الحائيه لـ (سلطان بن بدير بن ثعلي العتــيبي)

[بندر الهيلا]

الحائية النبطية

حرفٍ كتبتــه يا خويّي مهـــــذّب = للصاحب اللي خوّته تسلب الـــــروح
ماني بصايع ما يصدّق يكـــــــــذّب = ماني بضايع هرجته كذب وملــــوح
قلـب تخضّب بالمحبه تخضّــــــب = يا سرع طعنك يا ولد طبّ وجــــروح
الله يجازي من تسبب وسبـــــــــّب = مسموح يا قلبٍ هوى الزين مسمــوح
الله يعين الخاطر اللي تلهـــــــــّـب =على وصوفٍ دونها سحب وسفـــوح
أثر الشعر لاجاك سايب مسيـــّــب = سارح مع الريح الصبية ومســـــروح
يجدل به المزيون جدلة مــــــودّب = ويحضن شعاع الشمس لا لاح به لوح
ثم ان صدر ياشيخ صقلٍ مذهّـــــب = ثم ان حدر ياشيخ ذابح ومذبــــــوح
أثر العيون الواسعات المهـــــــّدب = يصبح بهنّه راجح العقل مرجـــــوح
اليا نعس طرفٍ كحيلٍ تجـــــذّب = قلب الهواوي بآخر الضلع مقـــــروح
وخدٍ تمرّى فيه ناصع مرتـّـــــــب = منحه من المعطي ليا خصّ ممنـــــوح
وجيدٍ تطارد فيه خيل مسكّـــــب = مضمّراتٍ خاصراتٍ لها طمـــــــــوح
خشمٍ عليه الحرّ يرسي مزهّـــــب =حردٍ كما سيفٍ من الهند مصفــــوح
ثم ان ضحك تبرق سنونٌ تصبـّــب =قالوا مطر قلت العذارى لها مــــزوح
أما النحر لاجاك حب محبــــــّب = حبّات خالٍ كانّها الفل مطـــــــروح
يجزع لها طرفٍ صويبٍ مصـــوّب = ويلمع لها بالطرف برقٍ ومملــــــوح
واسفل ترايب دايراتٍٍ مهضّــــب = لا والله ألا صالب العظم مســـــــدوح
من بينهنّه طيب مسك مطيـّــــب = ما هوب في دنياي لو فاح لي فــــوح
وليا تحدّر وصفها قلت هب هب = الزم حدودك باقي الوصف ممــــدوح
مانته بلا زايد وناقص ولا ضـــرب = مانته ولا نقش الزخارف على اللـــــوح
وليا لمس خدٍ لخدٍ تطبــّـــــــــب = كل المواجع زايله عجل وتــــــــروح
كيف العناق اللي يشافي المعــذّب = ياطول ضمّه وانشد الصدر مشـــروح
أنسى شقى دنياي لوهو تركــــّـــب = واسعـد سعاده ماغشاها بكى ونــوح
والله مااهجر حبك اليوم واذهـــــب = لو روّحوني عنك مليون مـــــا اروح
لاهنت مادمت ابا ارقاه مرقـــــــب = مادام في دنياي كادح ومكــــــــدوح
قلبي تولّع بين حب المحبّـــــــب = ياخذ من العليا تباشير وصـــــــروح
يقلب كما طير الهوى ليا تقلّـــــب = ويهوي على صيد الفريسة على الدّوح
له مخلبٍ يغرز ويغرس وينشـــــب = نشبة رماح العز والبيرق يلــــــــــوح
والمعذرة يابنت فالناس تلعــــــــب = ماقدروا قدرك بالسر والبــــــــــــوح
أشغل هوانا خادعات مغـــــــــرّب = دربٍ عوج والله ما فيه مصلــــــــــــوح
ويالله عقب أوصافها لاتعـــــــــذّب = قلبٍ عشق ماردّه جدار وسطــــــــــوح
والله لو بوصف حلى الحور لاتعـب = ويفنى مداد البحر لو موجه يفـــــــوح
يا ذنب فارق لا تصاحبنِ ياذنــب = ولّى زمانك جعل مسكنك مبــــــــروح
يالله ياربّ البرية و يـــــــــارب ّ = ترحم جريح القلب والصوت مبحـوح
اغفر ذنوبٍ غاشياتٍ على القلــــب = تقدر تقول العبد مسموح مسمــــــــوح
واستر غوادر سترها اليوم مطلــــب = في موقفٍ بالحشر فاضح ومفضـــــــوح
نجيّت خلّك جوف نارٍ تقلّــــــــب = أنجيت يونس مثل موسى كما نـــــوح
نجّ الفؤاد اللي يشرّق يغـــــــــرّب = مرة يمين ومرة يسار مسفــــــــــــوح
أنت الوحيد الربّ ترغب وترهــب = سبحانك اللهم سبــوح سبـــــــــــوح

لــ( سلطان بن بدير بن ثعلي العتيبي)





مودتي

[عبدالله الجـــذع]

الله عليك يابندر

الف شكر على هالنقله المميزه
للشاعر العملاق سلطان

لاهنت يالذيــب

محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بدر الكريزي]

""

صـح لسانه ..

وسلمت على النقل يا بندر ..

كـل الشكر لك على إتحافنا بهذه الرائعه ..


أخوك

""

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[/عبد العزيز الجذع/]

الله...




قصيدة رائعة...


صح لسانه...



ولاهنت يا بندر على النقل..

[طويل الذراع]

صح السانك والسان الشاعر والله يعطيك العافيه

[بندر الهيلا]

المشاركة الأصلية كتبت بواسطة عبدالله الجـــذع

الله عليك يابندر

الف شكر على هالنقله المميزه
للشاعر العملاق سلطان

لاهنت يالذيــب

محبك
.,

العفو يالغالي ,,,


ولاانت يالجذع ,,,




مودتي

[بندر الهيلا]

المشاركة الأصلية كتبت بواسطة بدر الكريزي

""

صـح لسانه ..

وسلمت على النقل يا بندر ..

كـل الشكر لك على إتحافنا بهذه الرائعه ..


أخوك

""

صح بدنك بالنيابه ,,,


العفوو يالغالي ,,



مودتي

[بندر الهيلا]

المشاركة الأصلية كتبت بواسطة /عبد العزيز الجذع/

الله...




قصيدة رائعة...


صح لسانه...



ولاهنت يا بندر على النقل..

الرائع مرورك ,,,


صح بدنك بالنيابه ,,,


مودتي

[بندر الهيلا]

المشاركة الأصلية كتبت بواسطة طويل الذراع

صح السانك والسان الشاعر والله يعطيك العافيه

صح بدنك ,,,



ولاهنت على المرور ,,,



مودتي

[محمد الذيابـــي]

الله عليك يابندر

الف شكر على هالنقله المميزه
للشاعر العملاق سلطان

التوقيع

التوقيع محمد الذيابـــي