تستاهل عتيبة

[فواز فاطم الحريص المطيري]

السلام عليكم ورحمة الله وبركاته


استأذن أعضاء ومنتدى قبيلة عتيبة الهيلا


بهذه القصيدة التي قلتها في زواج الأخ والزميل العزيز مقحم فايز الحبيل العتيبي


في مدح الشيخ فايز بن مقحم الحبيل وهو من القلائل الذين يستحقون المدح


والتي تشرفت بألقائها في أكثر من مناسبة وهي الأن بين ايديكم.........

فالحفلة اللي شعشعة كلها نور = اذبح هزيل الشعر وقطع وريدة
ياهاجسن من جزل الامثال ممطور = عطني من زهور القصايد فريدة
صايم ثلاث سنين وشهور وشهور = واليوم عيدك عند فايز قصيدة
نشميتني يوم الرياجيل طابور = عند الغضا قدم الرجال العنيدة
والحين عند الشيخ فايز لك الدور = عند الحبيل اللي كشفنا رصيدة
مليون نعم وغير مليون مشكور = ايداع من روس الرجال السديدة
يوخذ برايه لغدى الراي والشور = في ليلة فيها المواقف شديدة
ونقول يامقحم عسى البيت معمور = ياصاحبي عسى الليالي سعيدة
جيتك ابارك ونقل احساس وشعور = مادار في صدري وداخل بريده
ولو كان مالي غير اجيكم على الكور = حضرتكم لو المسافة بعيدة
مير اعذروني لابدا مني قصور = الفعل وافي والمزايا عديدة