مرثية ابن عون في الملك فهد يرحمة الله

[العسكري]

خيّل سحاب العين وانوى دريره = اللي ظهر واللي على حد مظهار
من هول خطبٍ صاب شبه الجزيره = ما فيه روحٍ ما شكت منه الاضرار
الخطب موجع والإصابة كبيره = يوم انتهى المشوار بالوالد البار
يا الله يلّي ما سجدنا لغيره = يا واحدٍ بيديه تحديد الاعمار
تجبر عزانا في نزيه السريره = وتجبر عزاء الزوار من شتى الاقطار
وتبقي لشعبه من اخوانه ذخيره = صمود واستمرار واكمال مشوار
وتعين من عقبه يقود المسيره = وينهج بدار الخير منهاج الاخيار
صرحٍ بدا ببناه صقر الجزيره = وعقبه عمر مبناه بابناه الاحرار
مرحوم يا صداد وجه المغيره = شراب فنجال المواقف اليا دار
شيخ تصدر للخطوب الخطيره = عنا وجرع ضدنا كأس الامرار
ومواقفٍ عند الشدايد كثيره = منها لبو فيصل دفاعه عن الجار
يوم الصباحي جت عليه الكسيره = ومخرب الجيره على جيرته جار
قام الفهد من دون حلت قصيره = لين استعاد الدار من كل غدار
والدار ما عود بطرق يسيره = الا بعد ما صادم النار بالنار
ويوم استعاد الدار عقب تحريره = قام الصباحي بالثنا عبر الأقمار
وتبدلت هاك الظروف العسيره = لاخوان مريم عقب الاعسار بايسار
ومنها مواساة الشعوب الفقيره = غيثٍ على أوطان المحاويج مدرار
وتوزيعة المصحف على كل ديره = للمسلمين اللي وراء زرق الابحار
ومنها المشاريع الضخام الشهيره = مستشفيات وكل مشروع جبار
امثال توسعة الحرم وتعميره = والجامعات اللي نهضها بالاعمار
وعلى العقيدة والوطن فيه غيره = وان عدمة الارياء يعود له الشار
واخوانه أصحاب العقول المنيره = غيّابهم عند المواجيب حضار
صفوة ملوك الأرض مبدأ وسيره = وكبار قومٍ يستحقون الاكبار
واهبهم الله للعروبه بريره = وملجاً لمن حاطت به النار والغار
والحكم ما له غيرهم من يديره = ولا غيرهم للدار من ينهض الدار

[((الدلبحي))]

تسلم يمناك

شاعر له قيمته ابن عون وحدث موجع هز كل مسلم

تحياااااااااااااااااااتي

[طويل الذراع]

صح لسانك وصح لسان عبدالله بن نايف

تقبل تحياتي

[مرزوق حمدان العتيبي]

لاهنت على حسن اختيارك..
وصح لسان ابن عوووون... ورحم الله فقيد الامّه..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[غشام نجد]

تسلم يمناك وصدق عبد الله

[الــوآفــي]

صح لسان ابن عون

وسلمت يالعسكري

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[@المورقي@]

لاهنت يا العسكري وتسلم يمناك
وصح السان الشاعر عبدالله بن عون
ورحم الله الملك فهد واسكنه فسيح جناته بإذن الله تعالى



تحياتي

[عجاج الليل]

الله يرحم الملك فهد ويسكنه فسيح جناته ويسلم الشيخ ابن عون وتسلم ياللي نقلت القصيده .. كفوو ياعتابه