حر(ن) على وكره من الطيب يعتاش=وأن هد ما والله يخيب الرجابه
راهي صدر مضرابه الراس والجاش=مثل الجبل في وقفته وانتصابه
هذاك أبوعبدالله ذرى كل مهتاش=ياهني من ذاق النكد واعتزابه
كف الصخا مفني جزل سمر الادباش=صيته طويل الله يمد بشبابه
راعي هلا ترحيبةٍ كنها الشاش=يقولها وجهه وقلبه وبابه
مثل المطر فيه الحيا غيث ورشاش=مطفي ظما روح ترجا سحابه
له في عيون اهل الشيم حب وفراش=وله في عيون اللي يشوفه مهابه
اغلا الندا غلا هل الغوص للطاش=والا غلا نجد لعزيز(ن) ربابه
عسى عيون(ن) مالها شوف ورماش=عين(ن) لقته وماتود اللقأبه
اللي يحبونه حشا مابهم لاش= ومن حيرة اللي يكره ماحكابه
شرى نعم من عسر الأيام ببلاش=مشى الكرم يم الكرم وانتهابه
لو للكرم عمر ولحد وابيض قماش=وده يموت ويندفن في ثيابه

صح لسااانه

ونعم في المادح والممدوح ..

وبيض الله وجهك يابوخالد على النقل الرائع

والله يحييك في محلك
...

صح لسان عزيز