الشايب والبنت ,,,
بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن ومشهور بانه حبيب
فيه بنت ملكعه وصاحبة مقالب قالت في نفسها انا ليه ما اروح للشايب وامازحه
واضحكه شوي واشوف ردة فعله كيف تكون
راحت له وردت عليه السلام كيف حالك يا شايب رد السلام والله بخير الله يعافيس
وفجأه عطته ظهرها ومشت ولا استإذان ولا شي
ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا
ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه
يقول الشايب :
يا بنت خوذي خاطري وارحميني=
غضي نظرك وغطي الوجنتينـي=
يوم انتهى مع مرمسات السنينـي=
باول شهر عشره نهـار الثنينـي=
البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره
وعلى باله ما خذ راحته في التغزل
ردت عليه وهزأته تقول
يا شايب الرحمن وينـك ووينـي=
قلبك عطوف وجاه قلـبٍ متينـي=
حبل الرجا مقطوع بينـك وبينـي=
اقفى شبابـك والعـرب مقبلينـي=
حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط
وقال كم بيت يقول لها صدي عني انه ما يبي الغزل بعد ما وصل عمره ثمانين سنه
يقول حمدان :
يا بنت صـدي بالعيـون الظليلـه=
مالي ومالك يالفـروع الطويلـه=
يابنت مـا لـي بالثمانيـن حيلـه=
اقفى شبابي والدهر شفـت ميلـه=
اعطيك موجز والبضاعـه قليلـه=
راحت الايام والشايب مسكين سنه خذله معها شايب وهي بنت وتقول له كيف اعطي شايب وجه
بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها
في كم بيت انها بتشيب مثلي واني رجال طيب وان الناس تنصاني ومعروف بالكرم واني
ما ابي منها غير التحيه والترحيب
يقول حمدان
يا بنت ما جاس الكبـر والخشونـه=
ياسرع ما وبلـك تمـزع مزونـه=
يا بنت مـا بينـي وبينـك مهونـه=
الله مـن عـودٍ ثقيـلـه طنـونـه=
على الكرم والديـن نفسـه حنونـه=
جهز الابيات وارسلها مع عجوز ووعد العجوز بهديه اذا وصلت الرساله لها
راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي
بابياته ترجعني بابياتي
العجوز مسكينه قالت طلعيني ولا ابي منكم شي الله لا يعودكم انتم واوراقكم
ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف
تقول البنت
العود عود وطايحـاتٍ سنونـه=
عودٍ مهرقل والعرب ما يبونـه=
اقفى شباب العود راحت حتونه=
جداه ينثر دمعـة ٍ مـن عيونـه=
هذي قصة الشايب والبنت وسلامتكم وتحياتي للجميع
« آخـــر الـــمـــشـــاركــــات »
24-Jun-2006, 11:13 AM
العود عود وطايحـاتٍ سنونـه * شعر مع قصه
العرض العادي
