فارس مقبل العصيمي ونكبة السريه

[خالدالعصيمي]

البدايه ريح مسـك وريـح فلـيّ=بالسـلام ورحمـة الله والتحيّـه
ماكتبت مقدمـة (ياراكـب اللـيّ)=لأجل بعض الناس مايزعل عليّـه
لاعبٍ دولي وهو لاعـب محلـيّ=راس حربة في فريـق القادسيّـه
نقزتة لو زادهـا عشريـن ملّـي=كان يطلع عـن حـدود الجاذبيّـة
مير حظه طاح في خبـرة مسلّـي=العريف اللي نكب عفش السريّـه
طحت مالك شر يا كبتـن مظلّـي=ما انت بأول شخص لمسلي ضحيّه
بنتسابق راعـي الـذود المفلّـي=بين خـط المجمعـة والعاذريّـه
بـدوي ٍ فالمواجـيـب متجـلّـي=متعبٍ نفسه على شـف المطيّـه
يتبع دروب الحيا فـي كـل حلّـي=من ورى رغوة ليا نجـد العذيّـه
مولعٍ بالزيـن مـن دقٍ وجلّـي=ويحتزم بالطيب وعزومـه قويّـه
كل ماجتني علومـه جيـت كلّـي=لين راسي يشتعل فخـر وحميّـه
الكريم اللـي ليـا جيتـه يهلّـي=إن لفيته في الضحى وإلا عشيّـه
مرحبا وأقلط على مركـى وزلّـي=وعود ٍ أزرق والشبب والشاذليّـه
والوناسه والحجـاج المسفهلّـي=والخوي اللي حمى ساقـة خويّـه
ذي طراة الروح والعمر المولّـي=كل يـوم ٍ تقتـرب منـه المنيّـه
والسوالـف فالدراهـم ماتملّـي=ياهل الأسهم ترى عندي وصيّـه
المراعي حظهـا فـوق متعلّـي=أشتروا فيها ترى أسهمهـا نقيّـه
شغلتي فيها مضـارب مستقلّـي=أصبـروا يوميـن وأظـم البقيّـه
واتحـدى بالبيـد وبـا مجـلّـي=ياحليلك يـا اللحـون السامريّـه
آه وآعـزاه يـا الحـظ المتلّـي=ماتهب مـع الريـاح الموسميّـه
كل ما عايـرت فالشـارة تزلّـي=ما عرفت عيـار رمـي البندقيّـه
وكل ما اخطيت الضريبة قلت هلّي=إنطوى عمري وهلّـي سرمديّـه
احمد اللي حطني مسلـم مصلّـي=حنبلي وأفخـر بشـرع الحنبليّـه
السـلام عـداد همـالٍ يهـلـيّ=لسيّد أسياد البشـر خيـر البريّـه
ليت شوف قباله الطاهر حصل ليّ=فدوتـه راسـي وماتملـك يديّـه
يلعن الله من تعرّض لـه وزلّـي=بالكـلام وبالرسـوم وبـالأذيّـه
القضايـا بالسوالـف مـا تحلّـي=قاطعوهـم ليـن تنحـل القضيّـه
تم قولي والنهايـه راكـب اللـيّ=مامشى مثلـه دروب الجرهديّـه

[مرزوق حمدان العتيبي]

..
.
صح لسان ابو مقبل..
اسد الشعر ...
.. ولاهنت ياخالد.
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[الأمــير]

صح الساااااااانكـ

====


ولالاهنت على الابداع وحسن الاختيار

[السميــــــري]

..
صح لساان فارس مقبل ..
وسلمت ياخالد ..
مشكور..

[سهم العضيان]

صح الساااااااانكـ

[ذيب السبايا]

صح لسانك
لاهنت يالغالي

[صعاط الجن]

صح لسان فارس الله يسلم ناقل القصيده




خالص تحياتي لجـــــــــــــــــعدين

[أبن مكرز]

صح لسان الشاعر الكبير فارس ابن مقبل العصيمي


ولهيب غريبه عليه الجزاله

[أبن مكرز]

صح لسان الشاعر الكبير فارس ابن مقبل العصيمي


ولهيب غريبه عليه الجزاله

[العديم]

ياسلام...ياسلام

فارس نجم تعلا في سماء الشعر له قصايد عديده يعجبني بقوه المعنى وجزاله الالفاظ ولاهي غريبه من عتيبه تنجب شعراء بمكانت فارس

يقول في قصيده اعجبتني

قند الكيف المهيل واضبط البرادي*** تكتسي جرد الفيفافي من فنونك واحه
القصايد قدح راس والزناد زنادي*** مرتوي والبير جمه والدلي مياحه

وايضا

ماكل مطرود" كما قيل ملحوق*** قول" مبالغ فيه لو كان شايع
ان ماجلبها والي العرش برفوق*** كثر المطارد مايحوش النفايع

وايضا
الا يالله انك في قضى الكايدات تعين*** تساند لحظ" لا تعدل ولا طاحي
اشرف على المرقاب والخافيات تبين*** اكفكف دموع الشوق وأضمد جراحي
حسيبي على سلطان جاني منين ووين** وحسبي على عامر وخالد وسداحي
ليا من قريت من القصايد ولو بيتين*** تلج الضلوع وتسمع الناس بصياحي


تسلم ياالناقل وبنتظار نقله جديده