ياذيب جر أعواك منته بمحكـوم=ولانته محاسب فالامور المثيره
منته بمثلي يابعد كـل شغمـوم=تونس على كبدك مرار ومريره
صاحبك طول اليل مايعرف النوم=وعينه من ظروف اليالي سهيره
دنياه عنده زادت هموم وهمـوم=وزادت عليه المعضلات الكبيره
اليا بغا يطلب من الوقت ملزوم=السيف يمكن ينسحب من جفيره
وماله عضيد" يرتكيله عن القوم=ولاعنده الاأهل الوجيه الشريره
والانت ياذيب الخلا تقدم أقـدوم=ومرتاح ماتعرف قناة الجزيـره
وانا تهيضني هواجيس وعلـوم=وسلم العهد فالاولـه والاخيـره
اسوق رجلي واخذ شوي وشوم=وحيان أخربها ولاحدن أشيـره
أجيبها خطره بلافـرق" وسـوم=واقول في قلبي حرام" خطيـره
حرن مخاوي لي مناعير وقروم=والحر لامن طار يعرف مطيـره
أقول أنا فهم ولانـي بمفهـوم=وأقول أنا مجهل علوم" كثيـره
رحال مع هم الزمن دايم الـدوم=يالله عسا الرحلات خير" وخيره
ياذيب هات أعواك منته بمكتوم=وخلك على دربك وواصل مسيره
أما تعشا لك هزيل " ومحـروم=والاتعشـاك الرجـال الشهيـره
ياذيب
العرض الشجري