اجمل الفتل والنقض الشاعر تركي الفين وغزاي العضياني

[فهيد الشيباني]

تركي الميزاني


سلامي على شيخ دعانا وجيناه

من شيوخ روق وروق يعني عتيبه


نبا نلعب الطاروق ويزين معناه

واجيب الخبر واللي سواتي يجيبه


غزاي العضياني

هلا مرحبا ترحيب وافي وتلقاه

وكل مع الايام ياخذ نصيبه

تهرج بعلمك واول العلم واتلاه

لكن المراجل ماتجي بالغصيبه


تركي الميزاني

ترى الادمي في حكم دينه ودنياه

ولابه غريبه فالسنين الغريبه

ابا اعطيك علم حاول انك ماتنساه

ترى الجرح مايعرف له الا طبيبه

غزاي العضياني

ترى الادمي في حكم ربه ومولاه

ودرب يضرك قول لي وش تبيبه

هذاه المطيري مابغيت اتحداه

على شان ملفي ولد مزيد صحيبه


تركي الميزاني

عسى الله يعز اهل البيوت المبناه

لوان البنادم ماله الا نصيبه

ياغزاي درب المشكله لاتمناه

عسى الله يكافينا البلا والمصيبه


غزاي العضياني


بصامات تركي ياعرب تكشف ايداه

يجند جنوده في سرايا الكتيبه

ترى ابليس قول الحق والشرع رباه

يحرث القبور اللي عليها نصيبه