يا راكب اللي ......... قصيده الى مزيد عدال القاضي

[علي فلاح العضياني]

السلام عليكم ورحمة الله وبركاته


هذه قصيدة موجهها للشاعر الكبير مزيد بن عدال الثعلي

يا راكب اللي سـاع دقّـوا سوشتـه=مشري من المعرض و طبلونه أصفار
يفـزّ لامنّـك علـى طـول نشتـه=يبعدك عن دار و يقرّبـك مـن دار
إليـا شريتـه بالثمـن مـا كرشتـه=فكسار لا قالوا لـك النـاس فكسـار
يا سايقه ما هـي سياحـه و كشتـه=قافيك مشوارٍ ما هـوب أيّ مشـوار
يا زين مغباشك إليـا مـن غبشتـه=قبل صلاة الصبح و الطير مـا طـار
و منصاك في مطراشك اللي طرشتـه=مزيد عدال مكرّم الضيـف والجـار
ماريّتـه تلقـاه واقــف إبّشـتـه=في بيته يرحـب ليـا جـوه خطّـار
ياما بـدمّ الحيـل خضّـب إنمشتـه=ذبّـاح حيـلٍ فالهـا بـنّ و بهـار
قلّه علـي سـود الليالـي إدهشتـه=فوقه همومه كبر سلمـى و سنجـار
بانيابهـا سـود الليالـي إنهشـتـه=و دقّت على كبـده ثلاثيـن مسمـار
تدري وش أقشر يوم فالعمر عشته ؟=فرقـا وليـفٍ لـه معـزّه و مقـدار
غـروٍ بلشنـي بالهـوى وابتلشتـه=ركى على قلبي مثـل واهـج النـار
رمشه إليا منّ النواعـس إرمشتـه=يطرق يالله العجـب فـوق الاحجـار
والكفّ مـن حنّـا يديهـا إنقشتـه=و الوجه نوره فايـقٍ كـل الانـوار
جرحي إليـا منّـه تعافـى إنبشتـه=لا يمكن انساها و لو صار ما صـار
اللـي وحشنـي بالفـراق اوّحشتـه=منه و عنه ما جاني علوم و أخبـار
نـذرٍ ليـا جانـي طريقـه فرشتـه=لعيونه أفرش سكّتـه ورد و ازهـار

التوقيع

(( رأس الحكمه مخافة الله ))

[بندر المرشدي]

ماريّتـه تلقـاه واقــف إبّشـتـه
في بيته يرحـب ليـا جـوه خطّـار




الله...الله


الرجل الممدوح يستاااااهل المدح


وانت شاعر جزل... والغزل لا تعليق لي...


صح لساااااااانكـــ

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[سلطان الجـذع]

المتألق دائما / علي فلاح


في كل حضور لك تقدم مايثبت علوك شعراً
...

والكفّ مـن حنّـا يديهـا إنقشتـه
و الوجه نوره فايـقٍ كـل الانـوار

هذا البيت يؤكد ذلك ..
وقبله :

يا سايقه ما هـي سياحـه و كشتـه
قافيك مشوارٍ ما هـوب أيّ مشـوار

اثق تمام الثقه


انك لو اردت ان تجعل من الشعر قنابل لها توقيت الغضب / وحدائق من عنب .. لفعلت ذلك !
فهذا التناقض لايستطيعه جمعه الا الشعراء الكبار
الشاعر الذي يشعرك باحترامه لك وانت تتصفح نصوصه
من تشعر انه يلمس الغيم بكلتا يديه
القادر على تغيير مجرى النهر !



صحت أفكارك

[السميــــــري]

قصيدة ..
جعلتني أعيد قرائتها ..
علي .. أبدعت في الوصف وفي المدح وفي الغزل ..!
سلم لي على فكرك ..!


تدري وش أقشر يوم فالعمر عشته ؟
فرقـا وليـفٍ لـه معـزّه و مقـدار

غـروٍ بلشنـي بالهـوى وابتلشتـه
ركى على قلبي مثـل واهـج النـار

صح لسانك ..

[المعتصم بالله]

علي فلاح

شاعر جزل في كل مجالات الشعر ما شاء الله

تحياااااااتي

[علي فلاح العضياني]

بندر المرشدي




اشكرك على مرورك طال عمرك

[نايف بن ملحق الثعلي]

صح لسانك مليون
قصيده جزله

التوقيع

ما هوب لازم توقيع00

[عبدالله الجـــذع]

الف شكر على إمتاعنا بهذه الرآئعه

صح لسآنك ياشاعرنا الجميل علي

لاتحرمنا جديدك
محبك..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[أبو نجر النفيعي]

..

الله الله .. الله الله

جزله جزله وشامخه شامخه بشمووووخ ابو فلاح ..

صح لساااااانك با علي مليووووووووووووون ..

وسجل اعجابي بكل ما تكتبه ..



أخوك

التوقيع

.....

[علي فلاح العضياني]

سلطان الجذع




تسلم على المرور والاطراء الجميل



تحياتي طال عمرك