درةً في جوف شعرً يطرب الي يسمعـه

[السيل-الحافي]

مساكم الله بالخير جميع وستلمو وسامحو كان فية اقصور اخوكم السيل الحافي

ياعيون الشعر وين الي على الجزله يطول= ابتدا سيل الشعيب و يردعه مـن يردعـه
من يحول في غزير اليـم يمكنـه ينـول= درةً في جوف شعرً يطرب الي يسمعـه

[معجب العتيبي]

ياعيون الشعر شوفي واسمعي ذا وش يقول=الجبل ثابت وسيل الارض عيا يقطعه
مايغوص اليم يارجال رجالٍ كسول=ومن بغى در البحر لابد ينزل يجمعه

[مرزوق حمدان العتيبي]

ومن بغى در البحر لابـد ينـزل يجمعـه


رااااائع

لاهنت ولا هان بن حافي..
واصلوا
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[السيل-الحافي]

حياك الله يسارح البال وستلم

يا سريح البال سقها مثل سوقي للذلول = وأنت قدم السيل لاتاقف ويسري بك معه
أنت قدامك فحول وتبرك وزانك فحـول = والدرر في البحر واجد والشواعير أربعه

[السيل-الحافي]

مرزوق العتيبي

مشرف عام

صح بدنك وجياك الله يبن العم جيتك زادتناء شرف

[معجب العتيبي]

كان ابه علمٍ ورا صدرك يابن حافي يجول=هات علمك قبل يبطي في ضميرك واسمعه
الجمال اللي معي تبرك وتشتال الحمول=وانت قدامك جبل وحمول شلها واطلعه

[معجب العتيبي]

المشاركة الأصلية كتبت بواسطة مرزوق العتيبي

ومن بغى در البحر لابـد ينـزل يجمعـه


رااااائع

لاهنت ولا هان بن حافي..
واصلوا
....

الرائع اشرافك وتوجيهك وتواجدك الدائم

وتشجيع اخوانك

فشكرا لك ولكل مشرف يؤدي واجبه بالشكل المطلوب

[فالح الكرنافـ]

صح السانكمـ

واللهـ يعطيكمـ العافيهـ

[السيل-الحافي]

وآهجاد القلب من غرواً حلا زينه يهـول = سبلة له روحي وعيني حلى تدمعة
لا بغيت تحط عند الناس لك فضل قبول = لا تحط الورد وسط الشوك منهو يزرعه

آخر تعديل السيل-الحافي يوم 21-Nov-2007 في 10:47 PM.

[رمح العصاي]

لا بغيت تحط عند الناس لك فضل قبول
واصل ياسيل الحافي ماسك الصف ولاهنت ياسارح البال