قم يانديبي

[زعيم القوافي]

بسم الله الرحمن الرحيم

السلام عليكم ورحمة الله وبركاته

هذي أول مشاركه مني ويسعدني ان اقدمها لكم ارجو ان تتقبل

رضاكم واستحسانكم

قم يانديبي وامسك الحبر لاهنت
واكتب على القرطاس زين المثايل

قاف نقوله زين مازاد به سنت
يحفظ مع التاريخ والراس طايل

لا يازمان في طريق العرب شنت
بانت نجوم الليل وقت القوايل

أعذرت في فعل الليالي وأيقنت
ما حال حيله دون وقت محايل

وادمنت قول الشعر ياصحابنا ادمنت
وافرح ليا جرهد نسيم العلايل

ياوقت ياللي بالبهاذيل عربنت
ما ودي ارفع شان شين الخصايل

عذبتني واتعبتني وانا تجننت
ذل ذليل وبالذيوله مذايل

أرمى العمامه وامسك الخط لوكنت
اسرح من الطايف واصبح بحايل

لا ياقمر عشرين صدر السماا بنت
أنشدك يوم انك تجيب الدلايل

عينت لي برق لمع كان عينت
ابيه يترك ماعلى الارض سايل

يخفي معالمها وياسيل ديدنت
تصبح فضا فاضي مع الكون زايل

هذا وانا لاهل الوفا دووم ماخنت
رد الجميله حق لاهل الجمايل

والشاهد الله بالقوافي تطمنت
وافرح ليا جرهد نسيم العلايل


وسلامتكم