البارحه وانا اتذكر لي سنينٍ ماضيات=ذكرت من عمري سنه مرت ولا كل السنين
رمز السنين اللي مضت حلم السنين المقبلات=ذكرتها يوم الرقود رقود عني غافلين
واستدرجت من عيني العبره وصار لها خوات =ما تلها من جفنها الا الشوق واوجاع الحنين
ولمست جرحي واحسب انه طاب من قلبي ومات =واثره يبي اللي سكنه ينشد عروقي عنه وين
ياوجد قلبي وجد من يهوى غنادير البنات=وجهه قبيح ولا يعاين فيه لو بنص عين
فقير ماله في حياته غير لبسه والعصاة=في ديرة بخيلين صوت ياعرب يامحسنين
عليك يا اجمل من رأيته في المنام وفالحياة =واطهر غرام صار فالدنيا جمع له عاشقين
يابسمة الدنيا ونور الكون واغلى الذكريات=ياكل من لي في حياتي يابعد هاك الثنين
لا يابعد عود وعجوزٍ يرخصون الغاليات=امي وابوي اللي لهم علي بالمعروف دين
سكنت جرحك فالحشى وسط الضلوع المرهفات=وخليتني وانا بدونك لا صديق ولا معين
والود مايحمل فراقك وانت لي روحٍ وذات= تدري وانا ادري عن فراقك كيف فالقلب الحزين
جمعتني وانا قبل لا اعرفك في دنيا شتات =واحرقتني يوم ابتعدت وصرت انا خالي يدين
خليتني في معمعة بنات فكرٍ شاردات =على مهب الريح جابني لدرب التايهين
ياآدمي خف واحدٍ يعلم بسر الخافيات=اللي تسوي في ترى ماهي سوايا مسلمين
ربك غفور ويقبل التوبه ويمحى المخطيات=وان جيت له تسعى بخطوه جاك يسعى خطوتين
وانا مسمح فالخطايا الاوله والتاليات= بس انت عود واترك الباقي لرب العالمين
الواحد اللي حط فيك الحسن وابدع فالصفات= الين صرت المعجزه واحرقت كل العاشقين
واشرقت فالدنيا بنورك وانورت كل الجهات= وصرت الطماعه يابعدهم في عيون الطامعين
عود علي وظمني واحي العروق اليابسات=ترى حياتي في وجودك وانت سيد العارفين
طهر غرام
العرض الشجري