تجاريـب شايـــب

[عناد الشيباني]

من دون مقدمات القصيدة تعبر عن نفسها

ياقلب مافي خوة الاش مصلوح=من قاصي العربان والا القرايب
الاش لااقفا خله بدربه يروح=لاتنشده ياقلب ويش السبايب
لنه عن ادروب الوفا قاصر اشبوح=عقرب ثرى ماينفعك فالصعايب
كنه معك وقت الرخا يرخص الروح=لكن وقت الجد تلقاه غايب
خلك مع اللي فالمهمات طحطوح=هذا هو اللي تاجده فالنوايب
من وين مااحتجته لك الباب مفتوح=يثبت معك لوكان قدمك كتايب
لو ان تال الوقت بالكذب مجروح=وذي سجلوها ثامنه للعجايب
صار الوفا رقمه مع الناس ممسوح=يالله دخيلك يامدير الهبايب
وانا رغم صغري مشيدلي اصروح=واخذت من وقتي تجاريب شايب
مار استمع هرج(ن)موثق ومشروح=من الذي فالوقت شاف الغرايب
لا بد ماتلقا تعاسات وفروح=وفي ساير العربان مخطي وصايب
ولاكل من صادقت تظهر له البوح=ولا كل من يسكت ليا سب هايب
ولاكل ممدوح(ن) على الطيب ممدوح=كم واحد(ن) يمدح لسد الضرايب
ولاكل مزن(ن)بارقه وسطه يلوح=يهل هتانه ويسق الجذايب
والاش يبقا لاش مامنه مصلوح=والا الوفي تلقاه وقت النوايب

اخوكم/عناد الشيباني