ديوان الشاعر المبدع والفذ / عيضه الثبيتي ..

[محمد العتيبي]

بسم الله الرحمن الرحيم



يسعدني أن أقدم ديوان أحد شعراء الهيـــــــــلا *** منتدى قبيلة عتيبة

وأحد شعراء الساحه الذين يتميزون بالقوة والجزاله فيما يقدموه للمتذوقين ..


الشاعر / عيضه بن معيوض بن دبيان الثبيتي .. مشرف قسم المحاورة وقصائد الأعضاء



قصيده في خادم الحرمين الشريفين الملك ( عبدالله بن عبدالعزيز ) حفظه الله ..

طوّل الله  عمر  ابو  متعب  وكثّر  خيرهالمليك   اللي   يمينه    بالكرم    معهوده

الزعيم اللّي  على  شعبه  فرض  تقديرهالكريم  اللي  ما  جود  الا  كرمه  وجوده

وأشهد أن الطيب ذخر  للطيبين  السيرهوالملك  عبدالله   بطيبه   سواة   جدوده

قبله  اللّي  فعلهم  فوق  الوطن  تقريرهصيتهم   مايختفي   وأفعالهم    مشهوده

الملوك اللّي  لهم  فواق  المواطن  غِيرهالملوك   اللّي   علانا   أنعامهم   ممدوده

محتمين  الدار  يوم  القوم  جات  مغيرهكم  من  خبلً   طمعنا   مابلغ   مقصوده

اكسروه  ولا  نفع  في  كسره   التجبيرهالبراء  مردود   وعيال   الردى   مردوده

وعندهم ياعنك ماضاعت  حقوق  الجيرهيشهد  التاريخ  وأفعال  العرب   موجوده

وعاش ابو متعب وحنّا  من  تحت  تدبيرهكلنا  شعبه  وفي  وقت   اللزوم   جنوده

وخيره  اللي  عمّ  دار  الخير  ديره  ديرهمثل  همّال   الربيع   اللي   تدن   رعوده

الخيال   اللي   ذعاذيع    الهبوب    تديرهكل ما اسقى ديرة ً  جات  الهبوب  تقوده

خادم   البيتين   زيزوم   الحمل    وبعيرهالزعيم  اللي  على  شعبه  بذل  مجهوده

وادري  أنه  كل  شعبه   مشغلً   تفكيرهوقال نفسي عن جميع أهل البلد منشوده

والسعد  والخير  جانا  من   بعد   تبشيرهيوم  بشرنا  ووفى   في   جميع   وعوده

هكذا  طبع  الكريم  االلي   يشب   النيرهوالشجيع  الي  يزيد   ولاحد   زايد   زوده

كل من  صلى  دعى  له  فأول  التكبيرهثم  يدعي  له  بعد   فركوعه   وفسجوده

وفّقه   ربي   وجعل   الله   يكثّر    خيرهيالعل   الخير    دايم    جوده    وماجوده

[/QUOTE]

قصيده القيت في حفل أجتماع قبيلة الثبته أهل السيل الكبير
فالعيد السعيد2/10/1427هـ
في مجلس أهالي السيل الكبير بحضور مشايخ القبيله وأعيانها

الله واكـــبر عـــد من كبّــــــر وهــلّل  فــالمسيـــدالله واكبـــــر والثــــنــاء لــِلـــه رب  العـــالميــــن

هل  الهـــلال  وهلّـــت  حـــروف  القوافي  والقصيدوأنـــا وشعــري والقــلم  وقــت  المهمّــه  حاضرين

انظـــم قصيـدي  واكتـــبه  واللبّسه  ثـــوبً  جـــديدواطيّــبـــه بالطيـــب وارشـــه  بـــورد  اليـــاسمين

وأول ما نبـــدأ بالتـــحـــية يا  ســـلام  الله  وأعـــيدســـــلام واحــــد ما يكفـّي يا ســـــلامي  مرتيــــن

حضـــرت أعـــايدكم وشوفتكم  تـــزيد  العــيد  عيديا لله لعــلـّه عيــــدكم مبــــروك ومــن العايــــدين

يالله عسانا كـــل عـــام نعـــيـــّد العـــيد  الســـعيدونلـــقى بعـــضنا  ونتعــــايد  يالـــــرجال  الطيبــين

واكبـــر فخـــر يــوم  انتجمّع  من  قريب  ومن  بعيدوالـــرأي واحـــد والقبيــــله وحـّــده  والعـــلم  زين

وأكبـــارنا  وأصـــغارنا  تمشي  على  الرأي   السديدوالصــــف واحــــد ماتغيــّره  الليــــالي  والسنيـــن

من شـــرعنا  الإســـلام  منهـــجنا  هذا  العلم  الأكيدوالأمر شورى  والتوحّد  من  صفـــات  المسلميــــن

يعنـــي هـــنا نـــجلس ســـوى  حتـى  نفيد  ونستفيدوذكــــرى الحيـــاء  والطيبـيـن  يـبـيـن  لابــدّه  يبين

فالمـــجلس اللي مـــنفتح بابه على العـــلم  الرشيدوأول بــــــركــــاته تجمّــــعنا  بهاليــــــوم  الثميــن

والخيـــر  باقي  والطـــموح  أكـــيد  نطـمع  فالمزيدوأمالنـــا تحقـــيقها  بأيــدي  الـــرجال  المخلصـــين

تطويـــر  ديـــــــرتنا  مهمتـــنا  وعنـــها  ما  نحـــيدوأمّــا تعـــاونا ما بتصفـــق  يســــار  بلا  يميـــــــن

نبى جـــدار البـيت فالقـــوّه كما  الســاس  الجــويدواللي ما يــدري ويش  قصدي؟كـل  قصدي  كلمتين

الســـاس هُـــمّ الأوليــن اللــي  خـــذوا  مجدً  تليــدوياليـــتـــنا نلــحق شـــويّه مـــن  عـــلوم  الأوليــن

اجدودنــا اللي لاوطتـــهم  وطيـــة  الوقــت  الشديدوقفـــوا ســــوى والكــل  منـهم  يعتبر  حصنً  زبين

مشــوا على رفق ومعــزّه  فالنــــزول  وفالشـــديدوعاشـــوا على  طيـــب  وشهــامه  نازلين  وراحلين

وحنـــّا ليـــا منـّا تكـــاتــــفــنا  نحقـــق  ما  نــــريدمير المـــهم نـــكون فعــلاً فالطـــلب متـــكاتفيـــن

نحاول انحل  العقــــد  ماهـــو  بالسيــــف  الحـــديدبالصبـــر   والإيمـــان   والإخـلاص   والعقل   الرزين

العضد  جنب  العضـــد  ويقوم  العضيد  مع   العضيدوالجنب جنب الجنب  والشرهه  على  الجنب  المتين

محمد   وحامد   وابن    حامد    وابن    وادع    وعيدوابن    عنيبر    والخوامس    كلها     خشمً     وعين

ربعي   ثبيت   وحبهم   يجري    مع    الدم    فالوريدالجد      ثابت      والقبيله       فالمواقف       ثابتين

تاريخهم    ثابت     على     طول     الليالي     مايبيدمرجع    عتيبه    كلها     وخوال     للهادي     الأمين

وبيت   القصيده   فيه   تلقى   زبدة    العلم    المفيدياجعل     هذا     الأجتماع     يعود     وأنتم     طيبين

وعندي   رساله    هادفه    ماهي    رساله    فالبريدرسالةً     منّي     لكم     وأنتم     علاها      شاهدين

عسى  حياة  الحي  تحيــــا  والحيـــاه  اغـــلا  رصيدهذا هو  المضــمون  والمقصـــود  للنـــاس  أجمعين

وختـــامها نشكر  هل  المجلس  على  الحفل  الفريدوالله يــــــوفقهم على حســـن العمـــل دنيـــا ودين

ويالله عســــــانا كل عــــام نعيـــــّد  العيد  السعيدونعايد  الأصحاب  والأقراب  ومن   الــعـــايـــديــــن

دواليب الليالي والأيام

دارت    دواليب     الليالي     والأياموتبلّدت   ياسعود   بعض   الأحاسيس

من  كثر  ماشفنا  وعفنا  من   العامدنيًا يشيب  ابها  الذي  يرضع  الديس

الغرب   غازي    للعروبه    والإسلاموحنّا على الشاشات  صرنا  مراويس

صرنا   مسارح    للمذابح    والإجراموسيوفنا  بعد  الفخر   عوّدت   فيس

نزحف ورى  والغرب  يمشون  قدّاممرخين    أذانينا    للتقرير     ميليس

مابينا     يقضون     عبّاد      الأصنامويكذب علانا هيس بن هيس بن هيس

العام  كان  الذبح  في  شعب  صداموهذا  السنه   بشار   جته   التلاميس

والله واعلم من هم اللي ورى الشامأفكارهم   واطماعهم   مالها    قيس

أفكارهم   تنجح   وتخطيطهم    ساموتخطيطنا   يفشل   بكل   المقاييس

وصارت   رجاوينا   كوابيس   وأوهامولا اردى من الأوهام  غير  الكوابيس

ننكر..وتكتبها  فقط  رؤوس   الأقلامونضيّع   اللّي    نكتبه    فالقراطيس

تاسيسنا   على    البطوله    والإقداموالظاهر  التاسيس   يحتاج   تأسيس

وصارت  مشاكلنا  صعيبات   وعظامكبر   الجبال   الشامخات   الدلابيس

وشلنا  حمول  الظيم  بأكوام  وأكوامماهي حمول العيس  ياحادي  العيس

هَمّ  العرب   صار   الأغاني   والأفلامونطّرد    الكوره     وحنّا     مفاليس

وحياه    رومنسيّه    وحُب    وأحلاممن  سالفة  ليلى  إلى  سالفة  قيس

وتاريخ    فريسً    نحفظه    بالأرقامواليوم جات  أرقام  من  غير  فرّيس

ياجبال  مكه  صيّحي   فوق   الاهرامويجيبك   المغرب   بعيد   المراميس

يانهر  دجله  صيح  في  نجد   والشاموتسمع صدى سينا من جبال بالقيس

ولا   والّذي   نزل    تبارك    والأنعاملن  ماصحانا  لن  نغدي   فالدهاليس

أبليس    خلاّنا     تشاتيت     وأقساميارب  تنصرنا  على  الغرب   وأبليس

مرثية في الشيخ / نحم بن هليل الثبيتي .. ( أبو عتابه ) شيخ قبيلة الثبته والقاضي المعروف ..رحمه الله

هيضّني اسم الشيخ جعله في رياض  الصالحيـنولعل  قبـره  بالمـزون   اللـي   تلـوح   بروقهـا

واهني من يرحل وذكره  فـي  قلـوب  الطيبيـنوكلمة  (رحمـه  الله)  عليـه  مـرددًا  منطوقهـا

ذكرى الحياء والطيبين يبين من  ماضِ  السنيـنوالوقت  يمضـي  والنشامـا  ماتضيـع   حقوقهـا

كم حيّ فوق الارض يحسب من حساب الميتينوكم ميتٍ يدفن فالأرض وعاش  ذكـره  فوقهـا

والناس  مـا  تذكـر  يكـود  الطيبيـن   الغانميـنأمانـةً   تِحْفـظ€وتاريـخ    العـرب    صندوقـهـا

و  أبو  محمد  ذاع  صيته  من  عصـور  الأوليـن(نجم) على اسمه والقصيده فالكريـم  نسوقهـا

عز الرفيق ومسنده.. زين النبا  ..ذرب  اليميـنواليا  نصـوه  عيـال  عمّـه  فاللـزوم   يشوقهـا

واليا وقف في ماقفه ياقف كما الضلـع الزبيـناليا  وقـف  ضـد  الرجـال   المعتديـن   يعوقهـا

أبو عتابه  قاض  الحقي  راعي  العقـل  الرزيـنكـم  مـن   قضيـه   حلّهـا   وموثّقـه   بوثوقـهـا

عدى الروى اللي فوق جمّه  واردين  وصادريـنوالناس  مـن  جمّـه   تبـل   كبودهـا   وحلوقهـا

من روس الاد ثبيت  واسمه  ماتضيّعه  السنيـنلو كان تحت الأرض.. ذكره ما اختفى من فوقها

وآسعد من ربعه العتبان

بسم الله الرحمن مبداء  كلاميمبدا  القصيد   ومطلع   القيفان

ولا خاب من  يبدا  بذكره  كلامهرب   العباد   الواحد    الرحمان

واردّ  من  حلو   المثايل   واغنّيكلام    موزونً    على    ميزان

هبت  هبوب  الشعر   منّا   زمنّاببيوت  مثل  الطرقي   العجلان

تسابقنْ  مابينهم  في   ضميريالكل    ودّه     يصبح     العنوان

واخترت من زين المعاني معانيوبنيت   مبناها   على    سيسان

بيوت شعرً في  ضميري  تزاحمتارد   مثل   ما   يارد   الضميان

ارسم  معانيها  وارتّب   حروفهاصنعة  عقود   الول   والمرجان

وانا  لياجات   المواقف   عتيبيواسعد   منهم    ربعه    العتبان

العزوه اللي من  خيار  العزاوياللي  لهم   بين   القبايل   شان

قومً  يعرفون   القبايل   فعولهازبن   الدخيل   وسم    للعدوان

كم  نزّحو  لابه  وعاشوا  مكانهايوم  أنها  سيف  وفرس  وعنان

تربعوا  في  وسط  نجد  وخذوهايوم   إدراج    الخيل    فالميدان

قحص المهار اللي عليها  رجالهاتـقضّب      المديون       للديان

ومصقلاتً عشت  النمر  والفهدوالطير   منها   ماضوا    جيعان

ربعي هل الطالات لطّامة  العدالا  زادت  الشعله  على  الدخان

أهل الفعول  اللّي  تبيّض  وجيهالا  عدّت   الأفعال   كان   وكان

أفعولها   يزري   لساني    يعدّهاوالله   مايحصيها   كلام   لسان

ولو تكتب الأقلام مايكفي  الحبرويمدي الورق خلّص من  الدكان

برقا وروق أهل السلوم  العريبهتاريخهم      بالمرجله      مليان

سمّوهم  الهيلا  لكثرة  جموعهمهيل  المطر  من  رايح  الأمزان

وذباحة  الحائل   لكثرة   كرمهمقومً    كرام    تكّرم    الضيفان

ولطامة  العايل  للطمة  عدوهمقولً  على  فعلً   على   برهان

أمجادهم  مثل  النجوم   المطلّهماتختفي      ياكود       للعميان

وحصونهم مثل الجبال الرواسيامرسّيه     مارسّت     الضلعان

وأديارهم في قلب  نجد  الموقّروقلب  الحجاز  الشامخ   الفتان

هذي  منازلهم   وهذي   ديارهموهذي  مسيرة   ربعي   العتبان

ووالله مايكفي  قصيدي  بحقهملو  أنّي  اكتب   لي   100ديوان

إهداء لــــ(سلطان عتيبه) الشاعر سلطان المنصوري....أثناء مشاركته في شاعر المعنى ..

عاش   الذي    بالعز    يرقا    ويرقايرقا   سنود   ومنزله   مرتفع   فوق

تزرق    رماحه    فالمواقيف    زرقاويسبق على الطالات ماهو  بمسبوق

قلوب   حسّاده   من   الغبن    حرقاوقلوب  عشَّاقه   بها   زايد   الشوق

وصدور  عدوانه  من  الغيض   شرقاوصدور   ربعه   من   تماثيله   تروق

سلطان لن  غنَّى  من  الشعر  طرقاتلقى  بشعره  زبدة  الشعر   والذوق

ولن  جرَّ  صوته  جاوبت   كل   ورقاوحنّا  نصفق  مِعه  في  كل  طاروق

وقلوبنا   في    بحر    الإبداع    غرقاوسلطان  اله  فقلوبنا  عهد   موثوق

يسرق  قلوبٍ  تعشق  الشعر  سرقاولو   صار   للشعر   ترتيب   وفروق

من   بينه   وبين    الشواعير    فرقافرق الذهب عن باقي بضاعة السوق

واليوم    مادون    المواقيف    درقاوالصبر  زين  وكل  مطرود   ملحوق

انَّادي     العتبان      غرباً      وشرقاونسوق ما  نملك  من  آموالنا  سوق

وسلطان   ينخى   بين   روقاً   وبرقاتكفون    يابرقا     وتكفون     ياروق

قصيده مهداه للشاعر / يوسف العصيمي .. أثناء مشاركته في برنامج شاعر المليون النسخة الأولى ..

ولا  ياعتيبـه   عيّـدوا   عيدكـم   مممـنـونوزفّـوا   لابـن   رزّاق    ملـيـون    عيـديـه

ومليون  تسليمه  علـى  الشاعـر  الدنـدونومليـون    ترحيـبـه     وملـيـون     ردّيــه

أبـارك  لربعـي   كلّهـا   والصعـاب   تهـونويقعـد   بهـا   (تركـي   وغسـان   ووخيـه)

وابو(صفر)قدره(صفر)بهنـاك   ولا    هــونوحنّـا   رجـال   الطالـه   هـنـاك    وهنـيّـه

عتيبه عصاء  موسى  وانكبتك  يافرعـون!!تفرعنت لين  أن  العصـاء  عـوّدت  حيّـه!!

عتيبه هل الفزعه لا  جات  اللـزوم  يجـونرجالاً  تـدوس  المـوت  لا   كبـرت   الهيّـه

عتيبه وبإذن  الله  ترى  نصرهـم  مضمـونمثـل   نصرنـا   المبروك(يـوم   الرشاويّـه)

عتيبه  جبال  الها  حيـود   وحجـا   وركـونتـرانـا     عتيـبـه     والمـواقـف     عتيـبّـه

وياحيّ  من  برقـا  علـى  جنبـه   يقومـونوياحـيّ  مـن   ينخـى   بنـي   روق   ياحيّـه

لو أنّك نخيت الشايب اللّي  على  الحاجـونيفز  الك  لـو  رجلـه  مـن  الوقـت  مثنيّـه

وحنّا هل (أبشر)لاظ€هر حرف من(تفكون)سبقنا  طلـوع  (النـون)  يادافـع   السيّـه!!

ترى  أرواحنا  مـن  دون  ميقافنـا  عربـونوهـذي  علـى   العتبـان   حاجـه   طبيعيـه

وحنّا  هل  العلياء  ماحنّـا  مـن  اللـي  دونمابيـن   الكواكـب   والنجـوم    السمـاويـه

ولن  جات  للتصويت  بالهاتـف  المشحـونشحنّا  القلوب  اخـلاص  ووجـوب   وحميّـه

نبى  نقفّل  النسبه..نبـى  نصفّـر  الطبلـونونبى   نأخـذ   المليـون   غصبـى   وجبريّـه

لإنـا   ملـوك   الشعـر   يالجنـة   الملـيـونولا اخذتوا من الشعر(1%) واحد من  الميّه

غبينه  لا  صار  الصاحـي  يقيمـه   مجنـونفضيحـه  لا  صـار  العاقـل  يرشّـده   عيّـه

من الخبث ماينظفكم المـاء  ولا  الصابـونغدرتـوا    بيوسـف    كلـكـم    يالحرامـيّـه

ولا  عندكـم  شيمـه  ولا  عندكـم   قـانـونوربـي   فضحـكـم   قالقـنـاه    الفضائـيّـه

نفختـوا  قليـل  المعرفـه   نفخـة   البالـونوجحدتـوا   وسيـع   المعرفـه   يالحسوديّـه

جلسّتوا  محل  النابغـه  ميـر  مامـن  لـونويابعد مبدا الشمس  عـن  داجـي  الفيّـه!!

وتقييمكـم   ماعـاد   نبـغـاه   مشـكـورونمادامـت  حميتنـا  علـى  السـاس   مبنيّـه

نبى  نكوي  الحسّاد  مـن  جمـرة  الغليـونونضحـك   جميـع   ونلحـق   الكيّـه   الكيّـه

ماحنّا فقارى  يـوم  نبحـث  عـن  المليـونترانـا   علـى   طـول   الليـالـي    غنـاويّـه

لكنـا  ملـوك   الشعـر   واحـق   بالملـيـونونبي   نأخـذ   المليـون   غصبـى   وجبريّـه

بمناسبة غلاء مكائن الخياطه

لا  والله  الاّ  طار  سعر  المكاينحظ€اللَّي أُمّه عقَّبت له مكينه!!

!!

على  درجة  بيته  وقوف  الزباينكلً  يزيد   الألف   ويدير   عينه!!

!!

كن    المكينه    ناقةً    فالمزاينحتى الوسم في جنبها حافظينه!!

!!

وأهل الطمع قامت تفك  الخزاينتبى   تزيد   فلوسها   فالخزينه!!

!!

واللّي ما عنده شي  جته  الغباينوالشات زاد  اله  الغبينه  غبينه!!

!!

ما  غير  فالشاشه  عيونه   تعاينومن القهر تضرب يساره يمينه!!

!!

والحظ€فرصه..والمكاين  مكاينوتمحق عجوزأً  ماتعقّب  مكينه!!

قصيده قيلت أثناء قذف الصحفي ( منتظر الزيدي ) للرئيس (بوش ) بالجزمه ..

يا   ما   أنتظرنا   تجي   للعيد    عيديّهويا (مُنتظرنا ) انتظارك  تالي  الأزمه!!

**

نخوتك   يوم   انتخيت   وجيت    للهيّهنخوة  عراقي  يصيح  ولا  برد  عزمه!!

**

رفعت   رأسك   على   عز   وشهاميّهوحنيت رأس المريكي بوش بالجزمه!!

**

وتناقلتها        القنوات         الفضائيّهوأنا أشهد أنّك  تقول  العلم  وتحزمه!!

**

وجزمتك..تسوى     قنابله      النواويهمنها  تروح  الكلاب  السود   منهزمه!!

**

يامُنتظر..  لك   سلام   وشكر   وتحيّهعداد    نواً    رعوده    جالها    رزمه!!

**

مرفوع  فعلك  ..وقدرك   مرتفع   زيّهيوم  أن  الأفعال  منصبّه   ومنجزمه!!

**

وقل  للعرب  كل  واحد   يخبر   وخيّهاللي يبى بوش فوق  الجزمه  يعزمه!!

**

جايٍ   يبى   يودَّع    الأرض    العراقيهوياكم  من  واحداً  ميّت  على  لزمه!!

**

لكن      جاته       وداعيّه       وداعيّهوتسلم  يمين  الذي  ودّعه   بالجزمه!!

المرجله ..

لا  ضاقت  الديره  بخاطرك   وجّهوتلقى  ديارً  شوفها  يطرب   البال

سوق  القدم  قدام  مع  كل   فجّهوديار ربّي  قدمك  عراض  وطوآل

ورح    للخلا    فالليله     المدلهجّهيكفيك لو تشرب من الكيف فنجال

في  صحصً  مافيه   صجّه   ولجّهوالنور  خافت  والقمر   توّه   هلال

حزمً   براحً   مايجي    منه    عجّهدوب غسله من رايح المزن  همّال

وأخذ  مع  الهاجوس  سجّه  وسجّهفي جال نارً عامره تشعل  أشعال

أخير  لك  من  سوق  مليان   دجّهمن قوم دجّوا تاجد الوان  وأشكال

السوق بأهل  السوق  مليان  صجّهبمراسلية   هرجة   القيل    والقال

ناسً على  شذب  البشر  مستلجّهأفطن لهم  يامعّرب  الجدّ  والخال

والمرجله    حجّه    وياوّي     حجّهومن  صعبها   مانالها   كل   رجال

صحبة العاقل وسام وصحبة الجاهـل سماجـه

لعنبو مزح الرخـوم  اللّـي  مافيـه  الاّ  النقـادهولعنبوا  كثـر  المهايـط  والمخايـط   واللجاجـه

المجالس  بعضهـا   صـارت   يـادادي   يـاددادهيـادداده   يـاددادي   مالـي   بطريـاك    حاجـه

السوالف  بعضهـا   مابـه   صـلاح   ولا   فيـادهأول  الهرجه  ضحوك  وتالي  الهرجـه  هماجـه

عادة  ً  ماخس  منهـا  ياوجيـه   الخيـر   عـادهصار بعض الناس  يشبه  للمحرّج  في  حراجـه

وافسـاد الوقـت الاقشـر  وافسـاده  وافسـادهوالحظيظ€اللي يصون لسانه  ويلقـى  خراجـه

وخير من بعض الوجيه فراش ولحاف و وسادهلو اصاحب هندي وسندي  واخاوي  لي  خواجه

الليـالـي    علمتـنـا    واكرمتـنـا     بالشـهـادهصحبة العاقل وسام وصحبة الجاهـل  سماجـه

[/QUOTE]

يفكه الموت ويخمّه

نسيت   يوم   الغلا   توّهطفلٍ ترعرع بحضن امّه.

يلعب     ودنياه      تلهوّهوالنوم  في  جيبه  وكمّه

وأيامه     اتمر     محلوّهويشرهه    خاله    وعمّه

وازداد  قوّه   على   قوّهوازداد  هِمّه  على   هِمّه

وازداد    وازداد    فعلوّهحتو  وصل  عالي  القمّه

زعيم  عن  ربعه   مفوّهيخصه    المدح     ويعمّه

كريم   ماينطفي    ضوّهشيخٍ  تسير  العرب  يمّه

سواة  برقٍ   سرى   نوّهيعطي من الجود  ماهمّه

وعدٍ    حباله    بلا    لوّهتارد  على  راهي   الجمّه

ودار الزمن وأختلف جوّهوجته   المقادير    ملتمّه

وسأه  زمانٍ  كثر   سؤّهولا عاد ابه سن في فمّه

شيّب  على  عز  ومروّهايفكه    الموت    ويخمّه

هذا    الغلا    بيننا    هوّهمن  يوم   ماخلفته   أمّه

قصيده أخرى

وآ  كبدي  اللّي  على   شوفتك   منفَطْرَهزايدظ€ماها      ..ويابستٍ      شراييني!!

**

حتى المطر يوم يمطر..  مالتفت  شَطْرَهلأنَّي  أن  شفت  برق  الغيث..  يضميني!!

**

أتخيَّلك    من    غلا    ..محبّه     ..وبَطْرَهواتذكَّر   أوصاف   خدَّك   يانظر   عيني!!

**

يامهجتي     فالحياه     الحلوه     العَطْرَهأنتي    هوايه    مدام     الله     محييني!!

**

وشعري وحرفي.. قبل يكتب على سَطْرَهمنقوش فالقلب باسمك..  مير  تَكْفَيني!!

**

ترى    حبيبك    يعيش     بحالةٍ     خَطْرَهوالموت  شعره  ..تبقَّت   ..بينه   وبيني!!

**

شاعرك ضميآن  من  شَطْرَه  ليا  شَطْرَهومن  المطر  ماروي  ..ياروحي  ارويني!!

**

من  ريقك  الحلو   يرويني..   ولو   قَطْرَهأعطيني من  العسل  قَطْرَِه  ..وتَكْفِيني!!

طقة العود للباب!!

البارحه   جات    القوافي    تطوّعوالليل في مبداه وسهيل  ما  غاب

وقلبي على وصل  الحبايب  مجوّعوالبعد سُقْم الروح والشوق جذاب

من  لوعة   الفرقا   ماغير   اتلوّعوالهم ماله عن هل العِشق مجناب

والقلب   مابين    الضلوع    يتزوّععليك ياللّي  صورتك  بين  الأهداب

وليلً    بدونك     ياحياتي     يروّعولا مثل  ترويّعه  يقع  راعة  الدآب

وليلً    يجيبك    خطوته     ماتتوّععسى اللقاء ماينقطع بين الأحباب

يا  طيب   ليل   العاشقين   متنوّعمصارحه/وعلوم/ومزوح/وعتاب

واليا قبضت الهاتف اجلس  واكوّعللّي  علومه  داخل  القلب  تنساب

بالخص  لا   سولف   وقام   يتموّعهذا بلايه!!وش بلا أبوك ياعقاب؟!!

ميعادنا    يالين    آذان     المطوّعوتوديعنا  مع  طقة  العود  للباب!!

( حسافة عاشق )

ولا يا مل  قلـــبًا  ذاب  صبــره  تحت  نار  الشوقكما  الغصـن  اليباس  اللّي  رمي  فالنار   واحياها

تحداه الزمان  وصار  من  بعد  الحيـــاء  محـروق حسافه يا لسنيـــن  اللّــي  مـــع  التغريد  قضّاها

حسافة عاشقاً كله ماســي من غــــلا معشـــوقرمت فيه  المحبّة  حدّ  خنجـــرها  وشلــفــــــاها

وحسافة عاشقًا فجدار قــلــبـــه للــغـرام شقوقما كنت  أظن  تحصـلــّه  لــكـــن  الوقت  سوّاها

ماكنت أظن قلبي  يخضع  لمخلوق  يا  مخــــلـوقلكن أنته رميــته  رميـــة  ً  ما  عــــاد  ينســــاها

سرقت أيامه الحلوه  وصار  مع  الأسف  مسروقياليـــت  الـــوقت  يـــرجع  والله  أنّك   ماتـحلاّها

بساتين السعد كانت ربيع أخضر..  مطر  ..وبـروقلكن  أجتاحها  إعصــــار  الغــــرام   وهدّ   مبناها

وينابيع الحنان أمست حجارً فـــوق  بعضه  فــوقيا ويـــل  الظــامي  اللّي  جف  ريقه  مابعد  جاها

هنيّك بالسمـــــاء لا واهنيــّـك يا  حمـــام  الطوقليا ضـــاقت بك الأرض الفسيحه طرت لا  أقصاها

تلاعبك الهبوب  وكل  طيرً  فالسمــاء  مــــرزوقوأنا  تلعبّـــي  ريــــاح   الــغـرام   وضعت   ويّاها

صبرت  وباح  صبري  وانتثر   فوق   الخدودالموقعيونًا  ما  بــــكت  للمــــوت  مير  الشوق  بكاها

شكيت الحال فـــوق اللـيل  والمسباح  والطاروقوقالوا  :  صـدق  من  دورّ  على   النكبات   يلقاها

البارحه    كثرة     الأشغالوالناس جوف  البلد  فوضه

وتعطّل   البرج    والأرسالما  برج  في  تالي  الموضه

وحسّيت غربه  وضيقة  بالوالوقت   خانتني   حظوضه

والهم     والغم     والغربالانقضّت   وجات   مقضوضه

وذكرتك  ودمع  عيني  سالغيثً   وبرقه   سرا   نوضه

وابا اتصل  والعطل  لا  زالوريّضت  يامطّول   الروضه

وفتّشت    جوالي     النقالرقم/ورساله/وملحوظه

وقالو   لي   العالم   العذالنصيحة   ً   جات   معروضه

امسح وشيل الأسم  بالحالواهيّه  من  العام  مفروضه

ومسحت رقمك وليلي طالأسمك من أسماء  مرفوضه

ماتنحفظ€داخل      الجوالفي داخل  القلب  محفوظه

[/QUOTE]

وقصيدة ...

مشتاق لك مشتـــاق لك والشوق  لا  زاد  اشتعلبين   الضلوع    يشب    ناره    والطعون    يحدّها

والقلب يســــكنه الرجاء والياس  ما  يلقى  محلننسى    الليـــال    الماضيه    والمقبلات    نعدّها

وعز الله أنّـــي مانسيتــك لو نسى النحل  العسلناس  ٍ  تخون  عهودها  (يا  لله  لا  ترحم  جدّها)!!

اذكـــــرك وأفــداك بقصيدي قول :(يفداك الخبل)مدّيت   لك   يمنـى   المحبه   وأنت   قلّي   شدّها

كل  القصــــــايد  من  ضميـري  لذكرتك  تستهلسحابة    ٍ    وأنت    الهبــــوب    تجيبها    وتردّها

احيان تمطر  من  رضاء  واحيان  تمطرمن  زعلأهمّ   شـي   اليا   ذكرتك   ممطــره   لا   بــــدّها

يا منيتي  يا  غايتي  يا  صــــورة  ً  طبــق  الأصلللنجمـــه   اللّي   فالسماء   خدّك   يشابه   خدّها

الحــــب يظهـــره الوفاء  لو  كان  يمنعه  الخجلوالكلـــمه   اللّي   قـلتها   وشلون    عاد    ارتدّها

أنا بدونــــك  فــي  حياتي  لو  أعيش..  بغير  أملجعل   الحيــــاه   اللّي   بدونك   ما   يثنّي    ودّها

عمر  العواصف  ما  تهدّ  أصغر  جبل  وأكبر  جبلمير   أنت   حبك   لو   دخل   كل   الجبال   يهدّها

كذوب ومنافق ..

ياصـاحـبـي     والله      مـــا      ننـتـوافـقوأنته  وأنا   ..ياعنـك   مانصلـح   اصحـاب!!

**

أنتـه   مـن    صغرتـك(كـذوب    ومنـافـق)وأنـا   لانـي   (منافـق   ولانـي    بكـذاب)!!

**

وش   لـون   تبغـى   فالحـيـاة   نتـرافـق؟!وأنت أنجس من الفار..وأخطر من الـداب!!

**

السّـم   مـن   بيـن    الـشـدوق    يتـدافـقواليا ضحكت.. نشوف ضرسك ورى الناب!!

**

وسوالفـك    مـثـل    الهـبـوب     اتصـافـقوأنشبـت  خلـق  الله..وفرّقـت   الأقـراب!!

**

ماغيـر     تلـفـق     فالسـوالـف     تـلافـقوذياب وش ودّا؟..وابو  زيـد  وش  جـاب؟!!

**

والألسنـه     تظـهـر     نـوايـا     الخـوافـقوالنـار   تالـع   مـن   شـراره   ومشهـاب!!

**

وأنا  علـى  نفسـي  مـن   الوقـت   شافـقوأحرص  على  خـوّة   عريبيـن   الأنسـاب!!

**

وأمَّا  أنت  يمّـا  عـن  علـوم   الـردى   فـقولا   بـلا   مطـرود    ..قـدامـك    الـبـاب!!

ماعاد تحلالي ..

ليا  صـرت  غالـي  لاتغـلا   علـى   مغليـكيموت  الغلا  لاأرخصت  مغليـك  يالغالـي!!

..

ولن صرت تزعل مانت لاقي عرب ترضيكترى لأنت الأول في  زمانـك  ولا  التالـي!!

..

تحسب  القلـوب  العاشقـه  لعبـةٍ   فيديـكوانـا   مالعبـي   غيـر    وقـتٍ    تهيـالـي!!

..

من اول  صحيح  يهمنـي  ذكـرك  وطاريـكوذا  الحين  نـادر  ماتذكـرك  فـي   بالـي!!

..

من  اموت  اجيك  ..واعيـش  يـوم   اجيـكوذا الحين لا والله  ترى  بعـدك  اشوالـي!!

..

من اول  احسبن  الحـلا  ماستـوى  الافيـكوذا الحين  حالي  ,,  مير  ماعاد  تحلالـي!!

..

مادام انت تعطيني جفا وش تريد  اعطيـكتحسبني ابا اعطيك  فـي  مـرك  الحالـي!!

..

ابا انساك وابا  احرق  قصيـد  كتبتـه  فيـكمثل مأنت محرقنـي  كـذا  يابعـد  حالـي!!

أحسبك تمزح ..

الجسم كله  جروحك  والدواء  بيدّكعالج  جروحك  أو  اتركها  بما   فيها

أرجوك  لا  تزيدها  خلك  على  حدّكمايكفي  اعمالك  اللي  بي   تسويّها

ماتدري أنّك ذبحت القلب من  صدّكواخذت  روحي  معك  وأنا   بطاريها

احسبك تمزح واثرك,اثرك من  جدّكذبحتني    بالمزوح    اللّي    تسميّها

زرعت فيك الوفاء لجل اجتني  ودّكلقيت  كل   المصايب   منك   لاقيها

حداني الحُب يمّك وأنت وش حدّك؟توّلع     النار      فيني      ماتطفيّها

هذي   حياتي   معك   يالعنبو   جدّكوالنار   ماتحرق   الا   رجل   واطيها

يمر  نور  القمر  ذكرى  على   خدّكواذكر  جروحي   من   أولها   لتاليها

وتصدّق أني  على  ماصار  ما  اردّكطبع    الليالي     تعلمني     بخافيها

اجرح/تكبر/ياحظ€الكبر   من   قدّكواذكر   جروحك    دخيلك    لاتخليّها

ايامك  اللّي   تعدّت   راجعه   ضدّكواللّي  رفع  سبع  والآخرى  موطيّها

لا  بد  به  يوم   تندم   فيه   لا   بدّكوتقول:عطني جروحك لجل أداويها!!

( الذيب والجني )

حبيبي  لا  توصّيني  على  حبُّك  تراه   أوكيهأناظ€نّي  علىظ€نّك  عسىظ€نّك  مثلظ€نّي

أحبك ليه؟مدري  ليه؟  أحبك  لا  تقولّي  ليهأخذ  قلبً  بصدري  وأساله  ويجاوبك   عنّي

ليا   منّك    سألته    قال    (يالبّيه    يالبيّه)ولن قلت الّه  ليه  تحبّني؟  وأخبرك..قابلنّي

هذا قلبي وهو قلبي وأنا اعرف كل شئً  فيهوحبُّك  قطعة  ً  منّه  وقلبي  قطعة  ً   منّي

لأنه لو حكى من صبح لين الصبح  ما  يكفيهولو   أنّه   يبىِ   يعلمّك   يالمملوح    علمنّي

ولو الصحْراء دفاتر والبحر حبر  القلم  يفنيهيسجّل   قصتك   ماتنتهي    ويصيح    ويغنّي

هلا باللّي عشقته عشق من رأسه ليا  رجليههلا باللّي  حمس  قلبي  بحبُّه  حمسة  البنّي

هلا باللّي يوصّيني  على  حبُّه  كثر  ما  أغليهكثر ماقول (أنا) أحبّك..كثر ماهو يقول (أنّي)

محبته   العزيزه   ماتحدّد   مير   هيه   وهيهلو أعطِ الذيب من حبّه شويه..صاحب الجنّي

وصار الذيب والجنّي على ماقيل قود  أوكيهوأنا  خايف   لا   أولف   بينها   هاثم   تأكلنّي

ما كنت أتوقع ..

ياحبيّبي     والله     ماكنت      اتوقّعإن  الهوى  قبل  الدجيما..ذبح   قيس

يالين    حبُّك    داخل    القلب    وقّعوتحرّكت   فالقلب   كل    الهواجيس

نغمات   قلبي..صوتها   قع   قع    قعأتقول..(دبك الخيل).. فسباق  فرّيس

أو  صوت  شون  الشايب  اللّي  تهقّعمضرم  على  الغليون..ويدوّر  الكيس

بغت    خلايا    المخ     عنده     تفقّعوبعد  لقي   كيفه..تعوّذ   من   أبليس

وجروح     قلبي     كارثه      ماترقّعوعلاجها  ابعد   من..بعيد   المراميس

وأنا  أشهد  إن   الحبُّ   بلّوى   واوقّعبالعشره..أبصم فوق بيض القراطيس

اثر    الهوى     سمً     ذحاحً     منقّعواكبر  ضحاياه  الدجيما  بعد   قيس!!

( الحب ملعون الثواء )

البارحه  قلبي  من  جروح   الليالي   منزويوهموم  قلبي  سارحه  وهموم  قلبي  ضاويه

وا  ونتي  ونّة   صويبً   فالخلا   ماله   خويوالليل موحش والذياب الشهب  حوله  عاويه

من لوعته  ماغير  يقنب  من  صوابه  ويعويلا  من  مجيب  ولا  منادي   فالديار   الخاويه

والبارحه  ليلي  سهرته  والهواجيس   سرويوبيني  وبين  الموت  ماقالوا  شعرة  معاويه

ياطول  ليل   البارحه   طولاه   عيّا   ينطوياقوم واجلس  وانتقل  من  زاويه  في  زاويه

واحظي   اللي   كل   ماقلت   يتعدل   يلّويواليا عضدته طاح من فوق الوطى  متساويه

في كل يوم اقول بكره  صبح  يمكن  يستويواثر  الامل   مفقود   وآمال   المولّع   غاويه

اطرد سراب القيض واقول آجد الماء وارتويتايه  بصحراءً  مابها   غير   الغصون   الذاويه

وقلبي ماهو بضعيف لين ينوشه الحب القويوالحب  سلطان  القلوب  وكل  نفسً  هاويه

الحُب  ملعون  الثواء  بالخُص  لا  حب  بدوييشيله  الحُب   للسماء   ويدردبه   فالهاويه!!

( الحب عذاب )

حبيبتي    للشْعر    تسعين     بابوأنا باقول  الشْعر  وأنتِ  أسمعي

وارقى بشعري على متن السحابلمعنى  الفرزدق  وبحر   الأصمعي

لا  فكر  وقّف  ولا  طاروق  شابمير  أسمعي  يابعد  عمري  وأعي

هاكِ  من   الشعر   مالذّا   وطابمن  هيض  مخلوق  فيك   مولّعي

الحُب  ودّا   كليب   اليا   الصعابوخلاّه     يقطع     رقبة     التُّبعي

يا..مهجة القلب,  يا..حمر  الرقابيا..يُذبح    الذيب    ولاّ    يشبعي!!

وقيس  الملوّح  وابن  غانم   ذيابشواهد    الحُب    ننعاهم    نعي!!

وأنا   بأقدّم   سؤالً    له    جوابسؤال    وإجابته    تسعى    سعي

قلبي معك ذاب..قولي كيف ذاب؟سواة    ماقلبكِ    ذائب     معي!!

قد قالوا  العاشقين  الحُب  عذابوأنا اعترف لك  واوقّع  باصبعي!!

( عشق بدوي ) ..

يابنت  حنـا   لاعشقنـا   عشقنـا   ماهـو   رشـاشلاصـار   ماهـو    وابـلٍ    ثجـاج    حرّمنـا    اللقـاء

لن كان مانروى  عشـق  والله  مايغرينـا  النقـاشنرحـل   وحنـا   ماتزعزعنـا    مراويـح    الشـقـاء

حنا  بدو  نعشق  على  وضـح  النقـاء  والاّ   بـلاشترى  البدو  مايعشقـون  الا  علـى  وضـح   النقـاء

يابنت  واحدنا  ليا  حاش  المراجـل   حاش..حـاشيابنت   واحدنـا   ليـا   منّـه   رقـاء   يعنـي   رقـاء

أن مات مات بعز  وأليا  عاش  فوق  العـز  عـاشراس  بـدويٍ  عـن  مقابلـة  الشدايـد   مـا   اتقـاء

يابنت  وجدي  وجد  رجـالٍ   توجـد   فـوق   مـاشواليا  هقاء  بالوجد  يهقـي  ميـر  كنّـه   مـا   هقـاء

يابنت ياللحم الطري اللي على  العظـم  النشـاششوفي  ملافيح  السمـوم  اللـي  بوجهـي  تحرقـاء

يابنت ماشفتي النعومـه  وش  تسـوّي  بالفـراش؟حتى على  انور  الكهارب  مات  والمـوت  امحقـاء

يابنت قلبي من غرامك من  زمـان  العـام  طـاشقلـب  بـدوي   ٍ   مايغيّـره   الـزمـان   ا   لأبـرقـاء

قلبي وأنا ادري به ليا منّه  عشق  يعشقـك  كـاشوأن ما ستقاء من غيث حبك ماتظ€امي ما استقاء

يابنـت  قولـي  (مرحبا)قلبـي   معاليقـه   عطـاشولأني  بـعيضه  كان  ماقلك  (يـدوم  الـك  البقـاء)

(ضرس العقل ) ...

اه من ضرس العقل فيه شر وفيه سوسشق   راسي   وامتحنّي   وصملت   اخلعه

ماهتنى  بالنوم  راسي  ولو  عيني  تهوسوالسبب ضرس العقل..ياعسى الله يقلعه

وأشهد   أن   العافيه   نشتريها   بالفلوس(والسعه  لابارك  الله  فالضرس  السعه)

رحت  مستشفى(......)وقالوا  فيه  موسوفيه     زراديةً     كل     خافي     تطلعه

قلت   اخافوا   ربكم   يامعذّبة    النفوسيالطبيب ايش الكلام الذي منك اسمعه؟!!

قال:روح للسستر ورحت للبنت  العروسويوم شفت المترفه طاب ضرسي ووجعه

ماحلاها   هانم(ن)شغلها   قلع   الضروساقلعة ضرس العقل واقلعة عقلي  معه!!!

ترى ملوك الشعْر ..(مستور وحبيّب)=وترى هل الشعر دايم (ربعي عتيبه)!!

يامحمد  أزعلت  ابو  مشعاب  وحبيّبشاعر  سليم  الكبير..وشاعر  عتيبه!!

اللي   ليا   غنّوا    الطاروق    ماشيّبمعنى      ..وفكره..وقافيّه..وترّكيبه!!

بغيابهم   كنْ   معنى   الشعْر   متغيّبوبوجودهم يرجع المعنى  من  الغيبه!!

معناهم    اليا    ابعدوه..يعوّد    قريّبواليا اقربوه  ابتعد..  ما  واحد  يجيبه!!

كم  واحداً   لا   قربهم   صار   متهيّبترعد   كفوفه..ولا   تثبت    عراقيبه!!

يوم  ان  وضع  الشعْر  ماهو  بمتسيّبوهالحين  كلاً  يفتل   رؤس   أشانيبه!!

اللي  ماهو  ذيب..صار  اليوم   متذيّبويرتاع  لا  مرّ  بالنير   ..وذكر   ذيبه!!

شاعر  ليا  قام  في   ماقفه   ماخيّبواللي  يخيّب  لو   أنه   قام..والخيبه!!

الطيب  تلقاه  عند   الصاحب   الطيّبطيبً بقلبه.. وباقي الطيب في جيبه!!

و(الفكره البكر)..غير  (الفكره  الثيّب)قدام     لا     نشوف(غسان)وتلابيبه!!

ترى ملوك الشعْر  ..(مستور  وحبيّب)وترى هل الشعر دايم (ربعي  عتيبه)!!

المشاركة الأصلية كتبت بواسطة عيضه الثبيتي

قصيدة تشرّفت بإلقاها في حفل زواج ابناء الشيخ

فهد بن سعد الثبيتي


:
:
:
:

ضاق الفضاء والخاطر الولهان ضاق=والليل في تاليه وسهيل أتقا!!
والعين طاولها السهر مُر المذاق=والنوم أنا ويّاه ما حنّا أصدقا!!
والحظ عيّا لايقاد ولايساق=والحمل كبر الضلع..يا حمل الشقا!!
ياكثر مابي من محبّه وإشتياق=مير الزمان اللّي حداني لا سقا!!
ماني مغنّي فالمزاين والنياق=والبشت الأسود والشماغ الأبرقا!!
أهل المجامل والمهايط والنفاق=واللّي لقا له شي واللي ما لقا!!
بيني وبين الصدق عُشره وإتفاق=ويامرحبا عمّة يدوم الك البقا!!
والبارق اللّي كنت أحسب أنّه حقاق=صدّت مزونه شرق والقيظ أمحقا!!
يامهجتي وأنا عليّه بالطلاق=أنّي بغيت أموت مير الله وقا!!
طال الفراق اللّي همومه ماتطاق=واللّي توضّح لي على وضح النقا!!
:=:
:=:
:=:
أُمّا اللقاء اللّي يبري جروح الفراق=وألاّ الفراق اللّي ما من عقبه لقا!!

:
:
:
:

اللي من اول مايعرف البشت

شارع شهار

رسالة شعر

:
:
:

قصيده متواضعه مسندها لأخي /معدّي المرقاب الذي لاعرف منه ألاّ لقبه فقط(معدّي المرقاب)



.

.

.

.

.

.

:

:

:

:

:


عيضه بن معيوض الثبيتي

/

/
/

[قصيده مهدآه إلى أخي الشاعر /مهلّي بن عاصي الغنامي]

ودّي   بقوم   المزاين   لجل   أغنّي   فيهامير  راحوا   عند   شعّار   النبط   قدّامي

ما  بقي  في   نجد   وبالٍ   يسوق   نياقهغير   عنده   شاعرين/ومنشدٍ    /وإعلامي

يمدحون   وينشدون   ويظبطون    الخطّهوالقناه   تبث   والتّصوير   شغله    حامي

ياولد      قشعان/يافنجال/يابن       حجنهيالطهيمي/ياولد       عبّود       /يالفصّامي

ابشروا   حصّلت   منّقيه   ماحد    يعرفهافي طرف كشب الموالي جنب حيدٍ زامي

وضح  يوم  تشوفها   وأنته   عليها   مقبلكن   قدامك   عماير    زيّنت    برخامي!!

وكنّ  وقفتها  جيوب  وقوف   في   تويوتاما  بعد  حطّوا  لها  اللوحات  والأرقامي!!

والرقاب   الجرد   سبحان   الذي   سوّاهاكن   داخلها   مواصير   ٍ   بدون    لحامي

فاهقاتظ€هروها   ومن   الشحم    مليانهوالغوارب  ناسعه  والرؤس  ما   تنظامي

من   غلاها   مانزلت    للماقفه    مجلوبهولا   يمّر   ولا   يدوّج    حولها    السوّامي

مقتنيها   اللي   عليها   ما    بخل    بريالهولا   عليها   شح   مهما   شحّت   الأيّامي

وان  نشتدوني  ياقوم  البل   عن   راعيهاما   ملكها   ألاّ   مهلّي   عاصي   الغنّامي

:

:

:

:

:

أخوكم /عيضه الثبيتي

[/quote]

قصيدة تجاوزت الحدود الحمراء...





وأتت هكذا..

الله  على  اللّي  وراها   مثل/شط   الحواراللّي   غذاه   الطهيمي   /لينظ€لاّ    يميح!!

اليا  اقتفاها  الهوى/  خطرًا   يطق   الزراروخطرًا على ال......؟/ من التضايق يطيح!!

تمشي  ماتدري  تروح   يمين/   وألاّ   يساركل  الإشارات  تشر/   للطريق   الصحيح!!

لوشافها  أكبر  مطوّع   يوم   طبّت   شهارليصيح   ويونّ/   والشارع   يون    ويصيح!!

بنت   الأكابر   وأهلها   رؤس   قومٍ    كبارماتركب  ألاّ  على  آخر  ماركات  الجميح!!

سواقها   مثل    غدراء    الليل/وهْيه    نهاروأطيابها   ماتبي   ياكود    نسناس    ريح!!

فيها  دليل  أن  أبوها   من   شيوخ   العقارردوفها  ضاق  منها   الباب/وهوه   فسيح!!

والخصر  لا   من   تمايل/وأنثنى   /وأستدارأتقول:أبوها  البخيل  اللّي   عليها   شحيح!!

من   ملحها/تختصر   ملح   الحلا   بإختصاركأن    ماغيرها..فوق    البسيطه    مليح!!

راحت  عيون  البشر   فيها   تقادح   شراروأنا   فوادي   عليها   قام   يقدح    قديح!!

ولّعني   بليس    فيها    لين    ولّعت    ناريابليس لن  ماذبحتك  ..ماعرفت  أستريح!!

شاعر المعنى

يالهاجري    يالسناني    يالزلامي     رشيدزيدوا   كراسي    ثنين    وماصةً    ثانيه!!

وجيبوا    مطّوع/ودكتورًا    علاجه     مفيدوتجمّلوا     والدواء      خلّوه      مجانيه!!

واستفزعوا  مصلح  وملفي  وتركي   وزيدوالعازمي   /وابن   ريفه/وابن    عتقانيه!!

يعلّمون      المجنن      بالكلام       الأكيدالشعر     ماهوب      يادانه      /ويادانيه!!

واللّي  مايفهم  لعلّه   عند   خضر   الجريدحتى   جنوبه   تصير   أشكال    وألوانيه!!

ثلثين   من   مرّكم    مايوثقه    كل    قيدوالثلث   الآخر    لهم    حجّه    وبرهانيه!!

والشاعر  المعتبر  لو   كان   وجهه   جديديسلم   لسانه   عدد    مادارت    الثانيه!!

والشاعر  اللّي  ما  عنده  غير  كثر  الهبيدما   أبتعذّر   منه    لو    كنت    غلطانيه!!

ولا    تلحقوني    ملامه    والملامه    بعيدلو ما الحياء  ..كان  قلت  فلان  وفلانيه!!

ياللجنة   الشعر/جوكم    مبتلين    القصيدكلاً   معه   تسعه    وتسعين    شيطانيه!!

أغراهم  المال   والشهرة   وحب   النشيدوجاتك  على   المكرفون/تجر   الألحانيه!!

وقوفهم   قًدمكم   /فعيونهم    يوم    عيدواشعارهم       دانيه/ووجيهم        دانيه!!

من أمس مالي يكود أضحك وصبري شديدأضحك لو أنّّي من  اللّي  شفت  زعلانيه!!

ماكنّي    الاّ    متابع     مسرحية     صعيدأتضّحك    اللّي    من    الأيام    زهقانيه!!

والمشكله لا أقبل الصيف وحصل ما  نريدوتناخوا   أعيال   بقعاء   نخوة    أخوانيه!!

وتطامروا فالملاعب طمر.. من  كل  حيدلو  كان  قدم  العصيمي   وابن   جدلانيه!!

وممّا  تشوف  العيون  من  الزمان  العنيدأشوف   مالا   تشوفه   بعض   الأعيانيه!!

مايندر     ألاّ      النشاما/والمهبل      تزيدفالعالم       الباقيه/والعالم        الفانيه!!

ومسابقة  (شاعر  المعنى)  الدليل  الأكيدواللي  مكذّب  يشوف   النسخه   الثانيه!!

يابن سعيّد وقــّفت بي على الموت

يابن  سعيّد   وقــّفت   بي   على   الموتماهي     بتوقيفة      رشيد      الزلامي!!

البحر    فه     الّدُّر     واللؤل     والحوتوالمقبره     فيها     رميم      العظامي!!

هذي    ثلاث     سنين     والقبر     تابوتامكفنً      فيه      الهوى      والغرامي!!

لكن    جرّ    الصوت    ياطيّب     الصوتواقنب  قنيب   الذيب   واسمع   كلامي!!

قافٍ   من    جبال    السروات    منحوتطرى    عليّه    قبل    وقت    المنامي!!

وأسندت   يمك    بالعدد    عشرة    بيوتتاصلك   قبل   النور    يجلى    الظلامي!!

الشوق    يحداني    على     جوّ     بيروتوأنا     على     بيروت      جيعانظ€امي!!

لكن    فات    الصيف     ..لعلّه     يفوتوأنا     مع     التهمان     كنّي     تهامي!!

ول    يابلآد    الخوخ    /والتين/    والتوتالدرب   شام/   وبارق    الخير    شامي!!

فكّر   بها    ثم    أعطني    علم    مثبوتوأسلم     وسلّم     يارفيع      المقامي!!

وسلّم على /الشاطئ /وسلّم على /الموتوسلّم  على/  الشاعر   رشيد   الزلامي!!

[align=center]



مساكم شعر..



نصيحه لعلها تروق لكم..



:

:

الكامل    الله     لا     تحسّبك     كامليابن  آدم  أسمعني  ..سعادة  فخامتك!!

روح أعرض أخلاقك على ..فحص شاملوإن شانت أخلاقك..مافادت  وسامتك!!

دنياك    من    كثر    المقادير     حاملوقبل شديدك/ شوف وش لون إقامتك؟

لا    تخلفك    يابن    الحلال     العواملوأحفظ€حقوق الناس/ تحفظْ كرامتك!!

والناس    ماتبغى    منك    يوم    تاملألاّ    سلامك    ياجودي/    وابتسامتك!!

ولو     أن     مابين     الأوادم     تكامليمكن  على  رأسك  ماتلزم   عمامتك!!

وزامل  لكن  أعرف   بعد   من   تزاملوأعرف  صديقك  كان  الأيام  ضامتك!!

ياصاحبي:     بقعاء     مافيها     فراملوفيها     اختباراتٍ     تبيّن     علامتك!!

خلّك  على   كسب   النواميس   صاملوالطول فاليمنى/ ماهو  طول  قامتك!!

واليا    غدت    كفّك     مزونٍ     تهاملتشوف    فعيون    النشاما    زعامتك!!

وسوق  الوفاء  للناس   سوق   الزواملويبين  قدرك/  عند   عارف   شهامتك!!

والناس      جاملها      /ولو      بالأناملألاّ  على  الحق   /لا   تجامل   بكلمتك!!

من  أول   أكبر   عيب   كان   المجاملواليوم لو  ما  اتجامل  الناس..  لامتك!!

أضحك/وجامل/وأحسنْ    من    التعاملوخلّك   مسالم   فالحياه//   وسلامتك!!

:

:

:

محبّكم/

عيضه الثبيتي







سلام عليكم



أسعد الله صباحكم..





تقبلوا هذه الأبيات..

الله   من   قلب   ٍ   تجدّد   حسافتهمن يوم  ما  بعض  الهواجس  حافته

وقت   ً   يصارعنا    وحنّا    نصارعهمدري     يعافتنا      وحنّا      نعافته

مير   الأكيد    إن    الزمان    متغيّروقت  ً  على  العقّال   يامكبر   أفته

الزور     صارت     كلمته     جاهريّهوالحق  صارت  كلمته   شبه   خافته

ولو الخطاء ينشاف في شدّة الضحىما   كنّها   عيون   المخاليق   شافته

تلقى   مع   المخطي    عبادًا    تدفّههذا    يصفق    له     وهذا     يخافته

مسافة  الشّر  فآخر  الوقت   قرّبتوالخير  بين  الناس  طالت  مسافته

ما  كن  فقلوب  البشر   خيفة   اللهلا  قلّل  الله  جوف   قلبي   مخافته

الطيّب    أحبّه    ولا    أمل    رفقتهوألاّ الضعيف أشد  ما  أكره  ضعافته

جرّبت   فالأيام    والوقت    مدرسهوعرفت  بإن  الرفق   عزّه   نظافته

كم   واحدًا   كلمة   نعم    ماتطوفهوكم  واحدًا  حتى  الفناجيل   طافته

وكم صاحبً يضحك ويظهر  بشاشتهوالنكت الأسود  داخل  القلب  كافته

ليت  الرخوم  وسومها   في   وجيّهاويكتب  على  بيوت  المهابيل   لافته

حتى   ليا   جات    الطراقي    تزلّهاوالنفس  لا  عافت  لها  شي  عافته

أخوكم/

عيضه الثبيتي

12/4/1432هـ

اللهم صلّي وسلم على رسول الله



إليكم عشاق حرفي:-



رسالة تتحدّث عن نفسها



/

/

ياحبّي    اللّي     محبّتكِ     بليّا     حدودلاماك  جنّه  وبُعدك  عن  عيوني   جحيم

لا  جيت  يمَّك  كأن  الدرب   كله   ورودولا أقفيت ما كنّي أطا غير شوك الهشيم

ياصبر قُل للهوى:كم هزّ  شجرة  وعود؟عسى  الإجابه  تصبّرني   وأنا   مستظيم

الحظ€دربه  عوج  /ووجيه   الأيام   سودمتى على الله تنوّر  ..والعوج  يستقيم؟!

ياجعل   يوم   الفراق   وساعته   ماتعودويكرمني  الله   بميصالك   وربّي   كريم

عليّه   أجود   في   حُبّك   وقلبي    يجودجود المطر يوم تقبل  به  هبوب  النسيم

وعليك  تشريع  قلبك  كل  ما  هب   نودوتستقبلين  المحبّه  كل  ما   صب   ديم

أقبلت  كلّي  وفاء/وأقفيت   كلّي   عهودولا زلت باقي على العهد  القديم  القديم

ماينقص  العمر  ساعه/غير   حُبّك   يزودوأخر  دقيقه  بعمري  حبّك  يصير  تيم!!

أقل  ما  أقول  عن  حُبٍّ  وجوده   وجودماهو   بالأعظم/لكنّه   فالحقيقه   عظيم

لو  أن  حُبّي  يحوّل  في   قلوب   الهنودماكان يلقون  هندي  في  بلادي  مقيم!!

ولو  ان  حُبّي  يحوّل  في  قلوب  الزيودلتجنّب القات وتعشق الطريق  السليم!!

ولو  ان  حُبّي  يحوّل  في  قلوب   اليهودماكان  في  غزّه  تشوفين  دمعة  يتيم!!

وسلامتكم



محبكم/عيضه الثبيتي

29/12/1423



مساكم شعر..



جديدة عسى أن تروق لكم وتشفع غيابي يالغالين

/

/

/

هموم صدري جوف  صدري  تعاوتعوي  الذياب/وعوي  طفلاً   مدلّل!!

وجروح  قلبي  مبطيه   ما   تشاوتوالهمّ   مابين    الضلوع    متسلّل!!

والرحله اللّي لأشهب الوقت  خاوتطالت    وعيّت    بالنجاح    أتكلّل!!

ياكثر    مانفسي    تمنّت     وهاوتوأصبر  على  مابي..وأكبّر   وأهلّل!!

يلذع   بقلبي   مثل   لذع    الكتاوتفي موتر ٍ من سوق صنعاء  مفلّل!!

عليَّهظ€روف      الليالي      تقاوتوحلّلتها     لكن      عيّت      تحلّل!!

الناس       وحده/والحظوظ€أتفاوتوالله يعين  أهل  الحظوظ€المعلّل!!

والموت   والدنيا   لا   منَها   تساوتموت   الكرام/ولا   حياة    المذلّل!!

فالهاويه    ياما     الأماني     تهاوتوالحظ€منه/من   الزمان   متملّل!!

لن شت لي ضربة جزاء طلعت أوتولن جبت قول..يصير قولي تسلّل!!

م

ح

ب

ك

م

عيضه الثبيتي

مساكم شعر..

قصيدة القيتها في حفل دعم وتكريم شاعرنا/علي بن فلاح العضياني بمناسبة تأهله في مسابقة شاعر المعنى..بحضور الشيخ/صنيتان الظيط..

:
:

يا  هاجسي  بسم  الله  الرحمنحضّر معي ثم  أعسف  القيفان

دوّر من أجزال  البيوت  أسمنهاوالك  عليّ  أن  العلوم   أسمان

عزيمة   العضيان   ما    ننساهاباليوم      والتاريخ      والعنوان

ومع  كثرة  الأشغال   مايعذرنيحتى  لو  ألقى  لي  عذر  مليان

واجب  خويً  مع   خويّه   ياقفناقف  مثل  ما  تاقف  الضلعان

علي   فلاح   الشاعر    المتميّزفي  واجبه  ناقف  كما  الاخوان

الشعر  من  عنده  وصح  لسانهوالدعم  من  ربعً  طوال  أيمان

عتيبه   الهيلا   ليا   صحت   الهاقالوا  سوا  بسم  الله   الرحمن

وبسم ثبيت أهل الوفاء والطالهلمرجحين    الوزن     والميزان

سلام    رديّه    عريبة    منسبواسم   الثبيتي   فوقها    برهان

تدور    للحضار     دور     الدلّهاليا   أستدارت   دلّة    الرسلان

وفنجالها    الأول    بليا    قاصرينساق  لك   يالظيط   ياصنيتان

والدول من يمناك يمشي يمشيللّي  حضر  من  ساير   العربان

ياصل سلامي كل من  يسمعنيلأهل المحل/ والرّبع/  والضيفان

ويثنى لك  الفنجال  يابن  محمّدلأنّك  ليا  جات  اللزوم   حصان

تاريخك   وتاريخ   أبوك    وجدّكوتاريخ  أهل  عمهوج  والعضيان

علمً    يشرفني     ليا     عدّيتهوعلمً   يشرّف   ربعي   العتبان

لو  ننشد  الاتراك  عن  وقفتكمرمت  طواقيها  وقالت   وأن؟!

يقلون  فاسطنبول  تنشد  عنكمتبى   تشاهد   سيفكم    شامان

كنه  مروّعهم   على   ماسمعواممّا حصل  في  ساحة  الميدان

وتبى   تنشّد   عن   عدد   موتهاوتأخذ  عبر   ودروس   بالمجان

وألا  القضاء   ياعنك   مايمديهممادامت  ابن  سعود   فالأوطان

حكامنا    وأعزّ    من     يحكمناأهل  الكرم  والجود   والإحسان

مليكنا      عبدالله      وعبداللهمع  طالة  يمينه   وسيع   بطان

يعيش  ابو  متعب  زعيم   الأمهويالله  تحفظه  ياعظيم  الشان

ويرجع  لنا  سالم  معافا  طيّبويكون عيدًا  من  قبل  ما  كان

هذاه  أبو  متعب  ملكنا   الغالياللّي  عضوده   نايف   وسلطان

عيال    عودًا    ياعساه    الجنهملوكنا    لا    عدّوا     الشجعان

وختامها   على    محمد    صلّواوالشكر    والتقدير    والعرفان

/
/
أخوكم/
عيضه الثبيتي

إليكم عشاق حرفي

بدون مقدمات

حمامة  أشعاري  على  البعد   ناحتكعلى  ضلوع  ٍ  مثل  لَدن  الغصوني!!

وحروف شعري  يوم  قفّيت  صاحتكصيحة  صويبٍ  ذاق  حرّ   الطعوني!!

أنا  أشهد  أن  القلب   كلّه   مساحتكولا  ضاقبك  قلبي/ولو  ضاق  كوني!!

ياما    معاذير    السماح     أستباحتكهوّنتها      لكن      عيّت       تهوني!!

أرجع   لتفكيرك    /وراجع    رجاحتكحتى  جنونك   يستوي   مع   جنوني!!

و كان الهبوب  لطاري  البعد  ماحتكوعيّت  ضعونك  لا   تلايم   ضعوني!!

أقرب..وأبي أسولف معك قبل راحتكوأسْمعْ   لاهنْت/وخاطري   مايهوني!!

خلّك  على  خبري  طليقه   فصاحتكأمون  فوقك  وأنت   مثلي   تموني!!

بأصارحك   وأسمع   كذلك   صراحتكماهو  صحيح..أبي  بشر   ما   يبوني!!

و مدام همّي في  هذا  الوقت  راحتكباريّحك     كانك      تريِّح      بدوني!!

وتعال أبا اكتب لك على  كف  راحتكبيت  ٍ  يخلّد   لي/   ويشفي   غبوني!!

ماتذبحك  من  قمّة   طويق   طاحتكتذبحك  والله  طاحتك  من   عيوني!!

أخوكم/عيضه الثبيتي

مساكم شعر...



قصيده عن غلا الحلال والشعير..



يقوووووووووول:-

طبّيت  سوق  الماقفه  والهوى  صلْفوأهل الغنم مع غيبة الشمس صلفين!!

صدورهم    تقول    مبلوفة    ً    بلْفوالمشترى     بيمين/والبيع     بيمين!!

أتدوّخك   من   كثر   الأيمان   والحلْفوسعر الشعير مزوّد  الصاع  صاعين!!

تقول:وين   الربح   مع   كثرة   العلْفوعمّالها/والأدويه/ربحنا            وين؟؟

ندلف  لها  ياللّي  تبون  الشحم   دلّفوأكثر  حوايجنا  من  السوق   بالدين!!

بعنا  بهمها   والجَنَب   حشمة   الخلْفونمسك سرى  خلف  التريله  نهارين!!

والذيب  كم  يطمر  علانا  من  الخلْفوالكلب   ماينبح   عيال    السراحين!!

هذي  سوالفهم  من  الياء   ليا   الألْفوعلومنا   حنّا   تبى   تجيك   ذاالحين!!

حنّا  من  الكرمه   قبل   ضيفنا   يلْفنحوف  كل   السوق   وندوّر   الزين!!

فلوسنا      فجيوبنا      مالها      ولْفمأتالف    ألاّ    عند    قنّاية    الظين!!

وفالماقف المحرج  وفالماقف  الكلْفنشرْ  الذبيحه  لو  يقولون  بـ   ألفين!!

ومن  يغلي   الأسعار   عساه   بالتلْفدعوه  من   المستهلكين   المساكين!!

مادام  ياعمّي  تبيع   الطلي   بـ   ألفخلّك عساك تشيل  كيسك  بخمسين!!

أخوكم /عيضه الثبيتي

7/1/1432هـ



قصيدة تشرفت بإلقاها في إحتفالية زواج أبناء الشيخ/منصور بن عبود الثبيتي

الشاب /راضي بن منصور والشاب سفر بن منصور

يوم الاربعاء الموافق25/12/1430هـ

مافيه عن دعوة هل الطيب  مجناببالخص لا  جت  من  رفيق  ٍ  موالي

نرمي مشاغلنا  الكثيرة  ورى  البابونلغي   مواعيد   ٍ   عراضٍ    طوالي

تقدير/وإجلال   لبني   عمّ   وأصحابأحضر  واشارك  مع  كرام  السبالي

وأن دق هاجوسي من الشعر  هندابأنظم   بيوت   الشعر   ممّا   طرالي

واليا طلبتوني من  الشعر  ما  طابما أطيب من الشعر بزحول الرجالي

ومدحة هل الطآله  عريبين  الأنسابأهل  الكرم  والجود  في  كل   حالي

جيران  وأخوان  وبني  عم   وأقرابكسّابة    الناموس    فأول     وتالي

الآد   راضي    موفية    كل    طلاّبأتشيل   ما   شالتظ€هور    الجمالي

أهل   هلا    ومقدّمة    كل    ترحابوالضيف   يقلط   عندهم    فالعلالي

فوق الشحم والطيب والجمر  شبّابوالكيف  الأشقر  من  حلوق  الدلالي

أهل  وفاء   وسلوم   وعلوم   وآدابوأعد     مايملي     علي     المجالي

عقب السنه شهرين قانون  وحسابسنّوه     للعتبان      هاك      الليالي

ومشوا على ماقالوا  الناس  الأجنابحيث  الطلب  غالي   وراعيه   غالي

دخيلهم لو  هي  على  قطع  الأرقابمايشتكي   حتى    الصبا    والعوالي

واليا حصل  فزعه  وميقاف  غصّابصفوفهم   ترسي    سواة    الجبالي

من عزوة  ٍ  لاقيل  منهم  ؟للأعرابأتقول (حرف الثاء)  تحل  السؤالي!!

الاد    ثابت    قبل    عتبه     وعتّابمرجع    عتيبه    محتمين     التوالي

قادة  عرب  وقضاه   حلاّلة   أنشابوأهل النسب والشجره  أم  الظلالي

و وقت الفعول أن كشّر الناب للنابقولوا   لمن   هو    رامهم    هملالي

لو  الجبل  رجّال   لا   شافنا   ذاب!!ولو  البحر  يدري  بنا  صار   حالي!!

عدونا   نسقيه    سمً    من    الدابوخوينا     يشرب     قراحً      زلالي

أمدح بني عمّي واللي  حق  الأعجابومن  لامدح   ربعه   عسى   مايلالي

وأكبر  فخر   لثبيت   حاضر   وغيابأنه   ربى   معهم   حميد    الخصالي

وصلّى الله وسلّم على زاك الانسابمعّرب    الجدّ    وعريب     الخوالي

عيضه الثبيتي

ديوان الشاعر المبدع / عيضه بن معيوض بن دبيان الثبيتي ..

التوقيع

للتواصل عبر twitter تويتر al_bargawy@

[@ـايل]

عيضه الثبيتي .. اسم لامع في سماء النجوميه ..

صح لسانه على هذه القصائد الجزله ..ولاهنت يامحمد على المجهود الطيب..

سجّلوا اعجابي ..

..

[خلف الروقي]

اخوي محمد لاهنت

مشكورمشكور
مشكورمشكورمشكور
مشكورمشكورمشكورمشكور
مشكورمشكورمشكورمشكورمشكور
مشكورمشكورمشكورمشكورمشكورمشكور
مشكورمشكورمشكورمشكورمشكورمشكورمشكور
مشكورمشكورمشكورمشكورمشكورمشكورمشكورمشكور
مشكورمشكورمشكورمشكورمشكورمشكورمشكورمشكورمشكور
مشكورمشكورمشكورمشكورمشكورمشكورمشكورمشكورمشكورمشكور
مشكورمشكورمشكورمشكورمشكورمشكورمشكورمشكورمشكور
مشكورمشكورمشكورمشكورمشكورمشكورمشكورمشكور
مشكورمشكورمشكورمشكورمشكورمشكورمشكور
مشكورمشكورمشكورمشكورمشكورمشكور
مشكورمشكورمشكورمشكورمشكور
مشكورمشكورمشكورمشكور
مشكورمشكورمشكور
مشكورمشكور


دمت بود

[الاصمعي]

فعلا عيضه الثبيتي اسم يعد من كبار الشعراء
لم اتوقع أن اجد له ديوان مقروء ولكن الحمدلله خاب ظني
محمد العتيبي شكرا جزيلا على المجهود الرائع

[فايز بن سرحان الثبيتي]

الله يبيض وجهك يامحمد العتيبي



على الجهد الجبار الذي قمت به في جمع هذا الديوان



والشاعر \ عيضه الثبيتي

نجم لامع في ساحة المحاورة والنظم وقادم بقوة

نسأل الله له التوفيق والسداد



تحيتي لكـ

التوقيع

إذا شئت أن تحيا  سليما  من  الأذىوحظك   موفور    وعرضك    صين لسانك  لا  تذكر  به  عورة   امرىءفكلك    عورات    وللناس    السن وعينك   إن    أبدت    إليك    معايبافصنهاوقل  يا  عين   للناس   أعين وعاشر بمعروف وسامح من اعتدىوفارق  ولكن   بالتى   هى   أحسن

[أبو مرحبا]

عيضه الثبيتي

ماذا عساني ان اقول في هذا الشاعر الفذّ فعلا


بلا مجامله ولا تأخذني به حميّة الزمالة أو الصداقه ولكن هو شاعر عملته صعبه


مشكور يامحمد على هذا الديوان ونتمنى من أبو فيصل يكمل الديوان بجديده


فنحن بانتظاره

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[عيضه الثبيتي]

الله يبيض وجهك


يابن مغيرق



وجهد تشكر عليه





تحياتي وتقديري

التوقيع

البارحه   كان   اللقاء   مابينا   كله    حلواحلا من السكر وكلّك يابعد  عمري  حلا!! من يوم ماقلتي ياروحي يابعد عمري:(الو)وأنا  بخير  وعافيه  قدام  لا  اقلّك   :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[ابورازن فالمريخ]

الله يبيض وجهك يامحمد العتيبي



على الجهد الجبار الذي قمت به في جمع هذا الديوان



والشاعر \ عيضه الثبيتي

نجم لامع في ساحة المحاورة والنظم وقادم بقوة

نسأل الله له التوفيق والسداد



تحيتي لكـ

[خالد بن مورق]

ونعم في الثبيتي قصائد جزله

[ناصر حامد الثبيتي]

ابو فيصل شاعر متميز ومبدع يستحق كل الاشادة وكل التقدير صح لسانه .
والله يوفقه بمسيرته الشعريه ويتواصل عطاءه وتميزه . وشكرا كل الشكر يامحمد العتيبي .

آخر تعديل ناصر حامد الثبيتي يوم 06-Dec-2009 في 07:33 PM.