على اطهر من خلق ربي عطيت الوحي ياجبريل = نقل هم الرساله بين ( تبشيره وتحذيره )

[زياد المزرمي]

الا يانور صبحٍ شعشع وجلّى ضلام الليل = يبشّر بالصباح اللي تغرّد به عصافيره
يبشّر بالضياء ويشرح صدورٍ عليها الميل = عليها الميل زاد الصدر في شعلة مساعيره
بعد ليلٍ عليه اضغاث حلم ولا تبا التأويل = ملخصها ( سهر عين الشقي ) ! من غير تبريره
تغانم فرصته وابليس له بالمعصيه تذليل = يذلل من يطيعه لين ما يرقص على زيره
تجلّت قدرة اللي بدّل اوضاع البشر تبديل = من وحول الجهل لا روض تلعبّه نواويره
على اطهر من خلق ربي عطيت الوحي ياجبريل = نقل هم الرساله بين ( تبشيره وتحذيره )
( محمد ) من تباشر به هل التوراة والانجيل = صلاة الله عليه اعداد تهليله وتكبيره
كلامٍ ( ينقله ) وحي ورسالة محكم التنزيل = وكلامٍ ( ينطقه ) سنه ونورٍ مامعه نيره
نقلت اسمى معاني للمروّه قدوتٍ للجيل = وحويت اسمى صفاتٍ للمربي في تعابيره
لنا في سيرتك اسوه على مر الزمن ماتزيل = مربي جل من رباه ربٍ ما لنا غيره
نصير اللي هزمه الظلم لا حل ! وبلاه الحيل = نشره الوقت الاقشر من تحت مسفح مناشيره
مع المسكين يقضي وقته ! وفي دبرته تعليل ؟ = يعلمنا حروف الزهد وان الاخره خيره
تخرّج من تلاميذه اسودٍ تحمل التأهيل = تشيل هموم ( أمه كامله ) والمجد له سيره
صلاة الله عليه اعداد ما لاحت بروق السيل = نبي الله من عمم على كل البشر خيره

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com