قصيدة ثلاث حروف / للشاعر غازي بن عبدالله العضياني

[شبل روق]

السلام عليكم ورحمة الله وبركاته

اخــــواني هـــذه القــصــيــدة الــجــمـيـلـه
هــي بـعـنـوان( ثــــلاث حــــروف)
الشـــاعــــر/غازي بن عبدالله بن عواد العضياني



ثلاث احروف




الا ياهـل المزيـون لـولاا الحيـا والـخـوف عـلـى سمعـتـي واخــاف ربـــن تعـبـدونـه
لجي صاحبي لـو الخلايـق جميـع اوقـوف حرامـن عليـه مقصـر الـرجـل مــن دونــه
ولو وقفوا من دونها في الطريق اصفـوف أخاطـر بروحـي لجـل مـن يدعـج اعيـونـه
ولا ياهـلـه ماتسمحـولـي ولـــو بـالـشـوف حــرام الـمـعـذب عـــن عـلاجــه تـردونــه
جرحني غرامه صابني في صميم الجوف وجـرح الهـوى صعـب الاطبـاء يـداوونـه
اضمد جروحي لين بانت علـى المكشـوف واثر ماحصـل بالحـال جرحـه علـى لونـه
وزودن على الفرقا يجي للزمان اظـروف ولــو قـلـت ابسـلـى لازم انـهــم يـطـرونـه
وحسبي على الحظ الردي يوم انـا ملقـوف انـا ويـش ابيبـه يـوم يمـشـي عـلـى هـونـه
لـو انـي موفـق لامصـادف ولا مصـدوف انا رحت في شأنـي وهـو راح فـي شؤنـه
لكنه قدر وأصبحـت فـي هالزمـن مكلـوف وصار السبب في هـم شخصـن تشوفونـه
ولا ياجماعة خيـر مـن يكسـب المعـروف انـا فــي الـهـوى مظـلـوم يالـلـي تعرفـونـه
ابي حل منكم مختصر عن ثلاث احروف تـراهـا هـــي المـشـكـل عـسـاكـم تحـلـونـه