هيلا تهيل اللي براسه سعاطير

[عبدالله الاصعر]

بديت باسم مدبّر الكون تدبير=خلاق ما فالكون علاّم الاسرار
اللي سخر موج البحر للبوابير=الاهنا اللي نعبده سر وجهار
وسخرت جزلات الطواريق تسخير=بعد ذكرت الله بداء نضم الاشعار
بيض الورق تزهى عليها المحابير=في نضم جزلات الفرايد والافكار
وعن دعوة الاصحاب مافيه تاخير=بعد دعونا للوفاء والقدم سار
سلام ياحرب الرجال المناعير=ياللي لكم في صفحة المجد تذكار
قوم بفعل الطيب دايم مشاهير=اهل الفخر والعز والمجد والكار
سطرتو التاريخ بالفعل تسطير=مجدٍ ينومس يابعيدين الانضار
تاريخكم شامخ مثل قمة النير=تحكيبه العراف في كل الاقطار
ليا عتزيتو بالسيوف البواتير=ودقت طبول الحرب وشتبت النار
ماترجعون عن المواقف مدابير=ليا بركت بحمولها فوق الازوار
وغير الشجاعه سلمكم بالوفاء غير=اهل الكرم للضيف ,حماية الجار
ودخيلكم مايلحقه كل تقصير=يامن بكم عن كل بايق وغدار
وخويكم يامن بكم فالمشاوير=وليا انقتل معكم خذيتوله الثار
قصة نويشي تعطي الناس تقرير=عنكم ومن دون الخوي دمكم حار
قلته وانا من روس قوم مشاهير=قوم ثبت تاريخم مثل سنجار
وقفاتهم تحمى الجهام المصاغير=ان دارت الهيجاء وعج الرمك ثار
اخصامهم بالعوق ترجع مصادير=عند الملاقا مايولون الادبار
دايم على حوض المنايا مناحير=مكتوب فوق سيوفهم قصف الاعمار
عتيبه اللي ماتحسب المخاسير=ذباحت الحايل لون الزمن جار
هيلا تهيل اللي براسه سعاطير=لطامت العايل ليا صار ماصار
نعطي على فعل الجمايل تباشير=تاريخنا تحكيبه طوال الاشبار
وحق القبايل ماعترض له بتقصير=في كل دار حقها من هل الكار
واليوم صرنا في حمى دولة الخير=عشنا خوان بضل حامي حمى الدار
الله يفكه من صدوف المقادير=عساه من جور الزمن دايم مجار
عبرت عن صادق ولانا له تعبير=خادم بيوت الله وبالعهد ما بار
وولي عهده له معزه وتقدير=قايد دفاع وللمهمات مغوار
وصلو على اللي دلنا منهج الخير=عداد ماهلت هماليل الامطار[

التوقيع

ربعي كما الحيد الطويل النايف=ارقاء براسه وانسدح في ضله ليا بنو بنيً على مقلطهم=يبنون بنيً ماحد(ن) يفله الشاعر/عبدالمعين الثعلي رحمه الله al-aser11@hotmail.com

آخر تعديل عبدالله الاصعر يوم 28-Nov-2010 في 01:18 AM.