والفعل فعل اللي تعطر نهدها

[عزارم]

.
.
.

طرى على قلبي علوم طرايف= لكن بعض الناس زود نكدها
لعل ماله في بلدنا طوايف=تحرم عليه نفودها مع صمدها
يو ان طبعه للنمايم مهايف = طبعه خبيث وغايته ما نقدها
يعد نفسه معتلي بالنوايف=ومداح مده قاصر عن مددها
واللي تبع هرجه عقول ضعايف =بكلمه تهديهم وتزود لددها
هياكل سموا باسامي الرهايف=والفعل فعل اللي تعطر نهدها
لكن يا قلبي عسى العقل رايف=لا ينقضي وقته مع اللي سردها
ماعد من همه طروق البذايف = ياكود من قوم قريبه سددها
ولكن ياقلبي عسى مانت شايف=من جملة أصحاب عماها قردها
ترى النقيصه في الشكوك النكايف=والحر عن نزل المطامن زهدها
و ماودنا تزويدها بالضوايف = الحر بالتنبيه يعرف قصدها
واختامها صلوا عداد الصحايف = على النبي واعداد مامطر بردها

و سلامتكم