سلام والمعنى يبي قيد وخطام = والقاف ينحت والروابع جزيله

[عقاب الحويماني]

السلام عليكم ورحمة الله وبركاته



كما تعلمون بإهتمام ابناء القبيله بهذا الملتقى وتكاتفهم وإفتخارهم


بقبيلتهم وبتراثها ومجدها وتاريخها العريق ......


فمن هنا اضع بين ايديكم قصيده لاحد ابناء هذه القبيله العزيزه :

هبت على صدري ذعاذيع الانسام = من يوم ربعي إعتلوا بالطويله
تكاتفوا بالعز والجهد ف أيام = في ماقفن كل الاوادم تخيله
سلام والمعنى يبي قيد وخطام = والقاف ينحت والروابع جزيله
قدام ياربعي ترى العلم قدام = من قبل مسرج كل قبن اصيله
ومن بعدها سقت القوافي على ام = روز البيوت اللي تجيكم ثقيله
قمت اتعزوى والقواقي بدرهام = من لحتما الماقف عليه الفشيله
قوافين منقيتن كلها شام = تنصى بني عمي وشيخ القبيله
اميرنا إللي للمهمات مقدام = نسل الشيوخ اللي تفك الدبيله
متعب وهو متعب صناديد وخصام = ليرتكى للحمل لازم يشيله
تسلسله من راس محماس وخزام = اهل الشداد اللي لقينا حصيله
أمارته غصبن على كل الاقزام = وحنا تحت رايه وكلن يجيله
وآلاد منعر كلهم درع وحزام = عيال عمي كاسبين الجزيله
يومنها بالزان والدرع وحسام = وكلن على العدوان صاعه يكيله
يقودنا خزام لضد لطام = ليا عتلى من فوق سرج الكحيله
وكثرة عزاوي كل شيخن وطهطام = وبارودها يقبس برأس الفتيله
مركاضنا يشبع به الطير لاحام = عوق الشيوخ اللي تعن الاصيله
منزحت عن نجد دقلات الاخصام = يقولها فراج هذا دليله
وحنا هل البيرق ليا رزت اعلام = يوم الرغامه والمواقف جليله
ودرع" لابن هندي وهو ساس حكام = إبن الشيوخ اللي عدل كل ميله
وحنا أخذنا العز عام" بثر عام = مقصودنا القمه ولابه بديله
واليوم حنا تحت حكم الاسلام = اللي حموها بالسيوف الصقيله
آل سعود اللي لها الطاعه إلزام = حكامنا اللي كاسبين الجميله
وصلاة ربي عد ماصام صوام = على نبين" قادنا للفضيله .

	للشــــــــاعر / تركــــي بن متلـــــع القبــــــع .

[هلال الدوادمي]

قدام ياربعي ترى العلم قدام=من قبل مسرج كل قبن اصيله

عقاب الحويماني ...

لاهنت والله يعطيك العافيه ...


شاكر لك كل الشكر يالغالي ...

على النقل الجميل صراحه

تقبل مروري ...

ودمتم،،،

[صقرالحره]

صح لسانك يالقبع ومشكور اخوي العزيز

عقاب

بارك الله فيك

[طارق النفيعي]

صح لسان الشاعر

ولاهنت يالغالي

شاكرين ما قدمت ..

أخوك : طارق النفيعي

التوقيع

أخوكم : طارق النفيعي

[الاد الكريزي]

بيض الله وجهك
ولاهنت يالحويماني

[الذيابي (العطيف)]

وحنا هل البيرق ليا رزت اعلام


يوم الرغامه والمواقف جليله

[تركي الجذع]

الله الله رائع وصح لسانك