سكون الليل

[راشد النفيعي]

على حزت المسرا وقرب الوعد والليل=وانا والسما ونجوم ماحولنا قمرا
وغصن الشجر مزبر عليه الندا بالحيل=كما السحب قطاره من الغصن مايبرا
وشفت السماء تمطر من الثلج كنه غيل=وخيم هدوء ع الحي والناس في مذرا
سكون الشوارع زين والنور بس ازويل=عرجبي حنين الشوق واشتقت للمسرا
وليفي ملك قلبي وانا في هواه حليل=لياغبت لي يومين كن لي عنه دهرا
انا اسميتها العذرا وهي اسمي معاها سهيل=عشان العرب تدله مع اشعارنا تقرا
نجيها نصيف الليل والا نجيها قبيل=نصوت لها خفيه وهي بالرموز ادرا
وقبل ماتجي تسبر مع النافذه وتخيل=تشابه عنود الصيد في مشيها حذرا
تلفت وهي تمشي تقل من مهار الخيل=زهاها وسط ضامر مع اشعورها الشقرا
ولامن سمع صوتي تبسم ولف الشيل=وجاني بعد روحي من الدار للغدرا
ابدفع مهرها شيك وازيدهم فالكيل=ولو ساقها المعبود نبني لها قصرا
واباحطها فالعين واطلب قوي الحيل=عن اعداه وعدايه يسهلها الامرا

[منبر اعلامي]

صح لسانك مدد بلا عدد لاهنت على القصيده الجميله

[ابو طارق الشمري]

لله درك ماأبدعك شاعرنا المتألق
قرأتها في عدة مواقع وكأني أقرأها لأول مرة
دمت شـــــامخاً ولاعـــــــــدمنا وجووودك.