الشاعر / ميزان بن نهار العازمي العتيبي مع الشاعر / عايض المندهه العزيزي

[يوسف العازمي]

السلام عليكم و رحمة الله و بركاته


اقدم لكم محاورة بين الشاعر / ميزان بن سمران العازمي العتيبي

و الشاعر / عايض المندهى العزيزي المطيري رحمهم الله و اسكنهم فسيح جناته

و هم من الشعار اللي لهم بصمة في زمانهم حيث تمثل شعرهم بالقوة و الجزالة

التي في وقعها اقوى من السلاح و مكانتهم في قبيلتهم كان الكل منهم كبيَر قبيلته

و كانو يتحلون بالصدق و النزاهة و العدل .

و اورد لكم بعض من محاوراتهم ,

و ان شاء الله تحوز على رضاكم

المندهى :

انت يوم تحفر سمر يا شين العمالي=انت لاقن في بطاين سمر عينن ساهريه
والله اللي يرزق الصادق للا هذا الظلالي=لكفي الغاره على مرحانكم والشمس حيه

ميزان :

سمر مربى جدنا يوم مرباك الذبالي=محتمينه بالطويله فالعصور الجاهليه
لا تقسم فالظنون ولا نبى منكم مهالي=عبدلين منت بطيب منك يوم الجاهلية

المندهى :

ياوجودك يالخطيطيه ليا راحت هيالي=واوجودك يالعتيبي كان هدينا الهبية
__________________________=___________________________

ميزان :

ان هدمتم بيرنا ما حاصلن غير القتالي=ون هدمتوها نبا فيها نهد الزامليه
ونت دارك من شعيب الهضب ويردك شمالي=لا تعرض ديرة الروقه وراك العبدليه

و هذه محاورة اخرى

ميزان :

ياسلام الله عليكم ياهل الملعوبي=ردتن مثل العسل من خاطري مهديها
من ضميرن مايعرف العلم بالمقلوبي=يالرجال الوافيه يامن يثمن فيها

عايض المندهى :

يا هلا يا مرحبا ونته تسد النوبي=والله انك من رجالن مانبرق فيها
واحمد الله ياصحيبي جابك المكتوبي=مار مثلك من حضرها يحتمي تاليها

ميزان :

والله انك منبطح واللي وراك يحوبي=والضريبة باينت ما بندقي تخطيها
والمطاري كم ذبيح وكم هو المصيوبي=من رجالن كل عام كبودكم تكويها

عايض المندهى :

يوم جيتونا سوات جليبك المجلوبي=ثم مالت للجزاره والمذكي فيها
ولا عليهم كتب ونته فوقك المكتوبي=يامدربي حملته فالنار ومخليها

ميزان :

حملتن فالنار شفت شدادها منكوبي=خل خنذف عند خنذف جلعها توفيها
ما ذبحت ألا سليم احتدها اللهبوبي=واحمد الله ربعي الروقه حمو تاليها