عفاس بن حرباش وبندر المرشدي

[ناصر المرشدي]

هذه المحاورة كانت بين الشاعر

عفاس بن حرباش و الشاعر بندر المرشدي

في منتدى مجاور

عفاس بن حرباش

يامرحبا يابندر اقلط بين نار وبين غـار=في ساعةً يدعابها والله يعين الصابرين
اسمك حقيقي فالبطاقه مير طبعك مستعار=مدري وش الي غيرك يومً ربعك طيبين

بندر المرشدي

دام البقـاء لكـنّ يـارجـال لاتـخـط المـسـار=حاسب على روحـك تـرا قدمـك جبـالاً ماتليـن
اسمي وطبعي مع رجال الطيـب يلقـى لـه وقـار=واللي على راسه بلاء.. يتحسسه ويقول:- وين؟!!

عفاس

بعض الجبال ان جيتها صارت على البيداء غبار=وانشد هل المرقاب وافهـم بالاشـاره ياذهيـن
لو ننشد الصحاف قال الجيش صامـد فالمطـار=والجيش خاين من قبل مير الصحافـه كاذبيـن

بندر المرشدي

نشدتهم قالوا علوم كبار وان جاء الجد نار=ما يلحقه صاروخ توما هوك لاعد أميتيـن
ما للعلوم اللي تلفقهـا.. هنـا أي اعتبـار=الأرض تحمل مايطيح من السماء والله يعين

عفاس

عز الله اعطوك الحقيقه كل ابوها باختصار=نارً على راع الرداء واعاف درب الخايبين
ماقد سمعت بمثلها وسط الصحاري والديار=فعلة قليل العرف يوم ان النشاما غايبيـن

بندر المرشدي

ياجعلها تفداك هاذيك الصفـة يالمستشـار=والترجمة محفوظـةٍ بحقوقهـا للناشريـن
بعض الوجيه السود ما والله يغطيها الخمار=مالي شرف في خوة اللي مالهم مذهب ودين

عفاس

الليل يستر ماحصل مير الفضيحـه فالنهـار=لو جاء من المخطي عذر يمكن نعود سامحين
خل الكديش يعيش واشتل مابقى فوق القطار=ابوي وصاني وقال ارحم ضعيف المعتديـن

بندر المرشدي

العود يـاراع السوالـف مايحالـي للزقـار=والعضو لا منه فسد آآكيد الـه مستأصليـن
لا تطري الرحمة يابن حرباش كان الك اقتدار=نبا نفتش سيرةٍ ماهـي ريـاض الصالحيـن

عفاس

راع السوالف خابره مير انتبـه للانحـدار=ماودي افرح كـل غـدارً وشمـاتً لعيـن
ولاودي اقتل موهبه واسرع بتصدير القرار=وش عاد لاصارت من اربوعن لنا وقريبين

بندر المرشدي

البادي اظلم ...من تحداني سريع الانتحار=لاكن دحدر مع كرا وإلا بعد سفط يميـن
الشعر لا منه سقط ماعاد اله ياهيه كـار=رافع مقامي مع هل الإبداع والذوق الثمين

التوقيع

nasser1-9@hotmail.com http://www.facebook.com/profile.php?id=100002473132393 twitter@nasseralmarshde

[مرزوق حمدان العتيبي]

...
بندر
ما للعلوم اللي تلفقهـا.. هنـا أي اعتبـار
الأرض تحمل مايطيح من السماء والله يعين

عفاس
ماقد سمعت بمثلها وسط الصحاري والديار
فعلة قليل العرف يوم ان النشاما غايبيـن

بندر

بعض الوجيه السود ما والله يغطيها الخمار
مالي شرف في خوة اللي مالهم مذهب ودين

..
محاوره شيقه وممتعه .. وعظيمه ..
صح لسان ابو سلطان وهو دايم مبدع ....
وصح لسان قبيله المبدع ايضاً ...
وسلم ذوقك يابو تركي .. ولاهنت ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[بارود عازمي]

صحت الالسن


ياشعارنا الافاضل


بيض الله وجيهكم

[محمد صالح العطاوي]

محاورة ممتععه جداً
صحت السن شعارها

[علي فلاح العضياني]

يا ليتني ادري وين صارت المعركه هذي يابو تركي ابا احول في وسطهم



هههههههههههههههههههه


صحت السنتهم و مشكور على النقل

التوقيع

(( رأس الحكمه مخافة الله ))

[عبدالله الجـــذع]

الله أكبر

شعرآء رآئعين

صح لسآن بـندر الغالي ولسآن عفآس

ألف شكر لك ياناآصر يالغالي

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[معجب العتيبي]

ناصر المرشدي

شكرا كل الشكر على نقل هذه المحاوره المميزه

وليس غريب على ابو سلطان هذا الابداع والتميز اينما حل


صح لسان الشاعرين

التوقيع

[قادح شرار]

مشكووووووور يا ناصر على نقلك هالمحاورة الجميلة .

صح لسان أبو سلطان وصح لسان عفاس .

[/عبد العزيز الجذع/]

لاهنت يا ناصر على نقل المحارة الرائعة...



صحت السنتهم..


تحياتي..

[ابو عبد الإله]

الله الله لاهنتوا

يابندر وياعفاس
صحت السنتكم ياخوالي ماقصرتوا المحاوره وافيه وكافيه ولاهي غريبه منكم والله يعطيكم العافيه وننتظر القادم