إلى رجال الهيئة !!!!!

[ابـن نـعـيـس]

إلى رجال الهيئة




الشاعر: محمد القثامي

في رياض ٍ عشبها أخضر وشجْرتها ظليله=جيتها ودّي أسلـّي شامها واطرب يمَنها
بالقصيد اللي رقا بي واعتلى راس الطويله=جعبته ملـْيا جواهر تحْتضنـْه ويحتضنها
وقمت اغنـّي للفياض الخـُضْر والبارق أخيله=وَجَت على بالي قصيده قام يسترسل لحَنها
كنـّها صفرا جموح ٍ مِن نسل خيلٍ أصيله=تَطمح لأعلى المراتب وبْيَدي قاضب رسَنها
قلت ابا اسْرجْها واذلـّل كل صعبه مستحيله=وامدح اللي يِستحق المدح بِرْساله ومنها:
يا رجال الأمر بالمعروف حرّاس الفضيله=في زمان ٍ عند بعض الناس ما يُِعْرَف ثمنها
أنتم سراج ٍ ضياه الدِّين والعزّه فتيله=وانتم جْبال السراة وْلا يضام اللي زبَنها
وأنتم سْياج ٍ منيع ٍ ضدّ الافكار الدخيله=وانتم حْماة العقيده والوطن هذا وطنها
وانتم اشبه في سفينة نوح والغارق تشيله=تحْتميه مْن البحور المظلمات ومن فتنها
وانتم كفوفٍ تجود بمَدَّها ماهي بخيله=وقدْرها فوق النجوم وطِيبها مذكور عنها
وانتم اهل الحسْبه اللي كل مجدٍ ترتقي له=وانتم الصفوه وكلٍّ للعلا روحه رهَنها
وانتم الشهْد المصفـّى والقراح وسلسبيله=لو تعاديكم قلوبٍ شاحن البغضا شحَنها
واصلوا والله معاكم يا محَاربْة الرذيله=دام في دعوتـْكم قلوب الملا تلقى سكنها
إنهضوا والحق يبغا كل رجْلٍ يرتكي له=وانتم لحَمْل الأمانه خير ناس ٍ نأتمنها
ويا الله اللي كل عبدٍ من عباده يلتجي له=ياعظيم ٍ تَعلم بسرّ المخاليق وعَلنها
نسألك تحفظ رجال الدِّين حرّاس الفضيله=في زمان ٍ عند بعض الناس ما يُِعْرَف ثمنها

التوقيع

[فواز الشيباني]

ابن نعيس
الله يعطيك العافيه
لاخلاولاعدم ياغالي

[ابـن نـعـيـس]

فواز


الله يعافيك

مشكوووووور على تواصلك الرائع


تحياااااااااااااااااااااااااااااااااتي

[ذيب الشيباني]

صح السانك والسان الشاعر محمد القثامي

[ابـن نـعـيـس]

ذيب الشيباني


صح بدنك

مشكوووووور على مرووووورك الرائع


تحياااااااااااااااااااااااااااااااااااتي

[مؤمن]

مشكور ويعطيك العافية

اخوي ابن نعيس


ولك كل الحب والمودة

[ابو سديم]

ابن نعيس

صح لسانك

ولسان محمد القثامي

والله يبيض وجيهكم يألأثنين

ابو سديم

[نواف2007]

صح لسانك ولسان شاعرها


تقبل سلامي

[ابـن نـعـيـس]

اثلث


الله يعافيك


مشكووووور على تواصلك الدائم



تحيااااااااااااااااااااااااااااااااااتي

[ابـن نـعـيـس]

ابوسديم


ووجهك يالغالي



مشكووووووووور على مرووووووووووورك


تحيااااااااااااااااااااااااااتي