لا واهني اللي من الديـن ســالـم

[سفر الغبيوي]

الدين مثل مايقول المثل عما عين وعند البدو (( يقولون الدين يقطع الرزق السارح)) أبيات سويتها بعد ماعاقبني الديّان سنة من السنين ومن عقبها تبت ماعاد أتدين .. وفيها نوع من الفكاهه لرفيقي الي أسندت عليه الأبيات الأخ / مشعان الشيباني.
*****

لا واهني اللي من الدين سالم =واسعد عينه مهتنن في منامه
مادقّه الهاجوس صاحي ونايم=ولا زاره الدّيان راع العمامه
أنشهد إن الدين سمّ السمايم= سمٍ ذحاحٍ ما ذكر به سلامه
بحرٍ عميقٍ فيه غاطس وعايم= واللي بوسطه غاص يصعب مقامه
يقوله اللي ذاق مِرّه ونادم=تسعين مَرّه طبّ سوقه وسامه
طبّه وداجه عقب ما كان شايم=حدّه زمانه غصب يلبس حزامه
مشعان يا مشكاي وين انت هايم=خليتني لعداي فوق المسامه
إن كان عندك يالعتيبي عزايم=وتقول للميقاف عندك شهامه
شدّ الحزام وخل عنك الولايم= إفزع لأخوك اليوم وأطلق لجامه
وإن ما فزعت أخترت عنك العجايم=ولا نعدك لابسن لك لثامه
للرجل ميقافه ويحماه دايم=والعُود تِعرف نبتته وإنصرامه
واليا حصلي منك تاج العمايم=تستاهل البيضا وتعطا وسامه
يحماك رب البيت لفح السمايم=يكفيك شر الناس وأيضا حرامه
يا شوق من لبس الذهب والزمايم=أبو جديلٍ فوق خدّه علامه
أبو عيون سود تحت اللثايم=والزين كله فيه ظبي العدامه
وصلاة ربي عدّ ماشي وحايم=واعداد ما تمطر مزون الغمامه
على نبيٍ صار للدين خاتم=آخر رسولٍ عزّز الله مقامه

أستمع للقصيده

[الــوآفــي]

الله الله يابو مشعان

ابيات رائعه في الدين الله يفكنا واياك منه والمسلمين


صح لساانك طال عمرك

متعودين على الجزلات منك

اخووك

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[((الدلبحي))]

صح السانك


ابيات جزله


تحياااااااااااااااااااااااااااااااااتي

[فيصل المسعودي]

جزله من راسك يالغالي



صح لسانك عليها


تحياتي ياغالي

[ماجد الهذلي]

صح لسانك

قصيده جزله

ومؤلمه في نفس الوقت

والله يكفينا والمسلمين شر الدين


ماجد المسعودي

[مرزوق حمدان العتيبي]

....
.

صح لسانك .. مليون ياسفر ..

قصيده رائعه ومعبره ... الله يخلص عنّا وعنك..
وعن كل مسلم ....
تحياتي...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[نديم الحرف]

صح لسانك يا (سفر) وما قصرت في هذة الأبيات .........
والله يفك عن كل مسلم من الضيق .......

[فواز الحزيمي]

صح لسانك يااخ سفر وابيات جزله
الله يخلص عنك وعن المسلمين






اخوك
فواز الحزيمي

[سفر الغبيوي]

أشكر الأخوان جميعا

على مرورهم

لكم تحياتي

[ابـن نـعـيـس]

صح لسانك


قصيده رائعه وجزله


تحيااااااااااااتي

التوقيع