعر واعشب دفتري
يابنت ياللي ملبسك ماس وحرير=شوفي قصيدي وارقصي واتمخطري
قولي لهم شاعر ويتحدّى جرير=ويموت اذا عانق جديلي منحري
قولي وانا بكتب لهم انّي جدير=شاعر وافكّر واتخيّر مصدري
ان صار للشّعار فـ الساحه هدير=صبّي عليهم يالقصايد وامطري
يالنّابغه اكتب وردد ياجرير=(تبّت يدا شعر السروق المفتري)

يالنّابغـه اكـتـب وردد ياجـريـر=(تبّت يدا شعر السـروق المفتـري)

يالنّابغـه اكـتـب وردد يازهير=(تبّت يدا شعر السـروق المفتـري)

يالنّابغـه اكـتـب وردد ياجـريـر=(تبّت يدا شعر السـروق المفتـري)