باغيه لا قفى من الليل ثلثين وأقفت مدابيح النجوم المقافي

[الحر الأشقر]

قصيدة للشاعر المعروف سلطان الهاجري أسندها إلى الشاعر متعب الغربي رحمه الله،،، واتمنى من الإخوان من يعرف رد الشاعر المرحوم متعب أن لا يبخل علينا أما الهاجري فيقول
قالــــوا شراله خمس ميه وستين
.......................................مسكين قلت اللي على البال كافي
مادامني فأنظار الأقزام سكين
.....................................هــــذا دليـــــل إني عزيـــــزٍ ووافي
نعم شريت البنـز الأخضر بتسعين
...................................سمتـــــه وتليّــــته بتسعين صـــــافي
أبيه لا قفى من الليل ثلثــــــين
....................................واقفت مدابيح النجـــــــــــوم المقافي
أنخاه والدمعه تحت محجر العين
......................................نخوة دريكٍ ناخيــــــلّه سنــــــــافي
غيّـرت له زيتــه وعبيـــت بنزين
..................................... واستنشق البنــزين عقب الوقافي
كنه يسعط من سعوط المجانـين
......................................يرسي ليا جاء فالطريــــق انعطـافي
واقفى كما فرخٍ كفخ بالجناحين
..................................... نور الحساء قدمي وسلوى خلافي
منصاه في نجد العذيه سلاطين
..................................... هل موقفٍ يوم الحرايب يشافي
آلاد روق مرجحين الموازيـــن
.......................................شطرٍ ركب من قاف غيري لقافي
ترعابهم بالخوف سود العرانين
....................................... يردم شحمها عقب ماهي عجافي
غربية بإسم الصداقة وفيين
.................................. وأنا لهم مع طــــو الأيـــــــام وافي
قلته وانا من عزوةٍ تنزع الدين
..................................... ستر العذارى لا رمــن بالغــــدافي
هواجرٍ وسم القبيلة قحاطين
...................................... مروية حـدب السيــــوف الرهافي
واختامها بالمستكة والرياحين
..................................... أخذت من نـــده وعطّـــرت قافي


وسلامتكم
وتكفون رد الغربي الله يرحمه

[ســــــــــعودي]

صح السانك والله قصيده جميله وسلمت ياقايله

وننتظر المزيد

[((الدلبحي))]

الحر الاشقر
يعطيك العافيه وماقصرت على القصيده الرائعه لشاعر الكبير سلطان الهاجري
تسلم يمناك الله لايهينك
بالنسبه لرد الغربي ماعرفه
تقبل تحياتي

[ابو غازي]

مادامني فأنظار الأقزام سكين
.....................................هــــذا دليـــــل إني عزيـــــزٍ ووافي
كفو والله يالهاجري....


منصاه في نجد العذيه سلاطين
..................................... هل موقفٍ يوم الحرايب يشافي
آلاد روق مرجحين الموازيـــن
.......................................شطرٍ ركب من قاف غيري لقافي
ترعابهم بالخوف سود العرانين
....................................... يردم شحمها عقب ماهي عجافي
غربية بإسم الصداقة وفيين
.................................. وأنا لهم مع طــــو الأيـــــــام وافي
ونعم وألف نعم بالغربية وبمرجحين الموازين ....

سلمت ولا ندمت يا الحر الاشقر

[الحر الأشقر]

الإخوان
سعودي، الدلبحي، أبو غازي
شكراً على المرور، والمعذرة عن التأخير
وتقبلو تحياتي وشكراً

[راعي المغاتير]

آلاد روق مرجحين الموازيـــن
.......................................شطرٍ ركب من قاف غيري لقافي

ياسلاااااااااااااااام << تبرئه للبيت بشكل جميل

صح لسااااااان القاااااايل
ابو وسام << مبدع كالعاده ولايجيب الا الجززززل
ويكفيك يالحر الاشقر ( البيت اللي في توقيعي )
وسلمت يمين الناااااقل ...... ولاعدمناااااك