تكفي عن الكل يانور البلد كله

[فيصل مطر]

السلام عليكم

اخواني الافاضل اعضاء وزوارمنتدى الهيلا عتيبه الشامخ بوجودكم اطرح بين يديكم هاذي الابيات ومجاراتهاوآمل انتحوزعلى رظاكم ودمتم طيبين

يامل قبن غدى مني وياملي=ويامل من طولت دعواه يامله
في حبل من بالموده تلني تلي=ارخآلي الحبل لين ارخاه ثم تله
احيان يطوي عليه ومر يآصل لي=واحترت في ماقفي وازريت لاصله
الياء بغاني مع اقصاء الناس يرسلي=ولياء بغيته برجلي جيت ما رسله
ولوني اجلس مع الي وانشد عن الي=الي زيارتنا اله يعرف من هله
لياشفت زوله حجاج العين ينفلي=فاضن معه والبشر ماني بفاض اله
شوفك عن الكل وانت الكل ف الكلي=تكفي عن الكل يانور البلد كله

(فيصل مطر)

جاراني على هاذي الابيات بالابيات التاليه خالدبن فرحان السميري العتيبي

جاريت منهو يعقد الحبل ويحلي= الي يجيب الكلام الزين في حله
اخاف قلبك غدى مع واحدن حلي=بنت الاكابر تجيك احيان من حله
وانته تغني وانا غنيت في خلي=يومن كلن لياء غنا ذكر خله
ولياذكرني دموعه هلها هلي=قامة تسابق على الاوجان منهله
ون شفت زوله تقول الارض ملكن لي=واقسم الارض ملكن لي وملكن له
ماداج برن ولارافق هل البلي=في ذمتي مابعد سرح ولابله
ون جابه الله فرشت الارض اله زلي=يمشي ويختال وارض الله مغرزله

خالد فرحان السميري

مع تحيات اخوكم
(فيصل مطر)

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[عيد السميري]

صح لسانك ولسان خالد تقبل مروري بود

[ابو حسام الغنامي]

صح لساااااااااااااااااااااانك يابو مطر

الجزل مايجيب الا الجزله. تقبل مروري

[فيصل مطر]

المشاركة الأصلية كتبت بواسطة عيد السميري

صح لسانك ولسان خالد تقبل مروري بود

عيدالسميري
صح بدنك طال عمرك
وحياالله تحية المطر نورت الابيات والمتصفح وشكرا لمرورك مشرفنا
تحياتي

[فيصل مطر]

المشاركة الأصلية كتبت بواسطة ابو حسام الغنامي

صح لساااااااااااااااااااااانك يابو مطر

الجزل مايجيب الا الجزله. تقبل مروري

صح بدنك يابوحسام
والجزاله بوجودك وشكرا لمرورك العطر دايما لاهنت
تحياتي

[محمد الذيابـــي]

,,

صح لساانكـ

وصح لساان خالد


شعراء مميزين كل الشكلر لكم..

التوقيع

التوقيع محمد الذيابـــي

[فهد سعد العضياني]

هههههههههههههههههاي


صح الله لسانك ولسانك السميري والله مجاراه على مستوى ولاهوب غريب عليكم الجزل

[عايض جزاء العصيمي]

صح لسانك يابو مطر

و


صح لسان خالد السميري


قصائد جميله وذات اسلوب سلس محبب الى المتلقي

وكل يغني على ليلاه الله يكون في عونكم(الحب محدٍ منه سالم)

تحياتي وتقديري لكم جميعا

[فيصل مطر]

المشاركة الأصلية كتبت بواسطة محمد الذيابـــي

,,

صح لساانكـ

وصح لساان خالد


شعراء مميزين كل الشكلر لكم..

الشاعرالقدير/ابوعساف
صح بدنك
المميز مرورك طال عمرك لك الشكر مني ومن خالد بالانابه
تحياتي

[فيصل مطر]

المشاركة الأصلية كتبت بواسطة فهد سعد العضياني

هههههههههههههههههاي


صح الله لسانك ولسانك السميري والله مجاراه على مستوى ولاهوب غريب عليكم الجزل

صح بدنك عني وعن خالدالسميري بالانابه
وشكرا لمرورك العطر والرايع واطرآك العذب لاهنت
تحياتي