(مايشـح الكريـم ولايجـود البخيـل*كـل نفـساً طبيعتهـا علـى قدهـا) شيلة لحبيب العازمي

[ابن المحايا]

أقدم لكم شيلة جديدة من كلمات الشاعر الكبير (حبيب العازمي)






القصيدة كتابية



بعد ثالث ثلاثه حـل والوقـت ليـل*** كل عيناً من العبـرة سقـت خدهـا

ارتعـش واتثبـت والعبايـر تسيـل*** لقـدر اقـول ليـه ولقـدر اردهـا

واقفاً وقفت المحتـار وقتاً طويـل *** لانظـر لواقعـي بالعيـن واصـدهـا

مقدر اهرب من الواقع على المستحيل *** تقصر الرجل خطـوه قبـل لامدهـا

بين حزن الوداع وبين هـم الرحيـل *** كـل لحظـه تمـر بهـم واعـدهـا

حسبي الله على الفرقا ونعم الوكيـل *** هددتني وانا مجـروح مـن ضدهـا

اشهد الجدي في مبداي واشهد سهيـل *** قصتـي تبنـي الاهـرام واتهـدهـا

ماشفالي جـروح ولابردلـي غليـل *** صادت الروح روحاً بيحـت سدهـا

كلما قلت شـده قلـت يمكـن تزيـل *** وكل ماقلـت راحـة قلـت لابدهـا

شرهت القلب عدل ونظرة العين ميل *** اقنع النفـس ميـر النفـس ماودهـا

المشاعر لهـا بيـن الحنايـا صهيـل *** والخواطر تحـز النفـس واتحدهـا

اكتب الشعر من دمي ودمـي ثقيـل *** كـل ماجيـت امـد القافيـه شدهـا

اقربي يالقوافـي واشربـي سلسبيـل *** من نهوراً يذوب الذوب مـع ندهـا

وذعني للحقيقـه واشربـي حنظليـل *** من بحوراً يساقـي جزرهـا مدهـا

مايشـح الكريـم ولايجـود البخيـل *** كـل نفـساً طبيعتهـا علـى قدهـا



أتمنى ان تنال على رضاكم واستحسانكم