قال الدجيما متغزلا

[ابن الدجيما]

لايا حمام الورق ماشفت خلي *** لا وا هنيك طول ليلك تغاريد
وشلون انام اليل يا طير قلي *** هنيت يا طير الهوى غرد بعيد
انا بلايه يا بدر قد حصلي *** من شوف عين الريم مصقولة الجيد
مرت عليه و الاوادم تصلي *** ومن عقبها ما الحظ يا بدر بسعيد
وراحت وانا ميت بعجها بغلي *** مغير اسج الرجل وآمتر البيد
الجادل اللي شوفها ما يملي *** وجدي عليها وجد من حط بالقيد
عليه دم ودمع عينه يهلي *** ومحكوم بالاعدام حكم بتوكيد
او وجد عود في زمانه مولي *** ماتو عياله كلهم ليلة العيد
واصبح لحاله ما لقاله مسلي *** يكود رود من عيال الاجاويد
وعميت عيونه وانتشر فيه سلي *** يابدر هذا وجد حالي على زيد
وجدي على هاك الجبين المطلي *** والهايف اللي ما بدا به تجاعيد
والمبسم اللي دايم مسفهلي *** ابو ثمان بيض فيهن تفاريد
صبري قضا والناس محد فطن لي *** على الخرود وشوفامير الاخاريد
يا الله يااللي في سماك امتعلي *** رده عليه في قريب المواعيد
وصلاة ربي عد ما مال ظلي *** على نبي وحد الدين توحيد

[النايع]

صح لسانك ولسان الشاعر
هل هي لقتيل الحب أو غيره

لايا حمام الورق ماشفت خلي *** لا وا هنيك طول ليلك تغاريد
يمكن طول يومك
لأن الحمام ما يغرد في الليل

تحياتي

[ابـن نـعـيـس]

صح لسانك ولسان الدجيما


لاهنت يالغالي


تحياااااااااااااااااااااااااااااااااااااتي

التوقيع