شــــارع الاســــود

[مشعل حسين]

بغيت أترك الهاجوس وأبعد عن التفكير=لكن البلا وسط الحشى النار مشتبه
انا بشتكي لك ياطميان كب الغير =لعلك تبين سارح الفكر وش طبه
سرح فكري لمن صابني بعده التأثير=غزال" عرض لي باالحلا ميزه ربه
على شارع الأسود صدفني يالاقي خير=لا عاد الله اللي صار في جيتي سبه
بعد ماتعديته رجعت وعكست السير =وجيت ولقيته كل شخص يتعجب به
علي الحرام ان كني مخدرن تخدير=بعد مالمحت الخصر والردف واللبه
تجريت قدامه ومثلت دور الزير=يشرق وأسد الدرب قدمه وغربه
خزرني بعينه عقب ماخانه التعبير=وتبسم وقال اليا بغيت الغزل خبه
ومن بعدها كني على حيها خفير=ابي تركته لاكن عجزت لا كبه
شكيت لك لأن الوضع مايقبل التأخير=اخاف انكشف لقريبن له ثم أنشبه

وسلامتكم

آخر تعديل مشعل حسين يوم 04-Nov-2010 في 02:39 AM.

[نشمي مقعد نايف العتيبي]

الاخ مشعل

يسعد صباحك

الظاهر انا اللي بيخونني التعبير

راااااااااااائعه

كنت قبل اشهر في الرياض ونقلت بعد خدمة 15 سنه

ولو مانقلت كان الله العالم اش صار من شي نشوفه

ولكن بقولك شي

كل ماشفت بنت حلوه قلت هذي هي وتطلع وحده احلى

وكل يوم عذاب الظاهر خلقنا للعذاب

عموما لاهنت وبيض الله وجهك وكان في عونك

[محمد العتيبي]

ههههه


الله الله الله


صح الله لساااانك يامشعل .. رائعه جدا


استمتعت بقرائتها ..


تحيتي
..

التوقيع

للتواصل عبر twitter تويتر al_bargawy@