الفارس شديد الحثري العصيمي رحمه الله..

[نـايف العصيمي]

السلام عليكم ورحمة الله وبركاته




صبحكم بالخير ياعتيبه وياخوان وفي البديه اشكر المشرف على جهده السريع واحب اذكر لكم افعال فارس معروف في الجزيرة العربيه ،وانا استغربت لم اجد له ولو موضوع هنا والفارس هو شديد بن منصور الحثري العصيمي العتيبي رحمة الله . فقد كان شديد من ابرز الرماةفي زمانه وكان بواردي ورجل شهم ودين .



وفي يوم من الايام قاموا مجموعه من الصعران من مطير بغزوه واخذ ابلهم الا انه قام بمطاردتهم وقتل منهم تسعه رجال وخمسة عشر ذلول وانقذهم اليل منه واسترجعها وقال قصيدته المشهوره رحمة الله عليه...






















قال العصيمي بادي براس قنه ** في قنة عديت عالي رقيــبها

ماحولي الا هامل الصيد والخلا **وشهب الذياب الي تعوا قنيبها

ابني بيوت كنها ذايب العسل ** او در عرب من محالي حليبها

يالله المطلوب ياقايد الرجا ** ياخالق الامه ومبدي نصيبها

يامقسم ارزاق الخلايق كلها * * يامجود الانـفس ويامعتـنيبـها

ياقاهر الطاغي وياقامع الخنا * * ونفس تعثوابك عليك تعذيبها

يارب توحي جابتي عند حاجتي * *ياخالق روح البنادم حسيبها

ارجيك يومنك براجيك تعتني * * وعين ترجالك الرجا ماتخيبها

تطرح بنا غيث صدوق به الحيا * * يسقي ديارا بالقسا نلتويبها

ونك تعاونا على مايل الدهــر * *وتكسي مدارنا بخضرة شعيبها

ماني بخبل نومته حزة الضحى * *ولا من الرخوم الي شينها في قريبها

من الادعاصم كل ماجا دعيه * * تزيل الحجه وتفــلح طليـبـها

وان جا عليهم خصيم احرابه * * ربعــي مضراة بالطمة حـــريبها

تفدع شيوخ القوم حومة الوغى * *بمسلب تشلح تراتيب صويبها

مسلب كن الزوارق ارقابها * * من الصيد حناها وعدل خشيبها

للضيق ومبادي الردى متعبينها ** مصنعة افرنجي قوي لهيبها

ترعا بهن من سنين العشايب * * في ديرة قفر خلا من وطيبها

ونركب بهنه فوق عوص العجايب ** هجن وجياد زرع قلبي جنيبها

يوم ولد الاش دايم نقمةلبن عمه ** لو كان ماله حجة يدعيبها

جونا كما جو البرد من مخيلته ** قدام عين الشمس تدرك مغيبها

من فوق جرد كن اضاحي نحورهن ** فوق الادام تقافي هديبها

وقمنا عليهم قومة تعجب النضر ** والقرم بسم اخته غدا يعتزيبها

نشهر عزاوينا ونطلق مهارنا ** ونطلق اللي طامح من خطيبها

كم من عيطموس من جرايد فعولنا ** حبه نهار الكون تبكي حبيبها

ذبحي من الصعران تسعه ببندقي ** بالمارتين اللي سريع نديبها

وخمسة عشر جيشن عليها الاهله ** وباقي عدايدها لمن يستنيبها

والله يالولا الملح مارتب ولا زمى ** هذيك نعطبها وهذي نعيبها

ياذيب يالي في خشوم ذهلاني ** فالرايغه واعلى علاوي شعيبها

اقنب لذيب يم خشم الزباره ** وعيد على هجنن ونشر عصيبها

تشبع جعيدات وتشبع حنادي ** وعلى العشا تدعي المكاحيل ذيبها

وهذي علوم الصدق ياجاهلن بها ** ولاني قايل سالفة مادريبها

وختامها مني صلاة على النبي ** عد النجوم وعد من يهتدي بها






واسمحولنا اذا فيه اخطا املائيه...............
__________________

آخر تعديل نـايف العصيمي يوم 12-Feb-2008 في 04:29 AM.

[عبدالرحمن الهيلوم]

مشكووووووووور يالغالي والنعم بقطمان المحازم

[محب الهيلا]

مشكور وماقصرت على النقل

[فهد النفيعي]

مشكور ياغالي والف نعم بالاد عاصم قطمان المحازم

[نـايف العصيمي]

عبدالرحمن الهيلوم ماعليك زوووووووووووووود يالغالي وشاكرلك على المرور .

[نـايف العصيمي]

محب الهيلا لاشكر على واجب

[نـايف العصيمي]

فهد النفيعي ماعليك زود يابن العم و الف شكر لك على مرورك .

[أبو مرحبا]

رحم الله الفارس شديد الحثري

لاهنت على النقل

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[نـايف العصيمي]

ابو مرحبااااااااااا ولانت يالغالي
واسعدني مرورك

[اخو شطنى]

ونعم يعيال عاصم رجالن لهم هيبتهم