من الشاعر/عزيز الروقي للشيخ/ فارس بن عبدالله بن ماجد اباالعلا

[ابو خالد العتيبي]

بسم الله الرحمن الرحيم
السلام عليكم ورحمة الله وبركاته
بعد التحيه .
اتمنى ان تقبلوني ضيف عليكم في المنتدى ..
وهذه القصيده اهداء من الشاعر/عزيز سهل الروقي للشيخ/ فارس بن عبدالله بن ماجد اباالعلا حفظه الله

حر(ن) على وكره من الطيب يعتاش=وأن هد ما والله يخيب الرجابه
راهي صدر مضرابه الراس والجاش=مثل الجبل في وقفته وانتصابه
هذاك أبوعبدالله ذرى كل مهتاش=ياهني من ذاق النكد واعتزابه
كف الصخا مفني جزل سمر الادباش=صيته طويل الله يمد بشبابه
راعي هلا ترحيبةٍ كنها الشاش=يقولها وجهه وقلبه وبابه
مثل المطر فيه الحيا غيث ورشاش=مطفي ظما روح ترجا سحابه
له في عيون اهل الشيم حب وفراش=وله في عيون اللي يشوفه مهابه
اغلا الندا غلا هل الغوص للطاش=والا غلا نجد لعزيز(ن) ربابه
عسى عيون(ن) مالها شوف ورماش=عين(ن) لقته وماتود اللقأبه
اللي يحبونه حشا مابهم لاش= ومن حيرة اللي يكره ماحكابه
شرى نعم من عسر الأيام ببلاش=مشى الكرم يم الكرم وانتهابه
لو للكرم عمر ولحد وابيض قماش=وده يموت ويندفن في ثيابه

[عبدالرحمن الهيلوم]

صح السانه والسانك


وحياك الله يابو خالد
ويستاهلون قطمان المحازم ويستاهل ابا العلا
وحيااااااااااااااك الله

[محمد العتيبي]

صح لسااانه

ونعم في المادح والممدوح ..

وبيض الله وجهك يابوخالد على النقل الرائع

والله يحييك في محلك
...

التوقيع

للتواصل عبر twitter تويتر al_bargawy@

[أبونواف]

صح لسان عزيز

[يوسف22]

ابالعلا يستاهل المدح

[الباااسل]

لو للكرم عمر ولحد وابيض قمـاش=وده يمـوت ويندفـن فـي ثيـابـه




ياسلام ياسلام



يستاهل الشيخ فارس وصح لسان الشاعر

[@ـايل]

ونعم في المادح وصح لسانه ..ويستاهل الممدوح ..ولاهنت يابو خالد ..

..

[العادم]

والنعم ابالعلا فارس يستاهل والقصيده جزله وصح لسان الشاعر

[زيد بن غانم]

يستاهل اباالعلا المدح وصح اللسان الشاعر عزيز الروقي

[أبومشعاب]

قصيدة ن جزله من شاعر جزل

وفي شيخ ن يستأهل المدح والطيب