جــــــــــــــــــده ؟؟؟ شوفوا جده!!

[الخــراص]

اخواني

أعضاء وزوار

منتدا الهيـــــــــــــلا

اضع بين يديكم هذه المتواضعه

آمل أن تحوز على القليل من اعجابكم

يابدر وإن كان لك روحه على جده=بالله سلم على اللي ساكنٍ فيها
أبو جديلٍ تقول إن القمر خده=لو المدا البعد كان أروح وأجيها
وقلبي اللي ضروفه بيحت سده=لين أن كلن عرف حالي وخافيها
بالله قله لعاد يطوَل الصده=لا يجرح الروح فيها اللي مكفيها
حبل الوصل لايكبه قله يشده=تلحق علَيه مدام الوقت يمديها
قله ترا الصبر عندي واصلٍ حده=وش ينفعه من جروحي يوم يدميها
وإن كان عني حصله شيً يرده=أنا دروب الخطر دونه وماشيها
وإن كان قلبه يجيه الشك في ودَه=مافيه بالناس مخلوقٍ يساويها
وإن كان ماصدَقت باللي لك أنعده=تقضي على الروح كان الروح ترضيها
بنيت بيت الغلا واشوفه يهده=تبيع قلبي وأنا اللي كنت شاريها
يابدر قلبي لعبه جزره ومده=مره علاج العيون ونوب يعميها
ود الخبر يانديب الخير له ودَه=قله ترا الحال ماغيره يداويها