من قصائدي ( صحــــــــــراء نجد )

[الحمـــادي]

بسم الله الرحمن الرحيم

السلام عليكم ورحمة الله وبركاته تحيه طيبه

اليكم هذه القصيده بأسم صحـــــــــراء نجد وقد نقلها الاخ نبيل بالقسم الشعبي له جزيل الشكر

تنبت صحاري نجد في عشبه اشواك=هذا دليلـه عـن خوافـي همومـه
يامن سألها عن تصاريف الأفـلاك=تخفـي عناهـا للمواجـع كتومـه
صحراء قلبي همها فـوق الادراك=تاخذ صحاري نجد منهـا سمومـه
غواني يأسي والخديعـه بممشـاك=ذاك السراب اللي تحـدد حزومـه
وقفت في صمت اطالـع ضحايـاك=قلبي وروحي والقصـور مهدومـه
لاكنت ارى الدنيا تراقب خطايـاك=يومن تجيبك ويوم ضـدك ظلومـه
كنت الـذي لفجـوة العقـل مـلاك=ومن شان عينك حارب الجفن نومه
ودموع عيني تغسل ايـام ذكـراك=وتخفف همومي بعطـف ونعومـه
انا الذي من بـدت الخلـق اهـواك=آثـار حبـك بالضمايـر رسومـه
ابعد غرامك عن هوى قلب اغـلاك=بعد الصحاري عن عوالي نجومـه

إن شاء الله تحوز على رضائكم