الطااارف قاف سريع

[ماجد الهذلي]

يا سلامي عليكم والسوالف تحوم = فيه عندي جواب وفيه عندي سؤال
قلتوا أحذر تعدى بعد الأسبوع يوم = ميــر مرزوق زودني ثلاثه ليال

[الوليد العتيبي]

المشاركة الأصلية كتبت بواسطة ماجد الهذلي

يا سلامي عليكم والسوالف تحوم = فيه عندي جواب وفيه عندي سؤال
قلتوا أحذر تعدى بعد الأسبوع يوم = ميــر مرزوق زودني ثلاثه ليال

ابو محمد (جاك الموت ياتارك الصلاه)
مدام ماجد بداء الله يكون في عونك

[علي الثبيتي]

مرحبا ياماجد والحمدلله على السلامه
واستلم
مرحبا يالهذيلي مار هات العلوم = لايطول النقاش ولا يطول الجدال
رخصتك حددوها مالي ابها لزوم = بامر مرزوق يامجود روح وتعال

[ماجد الهذلي]

الوليد حياك الله

نورت وشرفت الصفحه

أبو محمد أستاذ للجميع وعلم

والطااارف يالوليد قلنا الطارف

ما حددنا حي الله أبو محمد وغيره

تحياااتي

[الوليد العتيبي]

على العموم ابو محمد والنشمي
مابينهم فرق كلهم اذيابه

وانا اخت بشطر ذا
(مير مرزوق زودني ثلاثـه ليـال)
ارجو ان تتقبل اسفي ياخوي ماجد ويا النشمي

مع تحيات اخوكم :ابو خالد

[ماجد الهذلي]

الله يبقيك ويسلم

أسلم

البقا يالمرحب جعل حظك يدوم = لا تقرب وتبلا بالحمــــــول الثقال
محد يآمر علينا يا قوي العزوم = وأنت يآمر عليك العم في كل حال

[علي الثبيتي]

ابوخالد حياك الله وابيض وجه
واذاء كان ابو محمد بيستمر مع ماجد انا ماعندي مانع
ننتضر ابو محمد

[ماجد الهذلي]

الوليد عادي

بس أنا بنيت الكلام على موضوعي في الأعتذار

أغلب اللي ردوا على أعتذاري قالوا لا تتعدى أسبوع

ومرزوق قال لك من عندي ثلاث أيام زياده

أعتقد كذا

تحيااتي

[ماجد الهذلي]

تعال يالنشمي مافيها فكه

أبو محمد يبدع غير القاف هذا

الليله ما عني وعنك

ههههههه

[علي الثبيتي]

كفو كفو ياماجد
واستلم
ساحت المعركه فيها دفاع وهجوم = ولا يشيل الحمول الا زحوم الجمال
انتبه قبل تغدي تحت حد السهوم = سرها والوعد يالين يذن بلال