مر العزاير (مصافحه اولى)

[ناصر بن محمد العتيبي]

بسم الله الرحمن الرحيم
السلام عليكم ورحمة الله وبركاته
اولاً اشكر الاخ العزيز الشاعر مرزوق العتيبي الذي قدم لي الدعوى
ودلني على منتدى ابناء عمي وقد طلعت على قصائد اعضاء المنتدى
ووجدة نفسي بين شعراء متمكنين وسيكون لي استفاده منهم انشاء الله
والف شكر لك يامرزوق
اخوكم

قــال الــذي قــد ذاق مـــر الـعـزايـر=كـم مـن صـديـقٍ ماتـسـرك علـومـه
بـعـض الـصـداقـه نـاتــجٍ للخـسـايـر=اخص من فالضيـق تضعـف عزومـه
وقت الرخـاء بالهـرج شيـخ العشايـر=واليابـخـصـتـه مـايـقـضـي لــزومــه
بالقـول يبـنـي لــك قـصـور وعمـايـر=وبالفـعـل ماتسـتـر عيـوبـه هـدومـه
عــز الصـداقـه مـحـزمـك والـذخـايـر=فـي ساعـةٍ مابيـن طيـحـه وقـومـه
صـديـقـك ان دارت عـلـيـك الــدوايــر=بيشاركـك همـك وينـسـى همـومـه
مـاهـو بـعــن دربــك مجـنـب ونـايــر=قــرمٍ يمـيـز صاحـبـه مــن خصـومـه
قيـل الرجـال اصنـاف والوقـت جايـر=وياطـيـب رجــلٍ مايـضـيـع سـلـومـه
والـنـفــس تـامـرنــا ورا كــــل بــايــر=دايــم لشهوتـهـا سـبــوقٍ صـرومــه
اللـي عسفهـا واصبحـت لـه تخـايـر=عــن ذلـهــا امـطـوعـه ومحـشـومـه
ويالله يـاعـالــم خــفــي الـســرايــر=يامـثـبـت جـبـالـه ورافــــع نـجـومــه
تــفــرج لـعـيــنٍ عـذبـتـهــا الـعـبـايــر=والـلـيـل مـاعــادت تـهـنـى بـنـومــه
يالله تـغـفـر لــــي صــغــار وكـبـايــر=عبدك ومخلـص لـك صلاتـه وصومـه
البارحـه فكـري مــن الـخـوف حـايـر=قــام يتطـلـع بـيـن شـهــره ويـومــه
بـــه ســكــتٍ ماجنـبـتـهـا الـجـرايــر=كــــل عـلـيـهـا حــــق لازم قــدومــه
احــــدٍ عـبـرهــا فــــارحٍ بـالـبـشـايـر=وحــدٍ عبـرهـا قـبـل عـقـلـه يـلـومـه
الـيـا وصـــل مـنـكـر مـسـيـر وزايـــر=فالحفره اللي تحت الارض مهدومـه
ماعـاد يـمـد الـوقـت جـبـر الكسـايـر=فــات الاوان وسالفـتـه محـسـومـه
كـــلٍ يـقــول الـلــي بـدنـيـاه صـايــر=وايضـا يسـدد مــن حيـاتـه رسـومـه
والرابح اللي في رضى الرب سايـر=ونفسه عن افعال الحرام امعصومه

ناصر بن محمد