يا كم يسيل الدمع ...........

[الشاعر فهد رحيم النفيعي]

يا كم يسيل الدمع

أمسح دموعك بعد سالت بمنديل = يا كم يسيل الدمع من غير سبه
أمن أول أجي يمكم لي التعليل = والقلب في درب الغلا زاد حبه
ويا كم نشوف أرقامكم داخل التيل = تشبه لموج البحر في وسط غبه
وما به مسافة بين بيروت والنيل = من هو نوى يمشي ودربه يذبه
يا كم نشوف من العيون المظاليل = لا سهمت تزين ذيك المحبة
تسهر سواه الجدي لا ناظر سهيل = يدوره يا اصحاب لو كان جنبه
ويا ما سمعنا من علوم وتهاويل = كم به يمر الحب فالوقت كم به
وأحفظ لسانك من هل القال والقيل = ولا تعترض لا شفت ريح ومهبه
ولا تامن الأيام تجرف كما السيل = يا كم غدى طيب وروح مشبه
وما كل رجلٍ واردٍ يركب الخيل = وأكل العنب معروف حبة وحبه
وأكثر عباد الله بيحط ويشيل = وليا بداله جرح ما شاف طبه
ولا الجمل معروف شقران وشعيل = أليا ذكر سمحان كلٍ يحبه

بقلم / فهد رحيم النفيعي

[مرزوق حمدان العتيبي]

..
.
ابو رحيم انت مبدع
مليون صح لسانك


وما كل رجلٍ واردٍ يركب الخيل
وأكل العنب معروف حبة وحبه

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[بـنـاخـي خـويـس]

قصيده رائعه جدا وسلمت يمينك

[عبدالله الفهد الاسعدي]

صح لسانك يافهد

قصيدة لاتحتاج الى شهاده

ننتظر منك المزيد

[فايز بن سرحان الثبيتي]

صح لسانك يافهد "


وما كل رجلٍ واردٍ يركب الخيل
وأكل العنب معروف حبة وحبه


لكن صدر البيت والله اني ما اوافقك عليه "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[الشاعر فهد رحيم النفيعي]

اشكر الجميع على المرور

و صحت ابدأإنكم

[الشاعر فهد رحيم النفيعي]

المشاركة الأصلية كتبت بواسطة ابن سرحان الثبيتي

صح لسانك يافهد "


وما كل رجلٍ واردٍ يركب الخيل
وأكل العنب معروف حبة وحبه


لكن صدر البيت والله اني ما اوافقك عليه "

صح بدنك اخووي

وجهة نظر احترمها

ولكن لا اوافقك عليها