جديد:صقرسليم و زبن القاضي

[متذوق الشعر]

طاروق اعجبني كثير وحبيت انقله لكم

والتحليل عند ابو فايح




صقرسليم

ياشاعر الهيلا تحزم لاسلام ولاكلام
واحسب حسابك لاتزودها تراها قافله
العام صارت فالحم واليوم صارت فالعظام
ياللي تكب الفرض وتصلي صلاة النافله

زبن القاضي
ياشاعر السلمان دايم مرحبا تبع السلام
انته تحسب الناس ياصقر البقيلي غافله
العام تعلنها سّبق واليوم تعلنها الوئام
ياللي تصلي والمصايب فوق راسك حافله

صقرسليم

اما اعتبر في ماحصل والا عليه بالحرام
يامابلعته من سنين انك لتصبح تافله
والا لشب النار فيكم من جهام اليا نعام
واللي يموت ابوه وامه مايحصل كافله

زبن لقاضي

اليا جردت السيف رحتو كلكم مثل النعام
اللي ليا هبت هبوب الريح جاتك جافله
ماني مراعي في دعاة الشر شرع ولانظام
ياويلكم واللي يطيع بليس ماينرافله

صقرسليم

مانته بويا السيف لن جبنا المشوك فالحزام
حتى لونك ضلع ترجع قمته لسأفله
اليا اختفا نور القمر نصف الشهر زاد الظلام
في هاذي الايام ياكثر النجوم الأفله

زبن القاضي

كبودكم فيها مرض وخشومكم فيها عرام
اليا فركت عرام خشمك وين تلقى اسعاف له
اليا اختفا نور القمر يابدو ضعتو فالزحام
يعني بكم وبدونكم تبا تسير القافله

صقرسليم

جنوبكم فيها جرب وبطنونكم فيها هيام
واللي قصير العمر مايلقى عمر ينضاف له
الارض يسهل مشيها والا السماء كله غمام
ماعاد فيها طايره مير ارحلو فالحافله

زبن القاضي

حنا بخير وعافيه وانتم مقر الاتهام
واللي بعينه مايشوف الدرب ماحدً شافله
والله لو اترك ماتلقى شراب ولا طعام
يجحدني البردان بعد اني شريت الحاف له