 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
28-Feb-2005, 05:37 PM
|
رقم المشاركة : 1 | |||||
|
مرشد البذالي يعشق له بدويه عند حلالها ** لكن وش نهاية هذا العشق البريْ؟
مرشد البذالي شاعر معروف وبارز توفي تقريبا قبل 35 سنه كانت له قصه واورد فيها قصيده طويله .
كان مرشد نازل في مدينه وهو كان بدوي ومتعلق بالبداوه ويدور الفرص علشان يطلع للبر ويتذكر حياة البداوه بماتحمله من صفاء النفوس وترابط ومعزه وكان كل ماطاح الربيع يطلع للبر ويتماشى ويسير على البدوا ويسولف معهم فالباديه معدنهم اصيل ويرحبون بالطرقي ولايسالونه عن حاجته ويكرمونه . المهم طلع مرشد في وقت ربيع وكان يلقط الزبيدي لحاله ولاحوله احد متشطر عن قطين بدوا حوله يوم درى لاهاك البنت مع غنمها خجلت البنت واستحت وفي ذلك الوقت كان العفاف والاصاله قويه في قلوب الناس فلايمكن ان حتى يفكر مجرد تفكير بمايمس الحياء نشدها مرشد من اي العرب هي وعن اهلها ويقول كانت من شدة حياءها مطمنه راسها وتفرقع اصبعه اذا ناظرت , درت ان مرشد طرقي ولاهو من اهل الديره وسالته عن حاجته قالها جاي اتمشى والقط زبيدي شافت البنت الزبيدي اللي مع مرشد قليل وعطته البنت بعض الزبيدي اللي معها وقالت حنا قريب من الديره واي وقت نبغى الزبيدي نحصله اما انت جاي من بعيد ومتكلف المهم اخذ مرشد الزبيدي سالها مرشد قال انتم مبطين هنيا قالت لنا حول خمس سنوات راحت البنت من عند مرشد وتعلق قلبه بها قعد مرشد في البر يومين ورجع للديره وقص قصته على واحد من اخوياه ووصف مرشد حياء البنت وعفتها وحسن منطقها وكلامها نقد علاه رفيقه وقال انت فاضي للعلوم هاذي لا تلقيها بال البنات واجد والعشق واجد تلقى غيرها ملايين . رجع مرشد بعد حوالي ستة شهور لنفس محله ونوى يخطب البنت من اهلها واخذ كسوه وقهوه وغيرها وراح يم اهل هاك البنت يوم جاء لمحلهم اليا هم شادين ولا يدري مرشد وين ديارهم وزود على كذا انه بعد ماعرف اسم اهل البنت قعد مرشد والندم يقطعه ومر على مكان لقاءه بالبنت وتذكر جميع ماجرى بينهم من كلام ولم ينم تلك الليله واللي زاد في حزنه اصوات الذيب اللي تشعر بالوحده والغربه اصبحه الصبح وماطاب عينه نوم وتمثل بقصيده طويله منها هاذه الابيات : البارحه جاوبت لي حس عاوي ***ذيبا عوى جاوبت بالصوت واياه ذيبا يجر الصوت كانه خلاوي ***وياقلبي اللي جاوب الذيب بعواه والصبح بانت في ضميري اهاوي**جريت صوتا ليت خلي توحاه يادار ماشفتي ضبّي المطاوي ***اتلا علامي به غشنك رعاياه وانا على شوف الحبّيب شفاوي **كانه هنيا خبريني بمسساه قالت لي الاوطان قلع ضحاوي ** اليوم راس الرجم هذا توطاه امسى هنيا واصبح اليوم ناوي ** يتلي سلف بدوا بعيدا معشاه كشف لهم برقا سديدا عشاوي *** يخيلونه يم خشم المسناه يبون مرباعا بهاك الحراوي **** اليا زاف زملوقه وشبعت رعاياه اخذ الخبر ماهوب خرص وهقاوي ** اعطيك علم صويحبك وين تلقاه ادنى مرابيعه بخشم الصداوي ** وبيوت مقياضه بقريه مبناه مير اطلب الله لو صوابك مخاوي ** كم واحدا قبلك عشيره تمناه يالعين ماينفع كثير الشكاوي ** الا على اللي دبر الغيث وانشاه ياونتي ونة وحيدا جلاوي **** اللي سبب دينه من ادنى دناياه ولا خلافه من يحل الدعاوي ** لا صار ربعه منه تبا المثاراه عليك ياللي لك بقلبي مكاوي ** ثلاث كويات هوادي وعرقاه عقبه فقدت من المنام الحلاوي **وحتى متاعي قامت النفس تجفاه يا لايمي لعل مالك عراوي **** بلاه ما ولعك بالحب حلياه من لايعرف الحب عنده دعاوي ** يشره على راع الموده ويشناه ويقول هذا في مماشيه غاوي ** وحنا ندل الدرب والحمدالله يالله عسى مثله كثير الهزاوي ** يبلا ببلوى من لسانه تهزاه حتى يعرف ان المحبه بلاوي ** ويشوف مثل اللي من الحب شفناه عساه يبلا في محبة حياوي ** حب الهنوف اللي يحده على اقصاه تفرى ضميره فريّ دلو الرواوي ** اليا صفقاها الجال من حد ملقاه اليا لجلجته بالنظير السهاوي ** كلامها لبيه عن قولتن هاه كلامها للقلب مثل المداوي **** اللي عرف علة مريضه وداواه ياربي اني بالتفاتك رجاوي *** تلم شمل الولف من عقب فرقاه لوتنفع الفزعات ولا النخاوي ** على المحبه كان كلا نخيناه مار الرجاء والياس صار متساوي ** ياقلبي اصبر في تدابير الاله لو مابقي في حالك الا شلاوي ** مادبر الوالي على العبد يرضاه |
|||||
|
|
|
|
|
|
|
|
|
|
05-Mar-2005, 07:58 AM
|
رقم المشاركة : 2 | |||||
|
قصة وقصيدة تشرح الماضي والهوى النزيه
مشكووووووور |
|||||
|
|
|
|
|
|
|
|
|
|
|
06-Mar-2005, 12:02 AM
|
رقم المشاركة : 3 | |||||
|
مروي العطشا
وهل فيه انظف والطف من النزاهه تحياااااااااااتي |
|||||
|
|
|
|
|
|
|
|
|
|
|
17-Mar-2005, 02:41 PM
|
رقم المشاركة : 4 | |||||
|
مناحي
يعطيك العافيه على القصه الجيده تحياتي |
|||||
|
|
|
|
|
|
|
|
|
|
|
17-Mar-2005, 03:05 PM
|
رقم المشاركة : 5 | |||||
|
داهية عتيبه
تسلم على تواصلك وردك الطيب تحيااااااااااااتي |
|||||
|
|
|
|
|
|
|
|
|
|
|
17-Mar-2005, 05:02 PM
|
رقم المشاركة : 6 | |||||
|
وانا يا دريد اشهد ان ما فيه انظف واطهر من النزاهة....
الدلبحي ... سلمت والله على القصة والقصيدة التي حملت لنا عبق الماضي التليد والمعاني الجميله مشكوووووور وتقبل تحياتي |
|||||
|
|
|
|
|
|
|
|
|
|
|
19-Mar-2005, 01:11 AM
|
رقم المشاركة : 7 | |||||
|
دريد
مافيه اطيب واجمل من النزاهه ومشكور على المتابعه تحيااااااااااتي |
|||||
|
|
|
|
|
|
|
|
|
|
|
02-Apr-2005, 10:32 AM
|
رقم المشاركة : 8 | |||||
|
الاخ الدلبحي
مشكورعلي إيراد هذه القصه للشاعرالكبيرمرشد بن سعد البذال شاعر الخليج في عصره وقد ذكرهذا الكلام أكثرمن شاعرمن الشاعرالكبار المعاصرين للشاعرمرشد وإذا أحببت الرجوع إلى ديوان الشاعرمرشد فإنه موجود وهوثلاث اجزاء كل جزء يتجاوز 600 صفحه وردفي سياق سردك لهذه القصه بإن مرشد رحمه الله توفي قبل 35 سنه والصحيح أنه توفي في عيد الفطرالمبارك لعام 1410هـ وقد قام خادم الحرمين الشريفين الملك فهدبن عبدالعزيز وسمو الاميرعبدالله وسموالاميرسلطان بتعزية أميردولة الكويت وأبناء الشاعرمرشد وكذلك حكّأم دول مجلس التعاون قاموا بتعزية أميرالكويت وأبناء الشاعرمرشد وذلك نظرآ لمكانة الشاعرمرشد المترسخه لدى أبناء الخليج العربي بمايمتازبه شعره من القوه والصدق وقد دارت بين الشاعر مرشد وكثيرن من الشعراء عدت مساجلات ومنهم علي سبيل المثال الشاعر محمد الاحمدالسديري والشاعرزبن بن عميروالشاعرصقرالنصافي والشاعرعبدالرحمن العطاوي والشاعرعبدالله بن عون والشاعرسليمان بن شريم والشاعرزيد الحرب وغيرهم الكثيرالكثير.هذا ماأحببت الاشاره إليه شاكرن ومقدرآ جهودك حيال المورورث الشعبي العريق.تقبل تحياتي. |
|||||
|
|
|
|
|
|
|
|
|
|
|
02-Apr-2005, 09:56 PM
|
رقم المشاركة : 9 | |||||
|
فيحان الحربي
مشكور على التعليق والمرور تحياااااااااااااتي |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
| انواع عرض الموضوع | |
|
|
 |
 |
العرض العادي
