لالا يغرك مانشر عبر الاخبار

[شلاح بن ماجد الحربي]

"
حطيت لي بالشعر بصمه وتوقيع=في ساحةٍ فيها من الجمع شعار
وطوعت قيفان الشعر حيل تطويع= من مصنعٍ بالراس من نسج الافكار
وذكرت فيها من كبار المواضيع= غض النضر عن هالمناصب والاعمار
في دولةٍ فيها قلوبٍ مواجيع= مصروفةٍ عنهن حقوقٍ والانضار
بالمملكه روعٍ من الجوع ترويع= ياخادم البيتين ياواف الاشبار
الناس من جور الليالي بها ضيع= لالا يغرك مانشر عبر الاخبار
لوتنتج الدوله كبار المشاريع= من هالبطانه يعلم الله تنهار
ابطانةٍ ببطونها حقوقنا تضيع = ولحقوقهم ياسيدي حيل شطار
كبار الكروش الي حلايا المضاريع = لاكبرة القاله يلوذون بالدار
يخفون شر اعمالهم بالتصانيع= وتعجبك سيماهم تقل ناسٍ اخيار
وهذي ترا سيما اهل النفاق المطاميع= وذولا ترا بالدرك الاسفل من النار
ومني لبو متعب سلامٍ وتشجيع = والله يبيض وجهه امنين مادار
عكف الشوارب لاعصت قدمه تطيع= ياحي راسه لابدا الماقف الحار
اجدد له الطاعه واجدد له البيع = والله يثبت خطوته وين ماسار

شلاح بن ماجد

[@ـايل]

الله الله

صح لسانك يابن ماجد الحربي على الابيات الجزله

لاهنت وبيض الله وجهك وعسا ربي يقويك

التوقيع

تويتر : AlHooL@

[فالح بن مسيب الدحيلي]

قصيده جميله ولا هنت يالغالي وفالك البيرق هههههه

[عبدالله الجـــذع]

الله

جزله يالجزل

صح لسآنك واعتلى شأنك يالغالي

ننتظر جديدك

محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بارود عازمي]

صح لسانك يابن ماجد الحربي على الابيات الجزله

[فهيد مقعد الرويس]

صح السانك

ياشلاح

جزله لاهنت

تقبل تحيتي وتقديري

[فهيد الايدا المورقي]

شلاح الحربي صح لسانك



قصيده جزله

[معجب العتيبي]

الله

جزله يالجزل

صح لسآنك واعتلى شأنك يالغالي

ننتظر جديدك

التوقيع