اقرب شاعر يتفضل

[مساعد حمود العضياني]

ياسلامي عليكم عد برق السحاب=من هجوس العتيبي يوم غنابها
يازمان العجب مدري زمان العجاب=ليش بعض المجالس مغلقاً بابها

[مرزوق الصواط]

مرحبا فالاياب ومرحبا فالذهاب= عند قومٍ قروم وتفتل اشنابها
كل حجه معك تلقى معنا جواب=والعرب تدمح الزله من اصحابها

[مساعد حمود العضياني]

البقا يالمرحب مير سج الركاب=ماتضيع المعالي وانت طلابها
الحظور المشرف قاتلاً للغياب=مايروم الجزيله غير كسابها

[مرزوق الصواط]

محتزم بالحزام ومكتسي بالزهاب=طرقةٍ ماتجيب الخير ماشقابها
يارفيع المقام ويارفيع الجناب=تعرف رموش بقعا وتعرف اهدابها

[مساعد حمود العضياني]

انتويت الصلاح ولاانتويت الخراب=صاحبك قمة الامجاد عدابها
من عطاك السوال يريد منك الجواب=ليش هالناس سرعه تفقد اعصابها

[مرزوق الصواط]

يوم جينا مساعد ياعرب ويش جاب=لا يدور على السكين وانصابها
صيدة الصقر ماهي مثل صيدة غراب=يوم بعض العرب مايحسب احسابها

[مساعد حمود العضياني]

نحسب لجية الابطال مية حساب=والعدا بالصقيل نقطع ارقابها
مايجيني من الاجواد كلمة عتاب=كلمتك يامسمى وانته ادرابها

[مرزوق الصواط]

ياعسى فالملاقا ماتذل وتهاب=تقطع الروس ثم تكسر انيابها
كان صكيت باب وكان فكيت باب=مشكله مير لا تبحث عن اسبابها

[مساعد حمود العضياني]

كلمتي محتميها في ليالاً صعاب=للفناجيل يامرزوق شرابها
كان صارت حياتك كلبوها اضطراب=شبها ياصحيبي وانت شبابها

[محمد الذيابـــي]

صح لسانك يامساعد

وصح لسان مرزوق



متاااااااابع

التوقيع

التوقيع محمد الذيابـــي