ياعبيد......

[ذيابي وافتخر]

الشاعر يشتكي لله ثم لعبيد...

ياعبيد أنا لله ثم الك ابا اشكي = ماهمني هذا ولا همني ذاك
وعن الخفايا ياابيض الوجه ابا احكي = لوتلتمس في الراس والصدر الاسلاك
لا تـنزعج لاشفتني قمت اببكي= انا ثلاث سنين والدمع سفاك
وضع العرب ثابت وانا في ربكي= عايش مابين اثنين حاقد وشكاك
وانا احسبني مع اهل الطيب متكي= يامسندي ياجعلهم من فدياك
ماني بولع نور من غير سلكي= ولايستوي العود الازرق وتمباك
لو حكحكو ناس(ن) تبي اليوم حكي = ماني بجالس بين حاكي وحكاك
الحر عن بعض المسالك يصكي= يجيه عن بعض المساليك صكاك
لا ياهجوس اللي بالأعماق دكي= خليني اظهر بالقصايد خفاياك
بعض البشر في حالته يصعب الكي= لوانت من شانه اتعب مطاياك
وانا من ام الدوم ماني مكي = دار بها جدي وابويه ومرباك
والطيب لا ملكك ولاهو املكي = والحرمله ماهي مثل شجرة الراك

الشاعر....
بن غلاب ....

آخر تعديل ذيابي وافتخر يوم 26-May-2007 في 06:37 PM.

[عبد الله الحليفي]

بيض الله وجهك يالذيابي

وصح لسان ابن غلاب

[مؤمن]

مشكور على نقل القصيدة وصح لسانك ولسان شاعرها


لاهنت والله يعطيك العافية

[ابوبجاد الرويس]

مشكور اخوي الذيابي على القصيدة الجزلة

وصح لسانكـ

وبيض الله وجهكـ

وتقبل مروري

[ذيابي وافتخر]

	عبد الله الحليفي الثلث ابو بجاد الرويس شاكر لكم على مروركم الجميل

[ذيب روق]

مشكور ياولد ذايب وابيات رايعه ودرر

[راجح النفيعي]

مشكور يا الذيابي على النقل وبيض الله وجهك
وصح لسان شاعرها ابن غلاب
قصيده طيبه وجزله ابحفظها عندي

[نواف الذيابي]

صح لسان شاعرنا ابو زياد على القصيدة الرائعة والجميلة

ونتمنى المزيد من الابداعات الشعريه